Marcos 10:30 - Nuevo Testamento Toba Sur

³⁰ nachi camayi ÿaconguet nagui da ñaq hueta'a ana 'alhua ca cien lma'pi, qataq ca lqaÿañicpi, lqaÿanpi 'alpi, late'elpi, qataq llalaqpi, qataq na n'alhuapi. Qataq nai'ctaxa da huo'o na ncanagueguesat, qalaxayi cam ñaq natai' 'alhua camayi qoÿami' qome ca nca'alaxa mayi qaica ca loga't.

Nuevo Testamento Toba Sombrero Negro

³⁰ qama'le nayi da'me cha'li ue'ta jena'me aleua, yaconegueta cien 'viyelaĝalegue gaa'me 'lachaqa'te, laqaya'olqa, lat'elpi, lec'oqo'tepi, nataq'aen gaa'me 'nale'u, mate mane'e uo'oe gaa'me necanagueco. Qalaĝaja da'me 'noyaĝac jo'ne na'taquena qom'te qamqa'me yaconeguet da'me 'loyaĝac jo'ne ja 'naidena'a.

La'aqtaqa Ñim Lo'onatac 'Enauacna 2013

³⁰ nache camaye nagui da ñaq hueta'a ana 'alhua, nache cien da ỹe'eguelaxalec da ỹaconeguet ca lma', huo'otaq ca na'alhua, huo'otaq ca llalaqpi qataq na'aictaxa da nataqa'en na mpa'aguenaxauapi da sa iyacnapec camaye. Qaq da ivita ca loga't da nachaalataxac, nache chochaq tatec da hueta'aguet Ñim Lo'onatac 'Enauacna.

Marcos 10:30 Referans Kwoze

Filipenses 3:8

Qaq saqdata de'eda, cha'ayi 'enauac nam ishíttaxa da ÿalamaxatpi, qalaq 'enauac salatauec, cha'ayi ÿataqta sa ishit da ivi' ñaq'en da 'eetec da sauatton so Cristo Jesús mayi ÿataxala'. Qaq souaxat so Cristo, nachi imauec da daqat na temaq da ÿalamaxatpi, qataq 'eeta'am ñaq'en ca chochi lasogoñi, cha'ayi sauotaique da ñauec so Cristo,

Lucas 18:30

qaq camayi ÿapacteec qalota qome ca taÿot nagui ne'enaua souaqtaiguilo na'axa'te, nataq'en cam nca'alaxa mayi chochaq tateec cam ñaq natauo.

2 Corintios 6:10

Qaq nai'ctaxa da saquicoqta, qalaxayi nachi 'eetai' da samaqchiguiñi. Qataq qomi' choxoda'q, qalaxayi qalota na sesallaqchitaq. Nai'ctaxa da qaica ca yi da shinaqta, qalaxayi qaica 'enauac ca seuenaqtac.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Santiago 5:11

Cha'ayi qomi' saÿajnaqta da ÿataqta machiguiñi ca inoxonaqchitteec na nque'ejnaxaguesat. Qami' mashi qau'aqaitega da lhualaxavic so Job, qataq mashi qauaÿajñiita da 'eetec ñi Dios somayi co'ollaq ividaxateec da nque'ejnaxac. Cha'ayi ñimayi ÿataqta soxodaic qataq choxonnataxanaxaic.

Apocalipsis 3:18

Qaq ÿoqo'oyi nagui 'am saqata da aÿim 'auachigoxoto'ot qome da 'aushijnaxana ca ndoteec oro mayi nqachilguishic, da yaqto' ÿataqta 'am sallaxanec, qataq da 'auashijnaxanalo caua 'ogo lapagaxaiqa, da yaqto' 'auapolec da 'adsalhuaxa mayi i'ot da n'agaxa, qataq da 'aushijnaxana ca lata'q naua 'ad'ai'te, da yaqto' 'anauaañi.

