Marcos 11:18 - Nuevo Testamento Toba Sur

¹⁸ Nachi hua'aqchigui de'eda nam lataxala'pi na ntaxaÿaxanaxanecpi da qaitaxaÿapegue' ñi Dios qataq nam dapaxaguenataxaatapeguec na nqataxacpi. Nachi namayipi nmittaique ca lataxac da yaqto' ÿalauat somayi souaxat da ñi'itega, cha'ayi 'enauac na shiÿaxauapi ÿataqta huo'o da l'aalaxa somayi naua lapaxaguenataxanaxaco.

Nuevo Testamento Toba Sombrero Negro

¹⁸ Ca'li nomeda'a da'me dojo' gaa'me tamenaĝaiqui lo'ol lejaliaĝanaqa nataq'aen joga'me judiopi napaĝaguenoqo'tpi, ja nayaloĝode'n da'me yelodaque ga'me chiyaqayi da'me yala't ñe'me Jesús, qa'a t'oita joñe'me, da'me yema ga'me jiyaĝadipi yoqoch'em da'me lapaĝaguenataĝanaĝac.

La'aqtaqa Ñim Lo'onatac 'Enauacna 2013

¹⁸ Nache co'ollaq hua'aqchigui de'era nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi. Nache chegoqchiguiña da nmittaique ca lataxac da yaqto' ỹalauat So Jesús souaxat da ñe'etega, cha'aye 'enauac na shiỹaxauapi ỹataqta huo'o da la'aalaxa Somaye naua lapaxaguenataxanaxaco.

Marcos 11:18 Referans Kwoze

Mateo 7:28

Qaq so Jesús co'ollaq imat da l'aqtaxanaxac, nachi so shiÿaxauapi ÿataqta huo'o da l'aalaxa, souaxat naua lapaxaguenataxanaxaco.

Marcos 12:12

Nachi namayipi ÿauotaique da icoñi' so Jesús, cha'ayi ÿaÿaten da somayi i'ot de'eda daloqnaxana da tachigui naq'en namayipi. Qalaxayi namayipi ÿataqta ñi'iÿa'aguet na shiÿaxauapi. Nachi qaÿauaqta'a somayi, nachi qanayica'ai.

Hechos 24:25

Qalaxayi co'ollaq so Pablo i'axat da llic ca shiÿaxaua da no'on da lataxac, qataq da 'eetec da maichi ntel-la't, qataq cam pa'ateec na'a'q qom qanmit 'enauacna, nachi so Félix ÿataqta ñi'i. Nachi 'enapeco': –'Asoma qome, maichiyo' qom qaltaq huo'o ca idaqa', nachi qaltaq 'am seÿaxaneuga.

Juan 7:46

Nachi so huataxanaqpi 'enapeco': –¡Ÿataqta sa ÿauango' da huo'o ca 'eeta'am da ltaxaÿaxac de'eda shiÿaxaua!

Lucas 20:19

Nachi so lataxala'pi nam ntaxaÿaxanaxanecpi da qaitaxaÿapegue' ñi Dios qataq so dapaxaguenataxaatapeguec na nqataxacpi, somayipi nshitaique da nachi ÿaconeu'a se'eso na'a'q so Jesús, cha'ayi ÿaÿaten da nachiso somayipi ÿalamaqchigui de'eda qaÿaloqnaxaatega. Qalaxayi qañi'itega som shiÿaxauapi.

Lucas 19:47

Nachi 'enauaque se'esoua na'axa'te so Jesús dapaxaguenataxaatac, huetaigui aso n'onaxanaxaqui late'edai. Qalaxayi nam lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq nam lta'alpi na shiÿaxauapi, namayipi ilotaique ca lataxac da ishit da ÿalauat so Jesús.

Lucas 4:22

Nachi 'enauac qaÿi'oxodeetac so Jesús qataq ÿataqta qai'aalatapeguec souaxat naua l'aqtaqa ÿataqta 'onaxaiqa. Nachi nnattega't somayipi, 'eeta': –De'eda, ¿peta'a sa nachido' da llalec so José?

Marcos 11:32

¿Qalqo' shinaqpec da nachina na shiÿaxauapi na ÿamaxalec? Cha'ayi somayipi ÿataqta huo'o da lli'iÿaxa na shiÿaxauapi, cha'ayi qaÿaÿaten da 'enauac da qai'amaqten so Juan da ÿoqta 'eesa da l'aqtaxanaxanec ñi Dios.

Marcos 6:20

Cha'ayi so Herodes ÿaÿateeta da so Juan ÿataqta no'on da lataxac, qataq qui'itta, ÿoqo'oyi ñi'iÿalec. Qaq ÿoqo'oyi somayi sa ÿashinem asomayi da huo'o ca 'ena'ac so Juan. So Herodes, nai'ctaxa da qalligueme da ÿoqta ÿaÿateetegue ca l'aqtaxanaxac so Juan, qalaxayi nachi 'en'am nqopita da n'axaÿaxana.

Marcos 3:6

Huaña, nachi so fariseopi jec da nqo'ona nam quetague'pi so Herodes da qaitaxaÿapigui ca lataxac da qaÿalauat so Jesús.

Marcos 1:22

Nachi na shiÿaxauapi ÿataqta i'aalac na l'aqtacpi, cha'ayi somayi naua lapaxaguenataxanaxaco 'eeta'am cam damaxasoxonapec, qaq sa ishit da 'eeta'am nam dapaxaguenataxaatapeguec na nqataxacpi.

Mateo 21:15

Qalaxayi nam lataxala'pi na ltaxaÿaxanaxanec na shiÿaxauapi da qaitaxaÿapegue' ñi Dios qataq nam dapaxaguenataxaatapeguec na nqataxacpi, namayipi co'ollaq ÿauaachigui nam qai'otpi mayi sa qaÿauanapega qataq hua'axaÿa da 'eetec so ñaqpiolec da i'alaqtagui co'ollaq huaigui aso n'onaxanaxaqui, 'eeta': “Ÿataqta huo'o da lli'oxoyic da llalec so qadta'a David,” nachi somayipi ÿataqta dalemata.

Lucas 2:47

Nachi 'enauac nam n'axaÿaxaatega somayi ÿataqta huo'o da l'aalaxa souaxat da ÿataqta ÿaÿaten da i'axategue nam qainataxaatapeguecpi.

Juan 7:1

Qaq co'ollaq ime de'eda, nachi so Jesús coleetac yi 'alhua Galilea. Somayi sa ishit da taÿa yi Judea, cha'ayi na judiopi mayi lma' yimayi nshitaique da ÿalauat somayi.

Juan 7:19

¿Sa ishito' peta'a da 'eesa so Moisés da qami' ÿanema so lqataxacpi? Qalaxayi ñaqaiyita sa ishit da huo'o ca 'oonolec da qoñiita da ÿalaxalec se'eso nqataxacpi. Cha'ayi ¿tá'ainco' yi qanshiitaique da aÿim qaualauachi?