Marcos 11:22 - Nuevo Testamento Toba Sur

²² Nachi so Jesús 'enapeco': –Ÿataqta qauauo'oi qome ca qadpi'iÿaxaqui ñi Dios.

Nuevo Testamento Toba Sombrero Negro

²² Jesús 'yateguet: —'Noota qom 'uo da'me adepi'i joñe'me Dios.

La'aqtaqa Ñim Lo'onatac 'Enauacna 2013

²² Nache So Jesús 'enapeco': –Ỹataqta qauauo'oi qome ca qarpi'iỹaxaqui Ñim Lo'onatac 'Enauacna.

Marcos 11:22 Referans Kwoze

Juan 14:1

Sa ishit qome da huo'o ca tatapigui qadvilli. Chaqdata da qaupi'iÿa'ai ñi Dios, nataq'en aÿim.

Marcos 9:23

Nachi so Jesús 'enapego' somayi, 'eeta': –Da 'aushit da 'au'amqajnataxan, cha'ayi cam da'amqajnataxan, nachi sa ishit da huo'o ca alaq.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

Colosenses 2:12

Cha'ayi co'ollaq qami' qanachilaxa'n, nachi 'eeta'am da qadÿaichiguiñi' so Cristo co'ollaq qailayiñi. Qataq co'ollaq qanca'alaxateec, nachi qaltaq qadÿaitchiguem, cha'ayi qami' ÿataqta qau'amaqchiñi da l'añaxac ñi Dios mayi nca'alaxateeguesop da nleuaxa somayi.

Mateo 17:20

Nachi so Jesús 'enapeco': –Cha'ayi qami' ÿataqta qapi'olec da qadpi'iÿaxaqui. Qaq ÿataqta 'eesa de'eda qami' shinapegalo nagui da huo'otaq qami' huo'o ca qadpi'iÿaxaqui, nai'ctaxa da lcata'amolec aca ala ana nanguishi l'enaxat mostaza, qalaq ishit da qoñiÿapega aca qasoxonaxa, qoñiita': “Qoca'ai ne'ena qoueta'a, 'anqo'ona ca lÿa 'alhua;” nachi acamayi ishit da ÿalaq. Qaq qami' ÿataqta qaica ca qauqalañiÿapec, da ÿoqta 'eesa da huo'o ca qadpi'iÿaxaqui.

Mateo 21:21

Nachi so Jesús 'enapeco': –Ÿataqta 'eesa de'eda qami' sa'axatema, da ÿoqta 'eesa da huo'o ca qadpi'iÿaxaqui qataq sa ishit da qauqoleguetaxañi, qaq sa ishit da chaqdata de'eda so'otec ada higo da ishit da qau'ochi. Cha'ayi nataq'en ishit da qoñiÿapega aca qaÿoqotchiguemec 'alhua, qoñiita': “Qoca'ai ne'ena qonetaña, ime, qaq 'angui aso auaxai,” qaq de'eda qad'aqtaqui ÿataqta ipacchigui.

Mateo 14:29

Nachi so Jesús 'enapeco': –Aja', 'ayala. Nachi so Pedro huenoteeguesop aso barco, nachi petalec na 'etaxat da nqo'oneuga so Jesús.