Marcos 12:17 - Nuevo Testamento Toba Sur

¹⁷ Nachi so Jesús 'enapeco' somayipi, 'eeta': –Qai'añiim qome ñim lta'a na nta'alpi cam maichi lalamaxat, qataq ñim Dios qai'añiim ca maichi lalamaxat. Nachi somayipi ÿataqta i'aalac da l'aqtac somayi.

Nuevo Testamento Toba Sombrero Negro

¹⁷ Qama'le Jesús enaac: —Chane'eja chimaqachiñe da'me auañem ga'me jo'ne mach'e loĝot ñe'me lejaliaĝane'j gaa'me Roma laje', nataq'aen auañem ñe'me Dios ga'me mach'e loĝot. Qama'le jalcote da'me yoqochetem da'me 'laqatac joñe'me.

La'aqtaqa Ñim Lo'onatac 'Enauacna 2013

¹⁷ Nache So Jesús 'enapego' somayepi, 'eeta': –Qaỹa'añim qome ñim lta'a na nta'alpi cam maiche lalamaxat ñimaye, qataq Ñim Lo'onatac 'Enauacna qaỹa'añim ca maiche lalamaxat. Nache co'ollaq qaỹa'axaỹa da la'aqtac So Jesús, nache somayepi ỹataqta lta'araic da la'aalaxa.

Marcos 12:17 Referans Kwoze

Romanos 13:7

Qaq ÿoqo'oyi iuen da ñi 'oonolec shiÿaxaua qoÿanem cam iuen da qoÿanem. Cam neto'ot aca navigaxaiste nam ÿotta'a't mayi qaishiiteetacpi, qaq no'on da camayi qaÿi'iguelaxatot cam lalamaxat. Qataq cam iuen da huo'o naq 'enec qanqoÿin, qaq nachida qai'otec. Qataq cam iuen da qaÿi'oxoden, qaq nachida qai'otec.

1 Pedro 2:17

Qaica qome ca qadapaquiÿalec 'enauac na shiÿaxauapi. Qataq ÿataqta qauauochiic na qad'amqajnataxanaxauaipi, qataq ÿataqta qayi'iÿai ñi Dios, qataq qaualaqaiguet ca nta'a mayi ÿataqta ÿaquitchiguem.

Romanos 6:13

Qataq sa ishit qome da qai'añiim da qad'oquiaxaqui dam 'onataxac da yaqto' i'onataxanaxanec cam sa ÿaÿamaxañi. Chaqdata da qami' qanañañiÿot ñi Dios, qalaxayi qoñiita'am ca shiÿaxaua da mashi ileu qaltaq ÿi'iguelaxalec da nca'aleec. Qaq qai'añiÿot qome ñi Dios 'enauac da qad'oquiaxaqui, da yaqto' ñimayi do'onataxana da i'ot ca ÿaÿamaqchiguiñi.

Romanos 12:1

Qaq ÿoqo'oyi qami' ÿaqaÿadolqa, souaxat da lta'adaic lqouagaxanaqtaic ñi Dios, qaq ÿoqo'oyi qami' ñachoxodeetoiguilo da ÿataqta imauec qome da qanachaalataxaqui da qai'añiÿot ñi Dios. Qoñiita'am qanqashiñi aca nachitaqtaxanaqte mayi ÿataqta nca'altauec, yaqto' qami' lhuotte' da qau'onataxañiÿot ñi Dios, qataq da qami' ÿaÿamaxadeete' ñimayi. Qaq 'eda qome da 'eetec da lli'oxonnataxanaxac da qadquiyaqteÿaxaqui.

Mateo 22:46

Nachi sa ishit da huo'o ca chochi 'oonolec somayipi da ÿasat. Nachi chigoqchiguiña se'eso na'a'q da sa ishit da huo'o ca inattac somayi.

Mateo 22:22

Qaq co'ollaq qai'aqchigui de'eda, nachi somayipi ÿataqta huo'o da l'aalaxa. Nachi qoÿaxaañi somayi, nachi somayipi jec.

Marcos 12:30

Ÿataqta 'auauotec qome ñi qadataxala' Dios, imauec 'anqa'en da 'adquiyaqteÿaxac, qataq da 'anachaalataxac, qataq da 'adhuennataxa, qataq 'enauac da 'ad'añaxac.” Qaq 'eda dam ÿacteec da qaÿalaxalec nam nqataxacpi.

Mateo 22:33

Qaq co'ollaq hua'aqchigui de'eda na shiÿaxauapi, nachi ÿataqta huo'o da l'aalaxa naua lapaxaguenataxanaxaco somayi.

Mateo 8:10

Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Mateo 22:21

Nachi somayipi 'eeta': –Qomyi nachiñi ñi lta'a na nta'alpi. Nachi so Jesús 'enapeco': –Qai'añiim qome ñim lta'a na nta'alpi cam lalamaxat, qataq ñim Dios qai'añiim qome cam lalamaxat.

Marcos 12:16

Nachi qanda'a aso 'oonole. Qaq co'ollaq ilolec, nachi denataxan, 'eeta': –¿Négue't ca lashic yi'iyi huetalec ana'ana, qataq yim n'enaxat mayi nanettalec? Nachi somayipi 'enapeco': –Qomyi nachiñi ñim lta'a na nta'alpi.

Lucas 20:25

Nachi somayi 'enapeco': –Qai'añiim ñim ilotague' nam nta'alpi cam maichi lalamaxat, nataq'en qai'añiim ñim Dios ca maichi lalamaxat.