Marcos 10:52 - Nuevo Testamento Toba Sur

⁵² Nachi so Jesús 'enapeco': –Qojec qome, mashi 'am no'oita, cha'ayi 'au'amqajnataxan. Huaña, nachi se'eso qanamaic ishit da nauaañi, qanachi ca'ategue so Jesús.

Nuevo Testamento Toba Sombrero Negro

⁵² Jesús 'yateguet: —¡Jamo, oc! Jouaĝat da'me adepe'e, am yemegue q'aen. Qama'le paja'a male yauanac, nataq'aen equegue ñe'me Jesús ga'me ladic.

La'aqtaqa Ñim Lo'onatac 'Enauacna 2013

⁵² Nache So Jesús 'enapeco': –Nagui ishet da qojec, mashe 'am no'oita, cha'aye huo'o da 'arpi'iỹaxac Ñim Lo'onatac 'Enauacna. Huaña, nache se'eso qanamaic ishet da qaltaq nauaañi, nache ca'ategue So Jesús.

Marcos 10:52 Referans Kwoze

Mateo 9:22

Qalaxayi so Jesús nqoilec, nachi ila'a asa'aso 'alo. Nachi 'enapega, 'eeta': –'Am ÿaqaÿole, 'an'añaxat qome. Nagui mashi 'am no'oita, cha'ayi 'au'amqajnataxan. Huaña, nachi asomayi no'oita.

Lucas 7:50

Qalaxayi so Jesús 'enapega aso 'alo, 'eeta': –'Am nagui 'adca'aleec, cha'ayi 'au'amqajnataxan. 'Aue, qojec, nagui 'aulactapiguiñi.

Marcos 8:25

Nachi so Jesús qaltaq ipoteu'alo naua l'ai'te, qaq somayi nachi ÿataqta i'añaxachiguilo naua l'ai'te, nachi ishit da nauaañi. Huaña, nachi ÿataqta nauaachiguiñi.

Marcos 5:34

Nachi so Jesús 'enapego' asomayi, 'eeta': –'Am ÿalole, 'am qanataden, cha'ayi 'au'amqajnataxan. 'Aue qome, qojec, saqca ca da, 'am nagui mashi qaica so 'adalolaxa.

Juan 9:32

Cha'ayi ÿataqta sa ÿauango' da huo'o ca qai'axaÿapeguelec da huo'otaq nauaañi naq'en ca shiÿaxaua da huo'otaq nacteueegue' da sa nauaañi.

Mateo 15:28

Nachi so Jesús 'enapeco': –¡'Am 'alo, ÿataqta 'eesa da lta'adaic da 'adpi'iÿaxac! Qaq nagui ÿataqta ipacchigui qome cam qonetapeguec. Qaq co'ollaq chochi qoÿan da n'aqtac, nachi aso llale no'oita.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Marcos 1:31

Nachi so Jesús nqo'oneu'a asomayi, nachi ÿacona na lhuaq da ÿaashiguem. Huaña, nachi asomayi qaica so l'edaxa, nachi huetapegueto soomayi.

Mateo 21:14

Qaq co'ollaq huaña asa'aso n'onaxanaxaqui, nachi huo'o na qanamaicpi na nau'a so Jesús qataq nam qaica ca lchi lÿa. Nachi somayi nataden 'enauac somayipi.

Mateo 12:22

Huaña, nachi qaÿauegueu'a so Jesús so shiÿaxaua mayi qanamaic qataq qaicaua naua l'aqtaqa. Somayi huo'o so l'ec leguemaxaic. Nachi so Jesús no'oita naq'en somayi, nachi se'eso shiÿaxaua ishit da nauaachiguiñi, qataq huo'oi naua l'aqtaqa.

Juan 9:39

Ime, nachi so Jesús 'enapeco': –Aÿim ñanaÿa ana 'alhua, da yaqto' ishit da qaÿauo'o ca lasouaxashit ca shiÿaxaua, yaqto' cam sa nauaañi, qalaq ishit da nauaañi, qataq cam nauaachiguiñi, qalaq sa nauaañi qanqoÿin.

Mateo 11:5

Qau'axachiim camayi da na qaicaua naua l'ai'te, qalaq nlouec, qataq nam ñi'iidauo naua lchil, qalaq queuoÿapigui', qataq nam nchiga na l'oc, qalaq qaiÿouec da lalolaxa, qataq nam sa hua'aqa, qalaq ishit da hua'aqa, qataq na mashi ileu, qalaq nca'aleec qanqoÿin, qataq nam choxodaqpi, qalaq qai'axatem da n'aqtac mayi chigaqaigui da nca'alaxa.

Lucas 9:48

Nachi 'enapeco': –Ca ÿaconguet ne'ena nogotolec souaxat da aÿim i'amaqteetac, qaq nachaÿim mayi aÿim ÿaconguet. Qaq ca aÿim ÿaconguet, qaq nataq'en ÿaconguet ñim aÿim namaq. Cha'ayi ca ÿapacteec qaica ca l'amaqchic 'enauac da qoñiita, qaq nachica ca ÿacteec da l'amaqchic.

Mateo 8:3

Nachi so Jesús ipoteu'a somayi, nachi 'eeta': –Aja', seshit. Nagui 'am no'oita. Nachi co'ollaq chochi nasaxauec de'eda l'aqtac, nachi som nchiga na l'oc, somayi ÿataqta no'oita.