Marcos 10:43 - Nuevo Testamento Toba Sur

⁴³ Qaq da qoñiita, qalaxayi sa ishit da qoñiitec de'eda. Chaqdata da ca nshitaique da 'amaqtaqaic da qoñiita, qalaq camayi nachica ca huapegue' na laÿipi;

Nuevo Testamento Toba Sombrero Negro

⁴³ Qalaĝaja 'noota qom ja naq'aeta da'me dojo' queda'me mach'e ami, dite da'me ga'me jo'ne jetaque p'ajaye da'me ami, 'noota qom nach'eñe necochoqo't ena'uaque jogaa'me laqaya'.

La'aqtaqa Ñim Lo'onatac 'Enauacna 2013

⁴³ Qalaxaye da qoñiita, saishet qome da qoñiitec de'era. Nachaqrata da huo'o ca nshetaique da 'amaqtaqaic, nache camaye iuen da huapegue' na laỹepi,

Marcos 10:43 Referans Kwoze

Lucas 14:11

Cha'ayi ca nshitaique da n'amaqten, qaq nachica ca saq 'amaqtaq qanqoÿin, qaq cam sa n'amaqten, qaq nachica ca 'amaqtaq qanqoÿin.

Marcos 9:35

Nachi so Jesús nso'ooñi, nachi iÿaxanoiguilo soua doce lapaxaguenataqa, nachi 'enapegalo, 'eeta': –Da huo'o ca nshitaique da l'auaxanec, qaq nachica ca ÿoqta pa'ateec, qataq nachica ca huapegue' 'enauac na laÿipi.

Lucas 9:48

Nachi 'enapeco': –Ca ÿaconguet ne'ena nogotolec souaxat da aÿim i'amaqteetac, qaq nachaÿim mayi aÿim ÿaconguet. Qaq ca aÿim ÿaconguet, qaq nataq'en ÿaconguet ñim aÿim namaq. Cha'ayi ca ÿapacteec qaica ca l'amaqchic 'enauac da qoñiita, qaq nachica ca ÿacteec da l'amaqchic.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Gálatas 5:13

Cha'ayi qami' ÿaqaÿa't, qami' qaiÿaxanalo da yaqto' qami' huesochiyiñi. Qalaxayi chaqdato' qome da sa ishit da qau'ashaxañiÿai' de'eda qansoxoqui da yaqto' qau'ochi cam 'eetapeguec dam qadapachiyaxaqui. Chaqdato' da ñi 'oonolec da qoñiita huapegue' ca lÿa, souaxat dam qadsoxoyiqui.

Juan 18:36

Nachi so Jesús 'enapeco': –Da i'onataxanaxac da aÿim nta'a, damayi sa ishit da nachana ana 'alhua. Cha'ayi da nachi 'eetéctaxa de'eda, nachi nam ca'attague'pi aÿim sogotéctaxa da deloqui, da yaqto' sa ishit da aÿim qoÿaneu'a na judiopi. Qalaxayi da i'onataxanaxac da aÿim nta'a, damayi sa ishit da nachana ana 'alhua.

Lucas 18:14

Qaq aÿim shinapec da se'eso shiÿaxaua co'ollaq ÿi'iguelaxa ca lma', qalaq ÿataqta ÿaÿamaxadeeta ñi Dios, qaq sa ishit da 'eeta'am so fariseo. Cha'ayi ca maichi n'amaqten, qaq nachica cam qaica ca l'amaqchic qanqoÿin; qaq cam sa n'amaqten, qalaq nachica cam 'amaqtaq qanqoÿin.

Marcos 10:42

Nachi so Jesús iÿaxanoiguilo soomayi, nachi 'enapegalo, 'eeta': –Qami' sogote da qauaÿajñi da lataxac na nta'alpi mayi ilotague' na ÿotta'a't shiÿaxauapi, da namayipi 'eeta'am ca 'aco' da ÿamaqtac na laÿipi, qaq nam 'añaxaicpi, namayipi ÿataqta i'otec da ÿalaxaguet naq'en da lamaxasoxonaxac nam laÿipi.

Marcos 10:44

qataq camachicague't da qoñiita, da nshitaique da nataxala', qalaq nachica ca l-latac 'enauac na laÿipi.

Lucas 22:26

Qami', qalaxayi sa ishit da nachi qoñiitec de'eda. Cha'ayi ca 'oonolec da qoñiita da ÿi'oxodaq, qalaq camayi i'enaxat qome ca ña nsoqolec; qaq cam damaxasoxonapec, qalaq 'eeta'am qome ca chochi namaxashic.