Marcos 1:44 - Nuevo Testamento Toba Sur

⁴⁴ –Sa ishit qome da huo'o ca 'au'aqtaxanem. Chaqdato' da qojec, nachi 'anachaxaneu'a ñim ltaxaÿaxanaxanec na shiÿaxauapi da qaitaxaÿapegue' ñi Dios, qataq 'ai'aneuo qome ca 'adachitaqtaxanaxat mayi 'enapega co'ollaxa so Moisés da ÿan cam mashi no'oita, yaqto' 'enauac da qaÿaÿaten da mashi 'am no'oita.

Nuevo Testamento Toba Sombrero Negro

⁴⁴ —¡Ena'te gamachaqaega a'uaĝatem da'me dojo'! Nach'edata da'me auec'ata ñe'me tamenaĝaiqui lo'o qama'le analoĝoneguet, nataq'aen auedouo jaga'me adajaqaje, laloĝoiqui da'me male am yoqovita, nataq'aen naq'aeta da'me damaĝajoĝolegue di'me Moisés ca'li, qaedi ena'uaque jogaa'me yayate'n da'me yataqachiñe ademegue, ja am 'te netaye ga'me adapite'na. ¡Jamo: male oc!

La'aqtaqa Ñim Lo'onatac 'Enauacna 2013

⁴⁴ –Saishet qome da huo'o ca 'aua'aqtaxanem da 'am qaỹo'otec. Nachaqrato' da qojec, nache 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, da yaqto' 'am imeten. Ime, nache 'aỹa'aneuo qome ca 'arachetaqtaxanaxat maye damaxasoxoolec co'ollaxa so Moisés da ỹan cam mashe no'oita, yaqto' 'enauac da qaỹaỹaten da mashe 'am no'oita.

Marcos 1:44 Referans Kwoze

Lucas 17:14

Nachi so Jesús co'ollaq ila'a somayipi, nachi 'enapega, 'eeta': –Qauesomiÿa, qanachaxañiu'a cam ltaxaÿaxanaxanecpi nam shiÿaxauapi da qaitaxaÿapegue' ñi Dios. Qaq co'ollaq quetague' somayipi ca nqa'aic, nachi maichi no'oita.

Mateo 8:4

Nachi so Jesús 'enapega somayi, 'eeta': –Sa ishit qome da huo'o ca 'au'axatem de'eda. Chaqdata da 'am qojec, 'anachaxaneu'a ñim ltaxaÿaxanaxanec na shiÿaxauapi da qaitaxaÿapegue' ñi Dios, qataq 'ai'aneuo qome aca 'adachitaqtaxanaqte mayi damaxasoxoolec co'olloxochiyi so Moisés, yaqto' qaÿaÿaten da mashi 'am no'oita.

1 Corintios 10:11

Qaq 'enauac de'eda huaigui som hua'au qadta'alpi, damayi qoÿiyiñi da naloqnaxanaxat da qaÿauotaique qomi' qaÿaqatalo nagui da souaqtaiguilo naua pa'atreec na'axa'te.

Romanos 15:4

Cha'ayi 'enauac nam l'aqtacpi ñi Dios mayi qoÿiyiñi co'ollaxa, namayipi qoÿiyiñi da qanapaxaguenaxat, yaqto' sachigoxotaqaigui da qadhualaxavic qataq qan'añaqchitaguec, da yaqto' huo'o da qanaquitaxac.

Lucas 5:14

Nachi so Jesús 'enapega somayi da sa ishit da huo'o ca i'axatem de'eda. Qataq 'enapega, 'eeta': –Chaqdata da 'am qojec, 'anachaxaneu'a ñi ltaxaÿaxanaxanec na shiÿaxauapi da qaitaxaÿapegue' ñi Dios. Ime, qaq 'ai'aneuo aca 'adachitaqtaxanaqte mayi damaxasoxoolec co'olloxochiyi so Moisés acam naigui da mashi 'am qui'itta, yaqto' qaÿaÿaten 'enauac da mashi 'am qui'itta souaxat so 'adalolaxa.

Marcos 1:43

Nachi so Jesús ÿamaq somayi, qalaxayi ÿataqta huaqattega, 'eeta':

Hechos 23:22

Nachi so nta'a nquine' so nsoq, nachi huaqattapeguelec da yaqto' sa ishit da huo'o ca i'axatem de'eda.