Marcos 1:8 - Nuevo Testamento Toba Sur

⁸ Aÿim qami' ñachilaxanguilo na 'etaxat, qaq camayi, qalaxayi qami' nachilaxanguilo ca Espíritu Santo.

Nuevo Testamento Toba Sombrero Negro

⁸ Eja da'me ami ñachilaĝañilo ga'me noĝop; joñe'me qamqa'me ami nachilaĝaneque joñe'me Dios Lepaqal.”

Marcos 1:8 Referans Kwoze

Hechos 1:5

Cha'ayi 'eesa da so Juan dachilaxanataxangui na 'etaxat, qalaxayi naua lÿa't na'axa'te nataq'en qami' qanachilaxanguilo ca Espíritu Santo.

1 Corintios 12:13

Cha'ayi 'enauaque qomi' nai'ctaxa da qomi' judío lashi', huo'otaq sa qomi' judío lashi', huo'otaq qomi' nlataqa, huo'otaq sa qomi' nlataqa, co'ollaq qomi' qanachilaxa'n, nachi so Espíritu Santo qomi' ÿauaxaÿaxana't da 'eeta'am naq'en da 'oonolec n'oquiaxac. Qaq 'enauac da shinaqta qomi' qanÿomaxanguilo so 'oonolec Espíritu.

Hechos 10:45

Nachi som 'amqajnataxanaxaiqa judío lashi' mayi nnaictagueto so Pedro, soomayi ÿataqta huo'o da l'aalaqa' da so Espíritu Santo nataq'en ishit da qoÿanem nam sa ishit da judío l'ecpi.

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

Hechos 2:17

Ñi Dios 'enapec: Caua pa'atreec na'axa'te, nachi aÿim ñanacot ñi'Espíritu Santo da sanem 'enauac na shiÿaxauapi; nachi na ñalaqpi qataq na ñalpi, namayipi qome i'axa't naua i'aqtaqa, na nsoxotpi huo'oi naua lauanaqchico chigoqo'oto ñi Dios, qataq na ÿi'axaiquipi huo'oi naua lchoxonaxaco.

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

Marcos 1:7

Nachi somayi da'aqtaxaatapeguem na shiÿaxauapi, 'eeta': –Huo'o na aÿim nca'attalec, qaq namayi ÿacteec da l'añaxac, sa ishit da shiita'am. Qataq ÿataqta sa yalou'a da ñoqollimot da ñaqa't naua lapela'te lque'te.

Marcos 1:9

Qaq se'esoua na'axa'te, nachi so Jesús nvi', chigoqta'a yi pueblo, l'enaxat Nazaret, yim huaigui yi 'alhua Galilea. Nachi so Juan nachilaxan somayi, huangui so tala Jordán.

Lucas 3:16

Qalaxayi so Juan 'enapega 'enauac so shiÿaxauapi, 'eeta': –Aÿim 'eesa da qami' ñachilaxanguilo nagui na 'etaxat, qalaxayi huo'o na aÿim nca'attalec, namayi qami' nachilaxanguilo qome ca Espíritu Santo qataq ca nodec. Qaq namayi ÿataqta ÿacteec da l'añaxac, qaq sa ishit da shin'am, qataq aÿim sa ishit da yalou'a da ñaqat naua lapela'te lque'te.

Juan 1:26

Nachi so Juan 'enapeco': –Aÿim sachilaxanataxana na 'etaxat. Qalaxayi da qoñiita huo'o dam qami' huetanguilo mayi sa ishit da qauauattoñi,

Juan 1:33

Qaq aÿim ñaq saxanaxa da sauatton chaq negue'tca que'eca shiÿaxaua. Qalaxayi ñi aÿim namaq da yaqto' sachilaxanataxana na 'etaxat, ñimayi aÿim 'enapega co'ollaxa, 'eeta': “Qom 'am 'auauaachigui so Espíritu Santo da huo'otaq anac, nachi talec ca shiÿaxaua, qaq que'eca shiÿaxaua nachica qome ca dachilaxanataxana so Espíritu Santo.”