Marcos 10:24 - Nuevo Testamento Toba Sur

²⁴ Nachi soua lapaxaguenataqa ÿataqta i'elaqchi't de'eda l'aqtac, qalaxayi so Jesús qaltaq ÿi'iguelaxalec da l'aqtac, 'eeta': –Qami' ÿalaqpi, qami' shinapegalo da ¡ÿataqta huo'o da lqalaic da inoxoneu'a da l'onataxanaxac ñi Dios nam pe'etega da nsallaxa!

Nuevo Testamento Toba Sombrero Negro

²⁴ Jogaa'me lapaĝaguenataqa jalcote da'me yoqoche'ema daa'me 'laqataqa, qalaĝaja Jesús yitaĝa enaac: —Ami yaqaya'olqa, ¡yataqachiñe 'uo da'me laqalaic ta'le tadoue da'me Dios lejaliaĝa jogaa'me jo'ne p'iya'alo daa'me leuoyaĝaco!

La'aqtaqa Ñim Lo'onatac 'Enauacna 2013

²⁴ De'era na'aqtac ỹataqta ỹe'elaqche't soua lapaxaguenataqa So Jesús. Qalaxaye Somaye qaltaq ỹe'eguelaxalec da la'aqtac, 'eeta': –Qami' ñauochaxau', ¡ỹataqta huo'o da lqalaic da qainoxoneua'a da lo'onataxanaxac Ñim Lo'onatac 'Enauacna!

Marcos 10:24 Referans Kwoze

Apocalipsis 3:17

Cha'ayi 'am qonetega da 'am sallaxanec qataq ÿataqta 'auaÿamaqchiguiñi, qaica ca 'aueetac. Qaq sa ishit da 'aula'a da 'am ÿataqta qaica ca 'adama'. 'Am choxodaicolec, qaica ca yi, 'am qanamaic, qataq qouetauec.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

Lucas 16:14

Nachi hua'aqtega 'enauac de'eda nam fariseopi mayi ÿataqta lqopitaxat da nsallaxa, nachi ÿi'iitac so Jesús.

1 Juan 2:1

Qami' ÿalqolqa, shiyiñi de'eda da qami' samaxalo, yaqto' sa ishit da huo'o ca qau'ochi qadasouaxashichi. Qalaxayi da huo'otaq huo'o ca huo'o ca lasouaxashit, qalaxayi huo'o so ishit da qomi' detaqleguete da detaxaÿapegue' ñi qadta'a. Somayi nachiso so Jesucristo som i'ot ca ÿaÿamaqchiguiñi.

Juan 13:33

Qami' ÿalqolqa, mashi sa ishit da loigui da qami' soota'agueta. Qaq qami' qome aÿim qanmichiitaique, qalaxayi nachi 'eeta'am de'eda i'aqtac co'ollaq shiitega na judiopi da shiita': Sa ishit qome da qauañoxochi da qanqo'oñiÿa cam saÿa.

1 Juan 5:21

Qami' ÿalqolqa, ÿataqta qadvichiÿa'a qome ca lÿa qoÿiitega qadta'a dios. Aja', nachi 'eetec.

1 Juan 4:4

Qami' ÿalqolqa, qami' lalamqa'te ñi Dios. Qaq mashi sogote da qodoxonqui ne'ena tenataxanaxaicpi, cha'ayi ñim Dios mayi qami' hueta'agueta ÿataqta 'añaxaic, qaq sa ishit da 'en'am som hueta'aguet nam quetague' na 'onataxacpi mayi huetalec ana 'alhua.

Gálatas 4:19

Qami' ÿalqolqa, nagui qaltaq ipactegue da ñiqui'ic, souaxat da qoñiita, shiita'am aca 'alo da dachitattac, souaxat da huotaique da deco'o. Qaq nachi shictot qome da ñique'ejnaxac, chochi ivitta'a so Cristo da qami' quichiguilo da lataxac.

Juan 21:5

Nachi somayi 'enapegalo' soomayi, 'eeta': –Qami' ñaqpi, ¿qaica peta'a ca qadalliiguishiqui? Nachi soomayi 'ena'po': –Qaica.

Juan 6:60

Qaq co'ollaq qai'aqchigui de'eda lapaxaguenataxanaxac somayi, nachi ÿataqta qalota nam quetague' so Jesús na 'eeta': –De'eda 'enapec, damayi ÿataqta huo'o da lqalaic da qaÿaconguet; ¿negue'tom ca ishit da n'axaÿaxana?

Mateo 19:25

Qaq co'ollaq hua'axaÿa de'eda soua lapaxaguenataqa, nachi ÿataqta lta'adaic da l'aalaqa'. Nachi nnattega't, 'eeta': –Da nachi 'eetec de'eda, nachi ¿négue'to' ca ishit da qanca'alaxateec?

Marcos 1:27

Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

Marcos 10:23

Nachi so Jesús ÿamatapiguiñi, nachi 'enapegalo' soua lapaxaguenataqa, 'eeta': –¡Ÿataqta huo'o da lqalaic na sallaxanecpi da inoxoneu'a da l'onataxanaxac ñi Dios da ilo'ogue 'enauacna!