1 Timoteo 6:6

'Eesa mque' da qad'amqajnataxanaxac naigui da nsallaxa, qalaxayi ca shiÿaxaua ÿaÿaten da ntootapeguec catai' hueto'otolec.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

1 Juan 3:1

Qaq ña qauloÿa da ÿataqta lta'adaic da lauotaxanaqtaic da shinaqta ñi qadta'a Dios da qomi' ÿamata'aque da qomi' llalqa ñimayi, qaq ÿoqta 'eesa da qomi' llalqa. Qaq ÿoqo'oyi sa ishit da qomi' ÿauatto'n nam quetague' na 'onataxacpi mayi huetalec ana 'alhua, cha'ayi sa ishit da ÿauatton ñi Dios.

2 Ts 2:16

Qaq ñim qadataxala' Jesucristo qataq ñi qadta'a Dios ñim qouagaxanaqtaqaic mayi qomi' ÿauoteque, qataq qomi' ÿanema da qad'añaxac chochi tateec, qataq da ÿaÿamaqchiguiñi qanaquitaxac,

Romanos 6:23

Cha'ayi dam ñi'itaxaloxo da deshiitenaxan, qalaq deshiitenaxana da nleuaxa. Qaq dam lqouagaxanaqtaic ñi Dios, qalaxayi da mashi souaqto'ot so Cristo Jesús som qadataxala', nachi deshiitenaxana da achaalataxac mayi qaica ca loga't.

Romanos 5:3

Qaq sa ishit da chaqdata de'eda. Nataq'en samaqchiguiñi souaxat da qanque'ejnaxac. Cha'ayi qomi' saÿajnaq da de'eda que'ejnaxac i'ot da qadhualaxavic,

Hechos 16:25

Qalaxayi co'ollaq mashi laiñi na pe, nachi so Pablo qataq so Silas, soomayi nqouagaxaueeta'pe qataq do'onaxaata'pe, ÿi'oxodeetrac ñi Dios. Nachi som laÿipi ncoñitaguishicpi n'axaÿaxaategalo soomayi.

Juan 10:23

Qaq so Jesús huetau'a aso n'onaxanaxaqui, hueta'a som qoÿinac nqasoxoc so Salomón.

Mateo 12:32

Qataq camachaqca shiÿaxaua, da huo'otaq ishiuen na shiÿaxaua llalec, qalaq camayi ishit da qaichoxoden. Qalaxayi ca nasaxauec ca l'aqtac, da huo'otaq npa'aguene' naq'en so Espíritu Santo, nachi camayi sa ishit da huo'o ca nchoxonnataguec qanqoÿin, da huo'otaq ñaq huetalec ana 'alhua qataq cam ñaq natauo.

Mateo 6:33

Qaq ÿoqo'oyi qami' ÿataqta ÿacteec qome da qadqochoqoi dam l'onataxanaxac ñi Dios da ilo'ogue 'enauacna, qataq da qau'ochi cam 'eetapeguec ñimayi, nachi ishit da qauacoñiiguet nataq'en 'enauac ne'enapi.

Apocalipsis 2:9

Aÿim saÿaten 'enauac nam 'au'ottacpi qataq 'enauac na 'anque'ejnaxaguesat qataq dam 'adachoxoyic, nai'ctaxa da ÿataqta 'am sallaxanec. Qataq saÿaten da ÿataqta qauema naua ltaxaÿaxaco da 'am detaxaÿa nam 'eetega da judiopi, qalaxayi sa ishit da 'en. Chaqdata da namayipi i'amaqteetac so Satanás.

1 Juan 2:25

Qaq som Jesucristo qomi' ÿachaxanapeguema co'ollaxa da achaalataxac mayi chochaq tateec.

Mateo 13:8

Qalaxayi aso lÿa languishi tajlec som 'onaxaic 'alhua, nachi ÿataqta 'onaxaic da alaÿaxac co'ollaq qanqat. Huo'o ana ivi' ana cien ana ala, qataq huo'o ana ivi' ana sesenta, qataq huo'o ana ivi' ana treinta co'ollaq qanqat.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

1 Timoteo 4:8

Cha'ayi ca shiÿaxaua da ñi'igueeteguela't da sa desalli naq'en na l'oc, nataq'en cada'acolec da huo'o da naigui. Qalaxayi da qanpa'ataxadeelec da qad'amqajnataxanaxac ñi Dios, ÿataqta huo'o naq naigui. Cha'ayi ÿataqta naigui da 'achiquiaxac da achaalataxac nagui, nataq'en cam ñaq natauo.