Marcos 12:2 - Nuevo Testamento Toba Sur

² Qaq co'ollaq ivita so laloqo' da qanqat ana nanguishi, nachi somayi namaq so lamaxashic, da yaqto' iÿaxanot se'eso 'onataxanaxaicpi, da icolaxateuga acam talec somayi qanqoÿin.

Nuevo Testamento Toba Sombrero Negro

² Ca'li yovita ga'me laloqo' da'me qonaqat jaga'me jala, qama'le yamaĝalo ga'me lalemaĝajet jogaa'me onataĝanaĝayaqa, qaedi qoyanem ga'me lae ga'me jalayaĝac jaga'me uva.

La'aqtaqa Ñim Lo'onatac 'Enauacna 2013

² Qaq co'ollaq iviteuga so laloqo' da qanqat ana ala ana nañiguishe, nache so lalamaxat se'eso nanaxanaqa' ỹamaq so lamaxashec, da yaqto' iỹaxanot se'eso 'onataxanaxaicpi, da icolaxateuga acam talec somaye qanqa'en.

Marcos 12:2 Referans Kwoze

Hebreos 1:1

Soua hua'a'u vi'iyi co'ollaq ñi Dios qalota da da'aqtaxanem som hua'au qadta'alpi, qalaq ÿotta'a't da 'eetec naq'en da i'aqtaxanaxan som l'aqtaxanaxanecpi.

Lucas 20:10

Qaq co'ollaq ivita so laloqo' da qanqat ana ala, nachi namaq so l-latac da iÿaxanot som 'onataxanaxaicpi, da yaqto' qaicolaxateuga acam nlatac. Ime, nachi qaÿi'iguelaxatchigui.

Lucas 12:48

Qaq cam nlatac mayi ÿoqta 'itchiguiñi da sa ÿaÿaten cam i'ottac mayi ishit da chigaqaigui da huo'o qanqoÿin ca nhuaxanaguec, qaq camayi saq 'amaqtaq qome ca nhuaxanaguec. Qaq ca qalota cam qoÿanem, qaq nataq'en qalota cam qaiÿaxaneu'a, qataq cam qalota cam qaipataxalec, qaq nataq'en ÿacteec da qalota cam qaiÿaxanaique.

Mateo 21:34

Qaq co'ollaq mashi ivita so laloqo' da qanqat ana ala na nanguishic, nachi somayi namaq so l-latacpi, da yaqto' iÿaxanot se'eso 'onataxanaxaicpi, da yaqto' icolaxateuga cam talec somayi qanqoÿin.

Marcos 12:1

Nachi so Jesús ÿauota'a so laloqnaxanaxat da da'aqtaxanem so shiÿaxauapi, 'eeta': –Huo'o so shiÿaxaua ÿaañi aso languishi uvas. Ime, nachi npaxateu'a, qataq i'ot aso laÿi' da qanlom na lli'i, qataq i'ot aso nalloxolate da yaqto' ishit da qaÿallitalec 'enauac asomayi. Qaq co'ollaq ime, nachi huo'o so i'aalaxanaxanec 'onataxanaxaicpi se'eso n'alhua. Nachi somayi jec, qaÿoqta ca taÿa.

Marcos 12:3

Qalaxayi se'eso 'onataxanaxaicpi ÿaconeu'a somayi, nachi iuaxaatac, nachi qaÿi'iguelaxat, qaica ca qoÿami'.