Marcos 10:33 - Nuevo Testamento Toba Sur

³³ 'Eeta': –Qami' qauaÿajñiita da nagui qomi' saxague da Jerusalén. Qaq huaña qome yimayi, nachi na shiÿaxaua llalec qoÿaneu'a na lataxala'pi na ntaxaÿaxanaxanecpi da qaitaxaÿapegue' ñi Dios qataq na dapaxaguenataxaatapeguec na nqataxacpi. Qaq namayipi qome nachi ÿauo'o ca ñalaataguec, qataq aÿim ÿaneu'a na chigoxouecpi.

Nuevo Testamento Toba Sombrero Negro

³³ enaac: —Da'me jo'ne joote auañiya nataq'aen auayachiñe nayi, queda'me jajoĝogue di'me Jerusalén, ua'a da'me jayem jo'ne yataqachiñe Jiyaĝaua Lec'oĝot jayem qoyanouelo jogaa'me tamenaĝaiqui lo'olpi lejaliaĝanaqa, nataq'aen joga'me judiopi napaĝaguenoqo'tpi, qama'le jayem qoyepoleguelegue da'me qaedi jayem qoyalat, nataq'aen queda'me jayem qoyanouelo jogaa'me Roma laje'.

La'aqtaqa Ñim Lo'onatac 'Enauacna 2013

³³ «Qami' qauaỹaañita da nagui qomi' saxague da Jerusalén. Qaq huaña qome yemaye nache Aỹem Shiỹaxaua Llalec Aỹem qoỹaneua'a na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq na dapaxaguenataxaatapeguec na namaxasoxonaxacpi. Nache namayepi qome ỹauo'o ca Aỹem ỹasaxalec la'aqtac saq 'en, maye 'eetega ỹasouaxashet cam Aỹem ỹauega ca ñalaataguec qataq Aỹem ỹaneua'a nam chegaqauec shiỹaxauapi,

Marcos 10:33 Referans Kwoze

Mateo 27:2

Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

Marcos 8:31

Huaña, nachi da'aqtaxanema soomayi, 'eeta': Ne'ena shiÿaxaua llalec ÿataqta qalota qome da nque'ejnaxac, qataq ÿamaqhuec qome namayi na nquedoxonecpi, qataq na lataxala'pi na ntaxaÿaxanaxanecpi da qaitaxaÿapegue' ñi Dios, qataq nam dapaxaguenataxaatapeguec na nqataxacpi. Qataq i'axatema soomayi da somayi taÿa'a da qaÿalauat, qalaxayi qom mashi inoxoodeec caua tres na'axa'te, nachi qaltaq nca'aleec.

Mateo 26:66

Qaq ¿chaq 'éetec cam qad'aqtaqui? Nachi somayipi 'enapeco': –Qomyi damayi huo'o da ÿasouaxat, qaÿalauat qome.

Mateo 16:21

Qaq huaña, nachi so Jesús ÿataqta da'aqtaxaatema soua lapaxaguenataqa, 'eeta': –Aÿim saigue da Jerusalén. Qaq huaña qome yimayi, nachi na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na lqataxacpi so Moisés, namayipi ÿataqta qalota qome naq'en da ñique'ejnaxac, qataq aÿim qaÿalauat. Qalaxayi qom mashi inoxoodeec caua tres na'axa'te, nachi qaltaq ñica'aleec.

Santiago 5:6

Qami' qauasaqailec ca lasouaxashit ca shiÿaxaua mayi saqca ca ÿasouaxat, qataq qaualauachi. Qalaxayi namayipi sa ishit da nañilengueta qami'.

Hechos 20:22

Qaq nagui aÿim saigue da Jerusalén, cha'ayi aÿim ÿauec so Espíritu Santo. Qaq aÿim sa ishit da saÿaten ca 'eetec ca souaigui qom sovi'.

