Marcos 10:11 - Nuevo Testamento Toba Sur

¹¹ Nachi so Jesús 'enapeco': –Ca shiÿaxaua da ÿalat aca lhua qaltaq huadonguet aca lÿa 'alo, nachi camayi huo'o da lasouaxashit, cha'ayi huadoolec aca hua'auchiguiñi lhua.

Nuevo Testamento Toba Sombrero Negro

¹¹ Jesús enaac: —Gamachaqaega ga'me jo'ne ca'e jaga'me loua da'me yeguem nataq'aen queda'me 'uoneguet jaga'me yauo laqaya, qama'le yenoĝon da'me jo'ne qoyiyamaĝatetac 'me 'lonáĝac jaga'me 'uaeñe loua.

La'aqtaqa Ñim Lo'onatac 'Enauacna 2013

¹¹ Nache Somaye 'enapeco': «Ca ỹale da ỹalat aca lhua, nache qaltaq huaroneguet aca lỹa 'alo, nache camaye huo'o da lasouaxashet hueto'ot aca hua'auchiguiñi lhua, cha'aye saishet da ipaguelec da lasataxac co'ollaq huarona't.

Marcos 10:11 Referans Kwoze

Mateo 19:9

Qaq ÿoqo'oyi aÿim qami' shinapegalo da ca nalate' aca lhua, da huo'otaq sa ishit da huasoilec da nquishishaxac acamayi, nachi camayi da huo'otaq huadon, nachi ishit da qaÿamata'ac huadonaxaic. Qataq cam huadonguet aca 'alo mayi qaÿalat, nataq'en camayi qaÿamata'ac da huadonaxaic.

Romanos 7:3

Qaq ÿoqo'oyi acamayi da huo'otaq huadonguet ca lÿa ÿale, da huo'otaq ña nca'altauec ca lhua, nachi acamayi qaÿamata'ac da ncachaxai. Qalaxayi que'eca lhua da huo'otaq mashi ileu, nachi acamayi nsoueguesop ne'ena nqataxacpi. Nachi acamayi ishit da huadonguet ca lÿa shiÿaxaua. Qaq sa ishit da qaÿamata'ac da ncachaxai.

Lucas 16:18

Ca shiÿaxaua da huo'otaq nalate' aca lhua, ime, qaltaq huadonguet aca lÿa 'alo, nachi camayi qaÿamata'ac huadonaxaic. Qataq cam huadonguet aca 'alo mayi nalate' ca lhua, nataq'en camayi qaÿamata'ac huadonaxaic.

1 Corintios 7:4

Aca 'alo mayi mashi huadon, acamayi sa ishit da lalamaxat da l'oquiaxac. Nachi 'en'am ca ÿale, camayi sa ishit da lalamaxat da l'oquiaxac. Cha'ayi da huadona't, nachi aca 'alo lalamaxat ca ÿale, qaq ca ÿale lalamaqte aca 'alo.

Hebreos 13:4

Qataq iuen da ÿataqta qantela'a qome 'enauac da nhuaÿaxac, qataq caua namoxo'u iuen da ÿataqta nde'n, cha'ayi ñi Dios ÿauo'o qome da nhuaxanaguec na quishiguetaxaicpi qataq na lauatapiguiñi' aca sa lhua.

Marcos 10:10

Qaq co'ollaq huetra'a so lma', nachi soua lapaxaguenataqa qaltaq inatta'pe so Jesús, qainataxaatapeguec de'eda.