Marcos 10:32 - Nuevo Testamento Toba Sur

³² Qaq mashi qanayiitangui so nqa'aic mayi taÿa'ague da Jerusalén, qaq so Jesús hua'auta, qaq soua lapaxaguenataqa nca'attrauo, qaq soomayi ÿataqta i'elaqtapigui'salo qataq ñi'itapigui'salo. Nachi so Jesús qaltaq iÿaxanoiguilo soua doce lapaxaguenataqa da iÿotaugalo, nachi ÿataqta da'aqtaxaatema soomayi dam huaigui qome somayi.

Nuevo Testamento Toba Sombrero Negro

³² Ca'li queteda'ague ga'me naq'aec jo'ne yelo'tegue di'me Jerusalén, jogaa'me lapaĝaguenataqa dajoteda'yi ñe'me Jesús. Jogaa'me lapaĝaguenataqa yoqoche'tape nataq'aen gaa'me p'atedegue t'oi'tape joca'li. Qama'le Jesús yiyota'alo ca'li yitaĝa yiyaĝanalo gaa'me doce lapaĝaguenataqa, qama'le 'yaĝatema ga'me jo'ne qo'yetec qomle,

La'aqtaqa Ñim Lo'onatac 'Enauacna 2013

³² Soua lapaxaguenataqa ỹataqta sa ỹaỹate'n ca 'eeteque co'ollaq ca'attraueegue So Jesús da taira'ague da Jerusalén. Qaq so laỹepi maye ca'attague' Somaye ỹataqta nlaqchigui da lcolanaxa. Nache So Jesús ñe'eguelqot, nache ndoqnaxaatre'c soua doce lapaxaguenataqa da da'aqtaxanema dam taỹa'a Somaye, 'eeta':

Marcos 10:32 Referans Kwoze

Lucas 9:51

Qaq co'ollaq mashi sa qaÿapeque so laloqo' da taigue da piguem so Jesús, nachi huesoteec yi lavilÿaxac da taigue da Jerusalén.

Juan 11:16

Nachi som Tomás mayi qaÿamata'ac da huaya' 'enapegalo' soua lÿa't mayi napaxaguenaxa'u, 'eeta': –Qolaq nataq'en qomi', yaqto' nataq'en qadleuaxaua damayi.

Juan 11:8

Nachi soua lapaxaguenataqa 'eetegalo somayi, 'eeta': –'Am mayi 'auapaxaguenataxaatac, ñaq chita'ague da na judiopi mayi lma' yi'iyi 'alhua, nshitaique da 'am ÿalauat da 'am ida'a na coma', qalaq ¿tá'ainco' yi qaltaq 'anshitaique da 'aÿa yimayi?

Lucas 10:23

Nachi ÿamataiguilo soua lapaxaguenataqa, nachi ndoqteetreec 'enapegalo, 'eeta': –Ÿataqta machiguiñi qome nam nma'ai' da ÿauaachigui dam qauloitagui nagui.

Marcos 4:34

Qaq sa ishit da saq huota'a na laloqnaxanaxatpi da da'aqtaxaatac. Qalaxayi naxa da ndoteto soua lapaxaguenataqa, nachi ÿataqta da'aqtaxaatema.

Mateo 13:11

Nachi somayi 'enapeco': –Qami' qaÿaÿajnaxanaxanque naua saq cha'alo lataxaco dam l'onataxanaxac ñi Dios mayi neta'ague da piguem. Qalaxayi namayipi sa ishit da qaÿaÿajnaxanaxanec.

Mateo 11:25

Nachi se'eso na'a'q so Jesús 'eeta': –'Am ita'a mayi 'am lataxala' na neta'ague da piguem qataq ana 'alhua, 'am shi'oxoden, cha'ayi 'am 'auachaxana nam qaica ca ÿaÿajnapec da 'ad'onataxanaxac mayi 'ai'oxoochiisop co'ollaxa nam ÿajnaxanaxaicpi qataq nam huattonaxanaxaicpi.

Marcos 1:27

Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

Lucas 19:28

Qaq co'ollaq ime da nasaxauec de'eda so Jesús, nachi jec da tata'ague da Jerusalén.