Marcos 10:2 - Nuevo Testamento Toba Sur

² Nachi na fariseopi nachaateu'a somayi da qaÿauotaique da chochi huo'o qanqoÿin ca lasouaxashit. Nachi qainattac somayi da huo'otaq qaÿaÿamaxadeeta ca shiÿaxaua da nalate' aca lhua.

Nuevo Testamento Toba Sombrero Negro

² Qama'le ua'a ca'li novideda'a gaa'me fariseopi qaedi yena't joñe'me queda'me jetaque ch'e yapiye'n, qama'le enapega't: —Jega: ¿qo'li qoyajeta ta'le ga'me jiyaĝaua da'me yeguem jaga'me loua?

La'aqtaqa Ñim Lo'onatac 'Enauacna 2013

² Nache huo'o so chegaqaigui na fariseopi nqocheneua'a So Jesús, da huotaique huo'o ca ỹe'eguenec lnataxanaxac, nache inattaco' Somaye, 'eeta': –¿Ishet peta'a ca ỹale da nalate' aca lhua?

Marcos 10:2 Referans Kwoze

Juan 8:6

Qaq somayipi 'enapec de'eda, da chochi ÿi'iguen so Jesús, da yaqto' ishit da qaÿauo'o ca lasouaxashit. Nachi so Jesús nqollimñi, nachi ÿittac ana 'alhua, huota'a ana llaxaata.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

1 Corintios 10:9

Nataq'en sa ishit da chochi sayinaqtac so qadataxala', 'eeta'am da 'eetec somayipi da huo'o na yi'iguenataxan. Qaq ÿoqo'oyi huo'o na ileu somayipi co'ollaq detoxongui na n'adaxanaqpi.

Juan 11:57

Na fariseopi qataq na lataxala'pi na ntaxaÿaxanaxanecpi da qaitaxaÿapegue' ñi Dios, namayipi ÿan da l'aqtac da huo'otaq huo'o ca ÿaÿaten ca hueta'a so Jesús, nachi ishit da i'axat, da yaqto' qaÿaconeu'a somayi da qaicoñi'.

Juan 11:47

Nachi nam fariseopi qataq nam lataxala'pi na ntaxaÿaxanaxanecpi da qaitaxaÿapegue' ñi Dios, namayipi i'ot so laponaxac, huaxaiguet na loicnatac na lataxaguesat da detaxaÿapega't. Nachi somayipi 'enapeco': –¿Huá'ague ca shinaqtec? Cha'ayi se'eso shiÿaxaua ÿataqta qalota na i'ot n'anecpi mayi sa qaÿauanapega.

Juan 7:48

¿Peta'a huo'o' ca 'oonolec na qadataxala'pi, huo'otaq nam fariseopi, da huo'otaq i'amaqten somayi?

Juan 7:32

Na fariseopi co'ollaq hua'aqtapoigui na shiÿaxauapi da 'eetega so Jesús, nachi namayipi qataq nam lataxala'pi na ntaxaÿaxanaxanecpi namaq so huataxanaq mayi ilotague' aso n'onaxanaxaqui, da yaqto' ÿaconeu'a somayi da icoñi'.

Lucas 16:14

Nachi hua'aqtega 'enauac de'eda nam fariseopi mayi ÿataqta lqopitaxat da nsallaxa, nachi ÿi'iitac so Jesús.

Lucas 11:39

Qalaxayi so qadataxala' 'enapeco': –Qami' mayi qaualliquiitaigui na fariseo, qami' qauamataxañiiñi da qauÿoi na pa'auec ana qanÿomaxaquii qataq na qadqui'axaquii, qalaxayi na pa'auo naua qadquiyaqchilli' da'aichigui na chochi qauachigoxochiÿaigui da qadcachaxaqui qataq nam sa ÿaÿamaxañisat.

Lucas 7:30

Qalaxayi nam ÿalectaigui na fariseopi, qataq nam dapaxaguenataxaatapeguec na nqataxacpi mayi sa ishit da lachilaxanatac so Juan, namayipi n'otane' dam Dios ÿauotaique da i'otec namayipi.

Lucas 6:7

Nachi nam dapaxaguenataxaatapeguec na nqataxacpi qataq na fariseopi chochi qanauaatac so Jesús da ishit da datannataxan se'eso na'a'q mataxaqui, da yaqto' ishit da huo'o ca qaÿachigoxotchigui da lasouaxashit qanqoÿin.

Lucas 5:30

Qalaxayi nam fariseopi qataq na laÿipi mayi dapaxaguenataxaatapeguec na nqataxacpi nachi quetapeguelguete soua nale't so Jesús. Nachi 'eetegalo, 'eeta': –¿Tá'ainco' qami' yi qadqui'axauai nam 'itaxaloxoicpi qataq nam ÿacootapeeguet ana nshiitenaqte ca nta'a?

Marcos 8:15

Nachi so Jesús huaqattapeguelguete soomayi, 'eeta': –Maxatchaxa qome, qadvichiÿa'a ana ÿashiidaxachigui ana pan mayi huetaigui na fariseopi qataq ñi Herodes.

Marcos 8:11

Nachi anac na fariseopi da huotaique da ncotaÿapegue' so Jesús. Qaq qaiÿaxanot somayi, da yaqto' ÿachaxan cam n'anec mayi sa qaÿauanapigui da chigoqo'ot naq'en na piguem. Qalaxayi somayi chochi qaÿi'iguen.

Mateo 22:35

Nachi huo'o so 'oonolec somayipi som dapaxaguenataxaatapeguec na nqataxacpi som ÿauotaique da ÿi'iguen so Jesús. Nachi inat, 'eeta':

Mateo 19:3

Nachi huo'o na fariseopi na nqochineu'a so Jesús da ÿauotaique da huo'o ca ÿachigoxotchigui da lasouaxashit naq'en somayi. Nachi inattac, 'eeta': –¿Peta'a ishit da qaÿashiitem ca shiÿaxaua da nalate' aca lhua da huo'otaq huo'o ca camachicague't lasouaxashit?

Mateo 16:1

Na fariseopi qataq na saduceopi nqo'ona so Jesús da ÿauotaique da ÿauo'o ca ÿachigoxotchigui lasouaxashit naq'en somayi. Nachi qaiÿaxanot somayi, da yaqto' i'ot ca n'anec sa qaÿauanapega da chigoqo'ot naq'en na piguem.

Mateo 15:12

Nachi soua lapaxaguenataqa so Jesús nquiguedeu'a somayi, nachi qoÿinapega, qoÿiita': –¡Na fariseopi ÿataqta dalemata can hua'axaÿa de'eda 'ad'aqtac!

Mateo 9:34

Qalaxayi nam ÿalectaigui na fariseopi 'eeta': –De'eda shiÿaxaua do'otaxaatega da l'añaxac som lataxala' nam saq cha'api da i'odauec nam n'ec leguemaxaicpi.

Marcos 10:1

So Jesús ca'ai yi Capernaum, nachi nqo'ona yi 'alhua l'enaxat Judea qataq yim 'alhua mayi pa'aigue da nala' lliguishiguem so tala Jordán. Huaña yimayi, nachi na shiÿaxauapi qaltaq laponeu'a ca hueta'a. Nachi somayi qaltaq dapaxaguenataxaatac, cha'ayi nachi n'onataxac.

Marcos 10:3

Nachi somayi 'enapeco': –¿Négue't ca qami' ÿamaxalguete co'ollaxa so Moisés?