Marcos 10:19 - Nuevo Testamento Toba Sur

¹⁹ 'Am 'auaÿaten peta'a na nqataxacpi mayi 'eeta': “Sa ishit da 'ancachitapeguelec aca 'adhua; sa ishit da 'aualaataxan; sa ishit da 'aucachi; sa ishit da 'anashipegaxan; sa 'auatenachit ca 'adÿa; 'aualaxalec ca 'adta'a qataq aca 'adate'e.”

Nuevo Testamento Toba Sombrero Negro

¹⁹ Joote auayaten yema daa'me Dios lamaĝajoĝonaĝaco: “Ena'te aualataĝan, ena'te adeuaua jaga'me ja yataqachiñe adoua, ena'te auecachi, ena'te anenaĝategue ga'me jo'ne 'naĝat gamachaqaega adaqaya, ena'te auoqovinaĝan; aviyamaĝatetac ñe'me adet'a chaqañe'me adat'e.”

La'aqtaqa Ñim Lo'onatac 'Enauacna 2013

¹⁹ 'Am 'auaỹateeta na namaxasoxonaxacpi maye, 'eeta': Saishet da 'aualaataxan; qataq saq ishet da sa 'aupaguelec ca 'arasataxac co'ollaq 'auaron, qataq saishet da 'aucache, qataq saishet da 'auatenataxan da yaqto' 'auo'otec ca sa ỹaỹamaxañi ca lỹa shiỹaxaua, qataq saishet da choche 'avi'egueetac ca 'arỹa, 'aualaxaguet qataq 'antela'a ca 'arta'a qataq aca 'arate'e.

Marcos 10:19 Referans Kwoze

Romanos 13:9

Cha'ayi na namaxasoxonaxacpi 'eeta': “Sa ishit da 'ancachitapegue' aca sa 'adhua, sa ishit da 'aualaataxan, qataq sa ishit da 'aucachi, qataq sa ishit da 'aucachiÿa'a da huo'o ca 'auasaxalec ca camachicague't, qataq sa ishit da 'auqopitta'a ca ÿaqa'a.” Qalaxayi de'eda qataq 'enauac na laÿi namaxasoxonaxacpi imatta't da n'aqtac mayi 'eeta': “'Auauotec ca 'adÿa, 'eeta'am 'anqashin da maichi 'anauojla't.”

Santiago 2:11

Cha'ayi ñi Dios ñim 'enapec co'olloxochiyi: “Sa ishit da 'aualaataxan.” Qaq da huo'o ca sa ishit da lauatapiguiñi' aca sa lhua, qaq da huo'otaq dalaataxan, nachica ca yi'aqlec da sa ÿalaxalec na nqataxacpi.

Lucas 18:20

'Am peta'a 'auaÿaten nam nqataxacpi mayi 'eeta': “Sa ishit da 'adauañi' aca sa 'adhua; sa ishit da 'aualaataxan; sa ishit da 'aucachi; qataq sa ishit da huo'o ca 'aucachiÿa'a da 'au'axat da saq 'en; 'aualaxalec ca 'adta'a qataq aca 'adate'e.”

1 Ts 4:6

Sa ishit da huo'o ca napacapeguelec qataq ÿatenachit ca lqaÿa, cha'ayi so qadataxala' Jesús ÿataqta sa naloqnañi da nhuaxanaguec 'enauac na i'ottac de'eda. Qaq damayi sogote da qami' sovitaxanaqtegalo.

Gálatas 5:14

Cha'ayi 'enauac na nqataxacpi 'oonolec da lataxac imatta't, 'eeta': “'Auauotec ca 'adÿa, 'eeta'am 'anqashin da maichi 'anauojla't.”

Gálatas 4:21

Qami' mayi qauauoitaique da qoviito'ot na nqataxacpi mayi chigoqo'ot so Moisés, qaq aÿim qau'axachiim nagui de'eda 'eeta': ¿Sa ishito' peta'a da qan'axaÿaxañiitegacnaxa da 'enapec na nqataxacpi?

Romanos 3:20

Cha'ayi qaica ca ishit da ÿaÿamaxadeeta ñi Dios souaxat da i'ottac nam damaxasoxoolec na nqataxacpi, cha'ayi ne'ena nqataxacpi, namayipi chaqdata da i'ot da qomi' ÿaÿajnaxanaxanque da qomi' huo'o cam qadasouaxashit.

Marcos 10:18

Nachi so Jesús 'enapeco': –¿Tá'ainco' yi qonetega da aÿim soxodaic? Yi saqca ca soxodaic, 'oonolec ñim Dios mayi soxodaic.