Marcos 10:21 - Nuevo Testamento Toba Sur

²¹ Nachi so Jesús ÿataqta huo'o da lauochi co'ollaq ÿamato'ot somayi. Nachi 'enapego', 'eeta': –Ñaq 'oonolec da saxanaxa da 'au'ot, 'eeta': 'auesoma, 'aumen qome 'enauac na 'am hueto'ot qataq 'ai'anoigui na choxodaqpi, yaqto' huo'o qome ca 'adsallaxa da piguem. Qaq qom 'adme, nachi aÿim qoquegue, nai'ctaxa da aÿim 'auleetalec.

Nuevo Testamento Toba Sombrero Negro

²¹ Jesús yelochigui joñe'me nataq'aen 'uo da'me lichoĝodenataĝanaĝac, da'me 'yateguet: —'Uo ga'me maliaĝa ja aua'uo: cha'li 'uaeñe auemen yema ga'me jo'ne adeuoyaĝac, nataq'aen auanema jogaa'me jo'ne choĝodayaqolqa. Nach'eda naq'aeta da'me male 'uo da'me adeuoyaĝac jodi'me piyem. Yem qama'le auanaequena, nataq'aen jayem oquegue.

La'aqtaqa Ñim Lo'onatac 'Enauacna 2013

²¹ Nache So Jesús ỹamato'ot somaye, nache ỹataqta huo'o da lauoche, nache 'enapego', 'eeta': –Huo'o da saxanaxa da 'auo'ot. Qojec qome 'aumen 'enauac na 'am hueto'otpi, ime nache 'aỹa'anoigui na choxoraqpi aca lasheue. Yaqto' Ñim Lo'onatac 'Enauacna, 'am ỹami' ca lta'araic 'araueguec da piguem. Ime, nache 'auanac da 'aualegoigui nam Aỹem ca'attague'pi.

Marcos 10:21 Referans Kwoze

Apocalipsis 2:4

Qalaxayi aÿim huo'o da sa saÿamaxaden da qoneta, cha'ayi ¿tá'ainco'? Yi sa ishit da natenguet som hua'auchiguiñi lataxac da 'adauotaxanaqtaic.

Lucas 10:42

Qalaxayi 'oonolec dam ÿacteec da qaiuen. Añi María ÿataqta 'onaxaic dam tateu'a, qaq damayi qaica ca ishit da nqat.

Santiago 2:10

Cha'ayi da huo'o ca shiÿaxaua ÿataqta ÿalaxalec 'enauac na nqataxacpi, qaq da huo'otaq huo'o ca 'oonolec ÿasouaxatañi, nachi que'emaxaguet 'enauac na laÿipi nqataxacpi.

Hechos 2:45

huo'o na imen na lma', qataq 'enauac nam huo'o logoxoshitpi, nachi ana lashiue ÿanem ca lÿa, qalaxayi ÿataqta ca tachiguiña ca lhuenaxanaxa ñi 'oonolec.

Lucas 18:22

Nachi co'ollaq hua'aqchigui de'eda so Jesús, nachi 'eeta': –Huo'o da 'oonolec ña daqaptauec, 'eeta': 'Aumen qome 'enauac na 'am hueto'ot, ime, qaq 'ai'anoigui nam choxodaqpi, yaqto' huo'o ca 'adsallaxa hua'ague da piguem. Qaq qom ime, nachi 'auanac, aÿim 'auca'ategue.

Mateo 16:24

Nachi so Jesús 'enapegalo soua lapaxaguenataqa, 'eeta': –Da huo'o ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue, nai'ctaxa da daqat da nachaalataxac.

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.

Apocalipsis 2:14

Qalaxayi aÿim huo'o na sa saÿamaxadenpi da qoneta, yi ¿tá'ainco' yi huo'o na netaña na Pérgamo da sa ishit da ÿaxaneec da lapaxaguenataxanaxac so Balaam? Cha'ayi somayi ÿapaxaguenec co'olloxochiyi so Balac, da yaqto' ÿayina'a so Israel llalaqpi da chic nam nachitaqtaxanaxat mayi qaÿavigaxat da qoÿanot ca nqolac, qataq da taigui naq'en da quishishaxac, da yaqto' huo'o ca lasouaxashit.

