Marcos 10:45 - Nuevo Testamento Toba Sur

⁴⁵ Cha'ayi na shiÿaxaua llalec, namayi saq anac da yaqto' qanayiutapegue'. Chaqdata da huapec qataq da ÿan da nachaalataxac da 'eeta'am naq'en aca lashiue, da yaqto' qalota na qanca'alaxateec.

Nuevo Testamento Toba Sombrero Negro

⁴⁵ Qa'a mate mane'e jayem jo'ne yataqachiñe Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo nataq'aen qaedi janema da'me 'yoyaĝac joga'me jiyaĝadipi 'me jalcote, qaedi ñep'aĝanegueta jogaa'me.

La'aqtaqa Ñim Lo'onatac 'Enauacna 2013

⁴⁵ Aỹem Shiỹaxaua Llalec, nache ỹataxac de'era, sa ñanaỹa ana 'alhua da yaqto' Aỹem qanhualaxaueetapegue', nachaqrata da Aỹem ñeualaxaueetac, qataq ñanac da sesoueeguesop na lasouaxashetpi na shiỹaxauapi, qataq san da ñachaalataxac da lasheue damaye.

Marcos 10:45 Referans Kwoze

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

2 Corintios 8:9

Cha'ayi mashi qauauattoñi qami' da lqouagaxanaqtaic so qadataxala' Jesucristo, da somayi ÿataqta sallaxanec. Qalaxayi somayi ÿataqta nachoxoden, souaxat da lauotaxanaqtaic da qoñiita, yaqto' qami' ishit da qami' sallaxanqa, souaxat da lachoxoyic somayi.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

Juan 13:14

Qaq aÿim mayi sapaxaguenataxaatac qataq aÿim nataxala', yi seÿota'pe naua qadapia'chilli', qaq nagui no'on da ñi 'oonolec da qoñiita nataq'en iÿoi' naua lapia'te ca lÿa.

Hebreos 5:8

Qaq so Cristo, somayi nai'ctaxa da ñalec, qalaxayi somayi napaxaguena da ÿalaq, souaxat da nque'ejnaxac.

1 Pedro 1:19

cha'ayi nachisouate' soua ltago'q so Cristo mayi ÿataqta lta'adaic da lashiichiÿaxa'c co'ollaq 'eeta'am ca qagueta llalec mayi qaica ca lque'emaxa qataq qui'itta da qaÿalauat nachi qoÿaneuo da qaÿavigaxat.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

Gálatas 3:13

Qaq so Cristo qomi' nca'alaxateeguesopa dam lta'adaic qanhuaxanaguec mayi chigoqchigui na nqataxacpi, cha'ayi somayi nañanguet da lta'adaic nhuaxanaguec souaxat qomi'. Cha'ayi naua ñiyigui'shi l'aqtaqa ñi Dios 'eeta': “Ÿataqta sa qaichoxonnai' qome da qaÿauo'o da nhuaxanaguec ca qaicoñida'aguet cam qo'ipaq.”

Marcos 10:44

qataq camachicague't da qoñiita, da nshitaique da nataxala', qalaq nachica ca l-latac 'enauac na laÿipi.