Marcos 10:1 - Nuevo Testamento Toba Sur

¹ So Jesús ca'ai yi Capernaum, nachi nqo'ona yi 'alhua l'enaxat Judea qataq yim 'alhua mayi pa'aigue da nala' lliguishiguem so tala Jordán. Huaña yimayi, nachi na shiÿaxauapi qaltaq laponeu'a ca hueta'a. Nachi somayi qaltaq dapaxaguenataxaatac, cha'ayi nachi n'onataxac.

Nuevo Testamento Toba Sombrero Negro

¹ Jesús ca'e di'me Capernaúm qama'le yec'ata di'me Judea, nataq'aen ua'ague di'me lajego di'me ñache jo'ne Jordán. Nataq'aen queda'me yema gaa'me noyaqolqa yitaĝa qoyemalegue joñe'me, qama'le yitaĝa yapaĝague'tape jogaa'me, qa'a jalchi'ena eeta.

La'aqtaqa Ñim Lo'onatac 'Enauacna 2013

¹ So Jesús ca'ai ye Cafarnaúm, nache nqo'ona ye 'alhua le'enaxat Judea qataq yem 'alhuapi maye pa'aigue da nala' lliguisheguem so tala Jordán. Huaña yemaye, nache qalota so shiỹaxauapi qaltaq laponeua'a ca hueta'a. Nache Somaye qaltaq dapaxaguenataxaatac, cha'aye maiche lataxac naxa.

Marcos 10:1 Referans Kwoze

Juan 10:40

Nachi so Jesús taigue dam pa'aigue da nala' lliguishiguem yim tala Jordán, yim 'alhua mayi hueta'a co'ollaq dachilaxanataxaatac so Juan. Nachi hueta'a yimayi.

Marcos 4:2

Nachi somayi ÿataqta qalota na dapaxaguenataxanec, ÿauota'a na laloqnaxanaxatpi, 'eeta':

Juan 11:7

Qaq co'ollaq ime, nachi 'enapegalo soua lapaxaguenataqa, 'eeta': –Qaltaq shi'iguelaxasoxogue qome da Judea.

Marcos 6:34

Nachi so Jesús co'ollaq huenoteeguesop aso nnotaxaqui, nachi ilaigui so qalota shiÿaxauapi. Nachi ÿataqta huo'o da lchoxonnataxanaxa, cha'ayi 'eeta'am ana qagueta mayi qaica ca ilo'ogue. Nachi quetot da qalota na ÿapaxaguenec.

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Juan 18:20

Nachi so Jesús 'enapeco': –Aÿim ÿataqta ñachaxaata naxa 'enauac nam shiÿaxauapi da setaqtac, qataq sa i'atai' da huaigui ana laponaxaquipi na judiopi da sapaxaguenataxaatac qataq añim n'onaxanaxaqui late'edai mayi huaña naxa da lapona't 'enauac na judiopi. Qaq aÿim sa ishit da huo'o ca i'aqtac soxottañi.

Marcos 6:6

Nachi so Jesús ÿataqta i'aalac somayipi, cha'ayi sa ishit da da'amqajnataxan. Ime, nachi somayi jec da quetagui na pueblopiolec mayi sa qaÿapeque da dapaxaguenataxaatac.

Marcos 2:13

Qaq co'ollaq ime de'eda, nachi so Jesús qaltaq taxaama so loigue aso lapel. Nachi 'enauac na shiÿaxauapi naÿa somayi, nachi ÿapaxagueetac.

Mateo 26:55

Nachi so Jesús 'enapego' so shiÿaxauapi, 'eeta': –¿Tá'ainco' qami' yi qauauoita'alo naua qainaqalli' qataq naua qanpo'ñilli', da aÿim qañi'iguiñiÿauga, 'eeta'amo' da aÿim cachaxaic? Qamaq 'enauaque naua na'axa'te ñiso'ootanguilo qami', sapaxaguenataxaatac da sootaigui añi n'onaxanaxaqui late'edai, qalaq ¿tá'ainco' yi aÿim sa qauacoñiu'a da aÿim qaucoñiyi?

Marcos 1:21

Qaq co'ollaq ivitra yi pueblo Capernaum, nachi so na'a'q mataxaqui so Jesús tau'a aso laponaxaqui na judiopi, nachi dapaxaguenataxaatac.

Marcos 6:2

Qaq co'ollaq iviteuga so na'a'q mataxaqui, nachi somayi dapaxaguenataxaatapoigui aso laponaxaqui na judiopi. Qaq ÿataqta qalota na shiÿaxauapi n'axaÿaxaatega, nachi ÿataqta huo'o da l'aalaxa. Nachi somayipi 'enapeco': –¿Chaq huá'ago' ca ÿachigoxota'ague 'enauac na laÿajnec dam da' shiÿaxaua? qataq ¿chaq négue't dam da' naÿajnec mayi qoÿami', qataq nam sa qaÿauanapigui mayi i'ottacpi?

Marcos 10:2

Nachi na fariseopi nachaateu'a somayi da qaÿauotaique da chochi huo'o qanqoÿin ca lasouaxashit. Nachi qainattac somayi da huo'otaq qaÿaÿamaxadeeta ca shiÿaxaua da nalate' aca lhua.

Marcos 12:35

Qaq so Jesús dapaxaguenataxaatac, huetaigui aso n'onaxanaxaqui, nachi 'enapeco': –¿Chaq tá'ainec nam dapaxaguenataxaatapeguec na nqataxacpi yi 'enac da ca nta'a mayi nca'alaxaqui, camayi llalec so David?

Marcos 14:49

'Enauaque soua na'axa'te da qami' soota'agueta, sapaxaguenataxaatac añi n'onaxanaxaqui, qalaq sa ishito' da aÿim qauacoñiu'a da aÿim qaucoñiyi. Qalaxayi yaqto' ipacchigui dam 'enapec naua ñiyigui'shi l'aqtaqa ñi Dios.