Hechos 13:27

Cha'ayi nam shiÿaxauapi mayi netaña yi Jerusalén qataq nam lataxala'pi, namayipi sa ishit co'ollaxa da ÿauatton so Jesús, qataq namayipi sa ishit da ÿaÿajnegueta naua l'aqtaqa som l'aqtaxanaxanecpi ñi Dios mayi qaitaxaÿaxaata'pe naxa da huaigui ana laponaxaquipi namayipi yi na'a'q mataxaqui, nachi qoÿanguet somayi da nalaataguec. Qaq de'eda i'ot, damayi ipacchigui dam i'axattac co'ollaxa so n'aqtaxanaxanecpi.

Juan 19:11

Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

Juan 18:28

Nachi qaÿauec so Jesús, qaÿachigoxotchiguiña so lma' so Caifás da qaÿauega so nqasoxoc so nta'a Pilato. Qaq mashi yaqta'a co'ollaxa da yi'oxoñi, nachi nam judiopi sa ishit co'ollaxa da pa'au'a so nqasoxoc so nta'a, cha'ayi ivittaique da 'ico' da nshipaxan da nachaalataxac. Cha'ayi da nachi 'eetec de'eda, nachi sa ishit da dequi'iÿapegueu'a na nallic se'eso na'a'q mayi huetoigui da qaiuennate so na'a'q co'ollaq qanayica'ai so Egipto.

Lucas 23:21

Qalaxayi somayipi ÿataqta n'axannec da ÿi'iguelaqtalec da l'alaxac, 'eeta': –¡Qaiuaxaneuo qome namayi!

Lucas 9:22

Nachi 'enapeco': –Ne'ena shiÿaxaua llalec ÿataqta qalota qome da nque'ejnaxac, qataq qaimaqauec, imaqauec na nquedoxonecpi qataq na lataxala'pi na ltaxaÿaxanaxanecpi na shiÿaxauapi da qaitaxaÿapegue' ñi Dios, qataq nam dapaxaguenataxaatapeguec na nqataxacpi, qataq qaÿalauat qome. Qalaxayi da mashi ivi' caua tres na'axa'te, nachi qaltaq nca'aleec.

Marcos 15:1

Qaq co'ollaq mashi yi'oxoñi, nachi lapona't som lataxala'pi na ntaxaÿaxanaxanecpi, qataq so nquedoxonecpi qataq som dapaxaguenataxaatapeguec na nqataxacpi, qataq 'enauac nam nta'alpi mayi loicnatac na lataxaguesat. Nachi namayipi ÿauec so Jesús, ÿaxatta'a't na lhua'q, da qoÿaneu'a so Pilato.

Marcos 14:64

Yi qami' mashi qau'aqaichigui damayi da naua l'aqtaqa ÿataqta npa'agueneto ñi Dios. Qaq ¿huá'ague ca qoñiitec damayi? Nachi 'enauac qaimalec da qoÿanguet da nalaataguec somayi.

Marcos 9:31

Cha'ayi somayi i'axattapeguema soua lapaxaguenataqa da 'eeta': –Na shiÿaxaua llalec qoÿanoigui qome na shiÿaxauapi, da yaqto' ÿalauat. Qalaxayi qom ivi' caua tres na'axa'te, nachi qaltaq nca'aleec.

Marcos 9:12

Nachi somayi 'enapeco': –'Eesa ca Elías da hua'auñi da nvi' qome, da yaqto' ÿaÿamaxajñi 'enauac na lataxaguesat. Qalaxayi ¿huá'ago' ca 'eetec naua ñiyigui'shi l'aqtaqa ñi Dios yi nataq'en i'axat da 'eetec qome cam shiÿaxaua llalec? Da huo'o da nque'ejnaxac qanqoÿin qataq da n'otanaguec.

Juan 18:32

Huaña, nachi ÿataqta ipacchigui da 'enapec so Jesús co'ollaq i'axata'a da 'eetec qome da nalaataguec.