Marcos 1:35 - Nuevo Testamento Toba Sur

³⁵ Qaq co'ollaq ña qaÿata'aguet so na'a'q, nachi so Jesús ñishiguem, nachi tauga ca pa'auec so la ciudad da nda'a't da nqouagaxauen.

Nuevo Testamento Toba Sombrero Negro

³⁵ Ca'li maliaĝa ga'me nete', maliaĝa 'naltapiye, qama'le Jesús neloye ca'li, ñijeguem, yenoĝonegue ca'li ca'e ga'me noic, qama'le yec'ata ga'me aleua jo'ne totapega't qaedi netamen.

La'aqtaqa Ñim Lo'onatac 'Enauacna 2013

³⁵ Qaq co'ollaq ña qaỹata'aguet so na'a'q, nache So Jesús ñesheguem, nache tauga ca toolec 'alhua da nqouagaxauen.

Marcos 1:35 Referans Kwoze

Lucas 6:12

Qaq huo'o so na'a'q nachi so Jesús tashiguemec aso saqaÿoqotchiguemec 'alhua da natamen, nachi imatteec se'eso pe da natameetacot ñi Dios.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Lucas 5:16

Qalaxayi so Jesús tauga quenaxa cam tojlec mayi qaica na shiÿaxauapi. Huaña, nachi nqouagaxaueetac.

Hebreos 5:7

So Cristo co'ollaq hueta'a ana 'alhua, qalaq somayi ÿataqta nlamaxaden da nqouagaxaueetac qataq da deÿaxaatac, noÿiito'ot ñim Dios mayi huo'o da l'añaxac da yaqto' nca'alaxateeguesop somayi da nleuaxa. Qalaq ñi Dios hua'axaÿa somayi, souaxat somayi da ÿataqta nañanot ñimayi.

Juan 6:15

Qalaxayi so Jesús co'ollaq noma da qaÿauotaique da qaÿaconeu'a da qoÿanagui da nta'a, nachi somayi qaltaq ca'ai somayipi da tashiguemec aso qasoxonaxa, da yaqto' ndoteec.

Mateo 14:23

Qaq co'ollaq ime da lcoyiguenataxanaxac, nachi so Jesús tashiguemec aso saqaÿoqotchiguemec 'alhua, da yaqto' ndoteec da natamen. Qaq co'ollaq mashi pe, nachi so Jesús ñaq huetashiguemec yi'iyi 'alhua.

Filipenses 2:5

Qataq qoñiita'am qome da lataxac da lhuennataxac so Cristo Jesús.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Mateo 14:13

Qaq co'ollaq ÿaÿaten de'eda so Jesús, nachi ca'ai ca hueta'a, ndoteec, nachi huenojñigui aso barco da taitague da le'ego, taÿa ca qaÿoqteuga 'alhua. Qalaxayi so shiÿaxauapi co'ollaq huo'o da l'axaÿaxac, nachi chigoqteu'alo na pueblopi da qaica'ategue somayi, qanayictelec so lqaxaÿaxa.

Marcos 1:36

Nachi so Simón qataq soua lÿa't je'c da nmittraique somayi.