Marcos 1:5 - Nuevo Testamento Toba Sur

⁵ Qaq anac da n'axaÿaxana somayi 'enauac nam chigaqa'a yi 'alhua Judea qataq yi la ciudad Jerusalén. Nachi namayipi i'axa't naua lasouaxashi'te, nachi so Juan nachilaxan, huaña so tala Jordán.

Nuevo Testamento Toba Sombrero Negro

⁵ Ena'uaque jogaa'me 'lachaqa't di'me aleua jo'ne Judea, nataq'aen jogaa'me 'lachaqa't di'me noic jo'ne Jerusalén, ena'uaque jogaa'me yec'adeta ñe'me Juan qaedi domachita; yechoĝote'tape jodaa'me loeco qama'le Juan nachilaĝadiñgui di'me ñache jo'ne Jordán.

Marcos 1:5 Referans Kwoze

Hechos 19:18

Qaq nam da'amqajnataxanpi nataq'en ÿataqta qalota na n'axateuo nam i'otpi qauem co'ollaq saxanaxa da da'amqajnataxan.

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Juan 3:23

So Juan nataq'en dachilaxanataxaatac, hueta'a yi Enón yim sa qaÿapeque yi Salim, cha'ayi ÿataqta qalota na 'etaxat. Nachi na shiÿaxauapi anac, nachi qanachilaxaatac.

Juan 1:28

Qaq 'enauac de'eda huaña yi 'alhua l'enaxat Betábara mayi pa'aigue da nala' lliguishiguem yi tala Jordán, yim huaña co'ollaq dachilaxanataxaatac so Juan.

Mateo 4:25

Nachi ÿataqta qalota na shiÿaxauapi ca'attague' somayi, nam chigaqaña yi Galilea, qataq yiua diez pueblo mayi qaÿamata'ac Decápolis, qataq yi Jerusalén, qataq yi 'alhua Judea, qataq na pa'aigue da nala' lliguishiguem yi tala Jordán.

Marcos 1:4

Qaq nachida da 'eetec so Juan co'ollaq nachilaxaatac na shiÿaxauapi, huaña so tojlec 'alhua. Nachi 'eetega namayipi da ÿaxaadeec naua n'onataxaco, nachi qanachilaxan, yaqto' qaÿapalaxa't naua lasouaxashi'te.

Marcos 1:6

Qaq naua alogo so Juan n'oxonqa, chigaqaiguilo na laue ana camello, qataq so nsaataxaqui l'oc. Qaq somayi chictac ana shiiquioxoi qataq na dapic lli'i.

Juan 5:35

So Juan, somayi 'eeta'am aca ncoÿadaxanaxaqui mayi 'ettaigui. Nachi qami' co'ollaxa ÿataqta qantoñiitapeguec de'eda lcoÿadaxanaxac, qalaxayi sa qaÿauec da qantonaxaqui.

Santiago 5:16

Qaq ÿoqo'oyi ñi 'oonolec da qoñiita da'aqtaxanem ca lÿa ca lasouaxashit, qataq ñi 'oonolec nqouagaxaueelec ca lÿa, yaqto' qami' qanatade'n. Da nqouagaxaunaxac ca no'on shiÿaxaua ÿataqta huo'o naq 'enec.