Hebreos 10:34

Qataq qami' ÿataqta huo'o da qadchoxonnataxanaxai nam qaicoñittai', qataq ivida'a da ÿataqta huo'o da qantonaxaqui da qan'añaxachiiguet da qaiuotaxanec na qadalamaxachiipi, cha'ayi qami' qauaÿajñiita da huo'o cam hueta'ague da piguem mayi ÿacteec da lyac qataq qaica ca loga't.

Lucas 12:33

Qaq qaumiñi qome na qami' hueto'oto. Ime, qaq qai'añiim nam deuenaxaatapigui'. Ime, qaq qau'ochi cam qadchoxonaxaquii mayi sa ishit da lto qataq ca nsallaxa hueta'ague da piguem mayi sa ishit da imeuo, qataq sa ishit da inoxoneu'a cam cachaxaic, qataq sa ishit da chic ca lalaxat.

Marcos 8:34

Nachi so Jesús iÿaxanoiguilo soua lapaxaguenataqa nataq'en na shiÿaxauapi. Nachi 'enapego', 'eeta': –Da huo'o ca nshitaique da aÿim quegue, nai'ctaxa da huo'otaq aÿim ileutalec.

Lucas 19:41

Qaq co'ollaq mashi nayiitau'a so Jerusalén, nachi co'ollaq ilau'a so la ciudad, nachi so Jesús noÿiilec somayi.

Lucas 9:23

Qaq ime, nachi 'enapega 'enauac somayipi, 'eeta': –Ca nshitaique da aÿim quegue, qaq no'on da ÿalat 'enauac na maichi lhuennataxa, ime, qaq aÿim quegue 'enauaque naua na'axa'te, nai'ctaxa da daqat da nachaalataxac.

Mateo 19:21

Nachi so Jesús 'enapeco': –Da 'anshitaique da ÿataqta nalochiguiñi da 'adataxac, qaq no'on da qojec, nachi 'aumen 'enauac na 'am hueto'ot, qataq 'ai'anoigui na choxodaqpi, qaq yaqto' huo'o ca 'adsallaxa hueta'ague da piguem. Qaq da ime, nachi 'auanac, aÿim 'auca'ategue.

2 Corintios 12:15

Qaq aÿim ÿataqta huo'o ca ñasapattelec da sematteuo na aÿim hueto'ot, ivitta'a da sematteuo da i'añaxac, da yaqto' ishit da ÿaÿamaxañi da qanachaalataxaqui. Qalaxayi nai'ctaxa da huo'otaq nquictashiguem da qami' sauoteque, qalaq nachi 'en'am da nquictashiguem da sa ishit da aÿim qauauochiic.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Juan 12:26

Qaq da huo'o ca nshitaique da aÿim do'onataxanot, qaq no'on da aÿim quegue, nachi ca aÿim soota'ague, nachi camayi nataq'en hueta'a. Da huo'o ca aÿim do'onataxanot, nachi ñi ita'a camayi ÿi'oxoden.

Lucas 16:9

Qaq ÿoqo'oyi qami' saqatalo da qau'onataxañiÿa dam lsallaxa na shiÿaxauapi mayi i'otta'pe naua qauema, da yaqto' huo'o ca qanauochaxauai, yaqto' qom ivita da imeuo da nsallaxa, qa nachi ishit da huo'o ca qami' ÿacongueta cam nma' mayi chochaq tateec da piguem.

2 Timoteo 3:12

Qaq ÿataqta 'eesa da 'enauac na nshitaique da nañanot da quetague' so Cristo Jesús, nataq'en nque'etaxangui qome da ncanaguec.

Marcos 10:22

Qalaxayi somayi co'ollaq hua'axaÿa de'eda, nachi sa ÿamaqchit, nachi jec, daquigoigue, cha'ayi ÿataqta sallaxanec.