Marcos 11:14 - Nuevo Testamento Toba Sur

¹⁴ Nachi so Jesús 'enapego' asomayi, 'eeta': –Nagui nachi tachiguiña qome da sa ishit da huo'o ca chic ca alaÿaxac da qoneta. Qaq soua lapaxaguenataqa hua'aqchiguilo de'eda.

Nuevo Testamento Toba Sombrero Negro

¹⁴ Chane'eja enapega jaga'me higuera: —¡Ja yitaĝa qoyalic jaga'me jala jo'ne am chiyaqayi! Jogaa'me lapaĝaguenataqa domachita da'me dojo'.

La'aqtaqa Ñim Lo'onatac 'Enauacna 2013

¹⁴ Nache So Jesús 'enapego' aso higo lcheyec, 'eeta': «¡Nagui, nache tachiguiña qome da saishet da huo'o ca chec ca alaỹaxac da qoneta!» Nache soua lapaxaguenataqa hua'aqchiguilo de'era.

Marcos 11:14 Referans Kwoze

Mateo 21:19

Nachi ila'a aso higo mayi neteu'a na laÿi so nqa'aic. Nachi nqo'oota asomayi, qalaxayi sa ishit da ÿanata aca ala, ndoteec ana laue. Nachi so Jesús 'enapega asa'aso higo, 'eeta': –¡Nagui nachi tachiguiña da sa ishit qome da huo'o ca alaÿaxac da qoneta! Huaña, nachi asa'aso higo daqaqa.

Juan 15:6

Qaq cam sa ishit da aÿim n'attau'a, nachi camayi qaÿasaxauec, nachi daqaqa, 'eeta'am ana lcouepi mayi qalaÿona't, nachi qaÿasaxangui ca nodec da qaÿavigaxat.

Mateo 7:19

Qaq 'enauac anam qo'ipaqpi mayi qauem da alaÿaxac, anamayipi qome qaiquesoqot, nachi qaÿasaxangui ca nodec.

Mateo 3:10

Aca qachipe mashi sogote imetai' da iquesoxoñot ana qo'ipaqpi. Qaq 'enauac anam qo'ipaqpi mayi sa ishit da no'on ana ala, nachi anamayi qaiquesoqot. Ime, qaq qaÿasaxangui ca nodec.

Apocalipsis 22:11

Qaq ÿoqo'oyi nagui cam i'ottac ca sa ÿaÿamaxañi, qalaq qaÿauaqta'a da i'ot. Qataq cam nshipaxan da nachaalataxac, qalaq ña nshipaxanaqchit. Qaq cam i'ottac ca ÿaÿamaqchiguiñi, qaq no'on da i'ot. Qataq cam nañanot da quetague' ñi Dios, qalaq no'on da ÿataqta quetelec ñimayi.

Mateo 21:44

Qaq se'eso coma', qalaq da huo'o ca camachaqca talec somayi, nachi camayi dolachigui. Qataq se'eso coma' da huo'otaq huo'o ca talec, nachi ÿataqta dolachigui naq'en.

2 Pedro 2:20

Cha'ayi ca mashi ÿauatton so qadataxala' qataq qadca'alaxaqui Jesucristo, qataq mashi sogote da dataueguesop na qauem 'onataxacpi mayi huetalec ana 'alhua, da huo'otaq ÿi'iguelaxalec da ncoñida'aguet qataq ipactegue da loxonec camayi ne'ena 'onataxacpi, nachi camayi ÿataqta napacalec som hua'auchiguiñi qauem lataxac co'ollaxa.

Mateo 21:33

Qan'axaÿaxañiÿa qome de'eda lÿa ÿaloqnaxanaxat mayi 'eeta': Huo'o so shiÿaxaua lalamaxat so 'alhua, nachi somayi ÿaañi aso uvas. Ime, nachi npaxateu'a, qataq i'ot so laÿi' da qanlom na lli'i anamayi, qataq aso lalloxolate, da yaqto' ishit da qaÿallitalec 'enauac se'eso nanaxanqa'. Ime, nachi somayi huo'o so i'aalaxanaxanec 'onataxanaxaicpi se'eso n'alhua. Ime, nachi jec.

Marcos 11:13

Nachi ilota'a aso higo lchiyic co'ollaq ña qaÿoqta, nachi demejnaxaata da huo'otaq huo'o ana ala. Qalaxayi qaca aca ÿanata, nda'a't ana laue, cha'ayi saxanaxa da laloxoqui da huo'o ana ala.

Marcos 11:15

Qaq co'ollaq ivildeu'a yi Jerusalén, nachi so Jesús inoxoneu'a aso n'onaxanaxaqui. Huaña, nachi i'odauec nam imeetac na lmenecpi qataq nam deshijnaxaatega na nmenec. Qataq ÿamaxañi na nmenaxala'pi nam nmeetega't naq'en ana alom na shiÿaxauapi, qataq ana nso'onaxaquipi nam imeetac na qoto'pi.