Marcos 11:25 - Nuevo Testamento Toba Sur

²⁵ Qaq da huo'otaq qanqouagaxauñiitac, nachi da huo'otaq huo'o ca qanasouaxachiÿa'ai' qadÿai, qalaq camayi qauchoxoyiñi, yaqto' nataq'en ñim qadta'ai mayi neto'ot na piguem, ñimayi ishit da ÿapalaxat ca qadasouaxashichi.

Nuevo Testamento Toba Sombrero Negro

^25-26 Nataq'aen qom anetameñetac, qom 'uo ga'me ami nautenalo, 'noota qom auapalaĝachi daa'me laviyaqataĝanaĝaco, qaedi nach'e ena'am yapalaĝa't daa'me adoecodi' ñe'me Adet'ai jo'ne na'ague di'me p'ajeguem 'me piyem.

La'aqtaqa Ñim Lo'onatac 'Enauacna 2013

^25-26 Qaq da qanqouagaxauñi qalaq qauchoxoyiñi ca shiỹaxaua maye huo'o ca qami' ỹo'oteque qauem. Yaqto' Ñim Lo'onatac 'Enauacna maye Qarta'ai maye neta'ague da piguem, ỹapalaxat na qarasouaxashechi.

Marcos 11:25 Referans Kwoze

Colosenses 3:13

Ñi 'oonolec da qoñiita ÿataqta nhualaxaune' ca lÿa qataq ichoxoden da huo'otaq huo'o ca ÿasouaxat. Da 'eetec so Cristo da qami' ichoxode'n, qaq nachida qau'ochi.

Efesios 4:32

Chaqdato' da qami' soxodaiqa, qataq choxonnataxanaxaiqa, ñi 'oonolec ÿataqta ichoxoden ca lÿa da huo'o ca ÿasouaxat, yaqto' ishit da qoñiita'am ñi Dios da ÿachigoxotchigui so Cristo da qami' ichoxode'n.

Lucas 6:37

Sa ishit da qanmichi ca lasouaxashit ca qadÿai, yaqto' ñi Dios sa ishit da qami' nmi't. Qataq sa ishit da qauauo'oi ca nhuaxanaguec ca qadÿai, yaqto' ñimayi sa ishit da ÿauo'o ca qanhuaxanaguiiqui. Qalaxayi qauchoxonnataxañi qome, yaqto' ñi Dios qami' ichoxode'n.

Mateo 6:12

'Auapalaxat qome da qadasouaxashit, 'eeta'ama qomi' da mashi sapalaxataq cam qomi' qai'oteque sa ÿaÿamaxañi.

Mateo 5:23

Qaq ÿoqo'oyi 'am, da huo'otaq 'audotau'a aca 'adachitaqtaxanaqte aca nca'atoxonaxalate, qaq da tachigui yi 'adhuel ca 'adÿa da huo'otaq hueto'ot ca 'adasouaxashit,

Santiago 2:13

Cha'ayi ca sa ishit da ichoxoden ca lÿa, nachi qai'enaxatteguet qom qanmit. Sa ishit da qaichoxonnai'. Ÿoqo'oyi ca huo'o da lchoxonnataxanaxa, ÿataqta saqca ca da qom qanmitna.

Mateo 6:5

Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.

Lucas 18:11

Nachi som chigaqaigui nam fariseopi nachattañi co'ollaq nqouagaxaueetac, 'eeta': “'Am ita'a Dios, 'am sanot da ñi'achic, cha'ayi aÿim sa ishit da shin'am ca camachaqca shiÿaxaua, mayi cachaxaic, qauemaic, qataq lauatapiguiñi' aca sa lhua. Qataq sa ishit da shiita'am de'eda ÿacootapeeguet ana nshiitenaqte ca nta'a.

Apocalipsis 11:4

Qaq se'esoua dos n'aqtaxanaxanqa, nachisoua soua dos nanguishi olivos qataq soua dos ncoÿadaxanaxaqui' mayi qoÿaatraña ca netaña ñim lataxala' 'enauac nam huetalec ana 'alhua.

Lucas 18:13

Qaq som ÿacootapeeguet ana nshiitenaqte ca nta'a, qalaq nachi qaÿata'a ca hueta'a, qataq sa ishit da ÿamato'ot na piguem. Chaqdata da iuaxaalec ana ltogue, nachi 'eeta': “¡'Am ita'a Dios, aÿim 'auchoxoden qome, cha'ayi aÿim huo'oi naua sasouaxa't!”