Marcos 1:27 - Nuevo Testamento Toba Sur

²⁷ Nachi 'enauac na shiÿaxauapi ñi'i. Nachi maichi nnattega't, 'eeta': –¿Négue't de'eda? ¿Peta'a dalaxaic napaxaguenataxanaxac? ¡Yi dam da' shiÿaxaua ÿataqta huo'o naq 'enec da damaxasoxon, ivida'a nam n'ecpi ishit da ÿalaxaguet!

Nuevo Testamento Toba Sombrero Negro

²⁷ Ena'uaque ga'me jiyaĝadipi jalcote da'me t'oitedapega, nataq'aen nenatetapega't: —¿Jach'e ga'me eeta da'me dojo'? ¡Yataqachiñe dalaĝaic da'me dojo' lapaĝaguenataĝanaĝac! ¡Yataqachiñe 'uo da'me lañoqotaĝanaĝac qaedi yamaĝadegue jogaa'me payac lepaqa'li, qama'le yoqochideta joñe'me!

La'aqtaqa Ñim Lo'onatac 'Enauacna 2013

²⁷ Nache so shiỹaxauapi ỹataqta huo'o da la'aalaxa, nache nnattega't, 'eeta': «¿Negue't de'era? ¿Peta'a dalaxaic napaxaguenataxanaxac? ¿Negue't de'era na'añaxac maye hueto'ot de'era ỹale? Ye dam da' shiỹaxaua ỹataqta huo'o naq 'enec da damaxasoxon, ivira'a nam na'añaxacpi saqcha'a da 'enapega da jec, ¡nache namayepi ỹalaxaguet!»

Marcos 1:27 Referans Kwoze

Lucas 9:1

Qaq huo'o so na'a'q nachi so Jesús lapona't so doce lapaxaguenatacpi, nachi ÿanem da n'añaxac qataq da namaxasoxonaxac, da yaqto' ishit da i'odauec na n'ec leguemaxaicpi, qataq yaqto' ishit da nataden na ÿotta'a't nalolaxacpi.

Marcos 7:37

Nachi ÿataqta lta'adaic da n'aalaxa, nachi qoÿiita': –Ÿataqta ÿaÿamaqchiguiñi 'enauac na i'ot, cha'ayi ivida'a da hua'aqa naq'en na da'añaigui na lqaic, qataq na qaicaua naua l'aqtaqa.

Mateo 15:31

Ÿoqo'oyi so shiÿaxauapi ÿataqta huo'o da l'aalaxa, souaxat da ÿauaachigui na qaicaua naua l'aqtaqa, qalaq detaqa, qataq na qaica na lhuaq lÿa, qalaq huo'o na lhuaq, qataq na qaica ca lchi lÿa, qalaq huo'o na lchi, qataq na sa nauaañi, qalaq ishit da nauaañi. Huaña, nachi qaÿi'oxodeetac ñi lta'a Dios nam llalaqpi so Israel.

Mateo 9:33

Qaq co'ollaq chochi i'odauec se'eso l'ec leguemaxaic so Jesús, nachi se'eso qaicaua naua l'aqtaqa ishit da detaqa. Nachi na shiÿaxauapi ÿataqta huo'o da l'aalaxa. Nachi 'eeta': –Ÿataqta sa ÿauanaga da huo'o ca qaÿauaachigui da huangui na llalaqpi so Israel da huo'otaq 'eeta'am de'eda.

Lucas 4:36

Nachi 'enauac so shiÿaxauapi ÿataqta huo'o da lcolanaxa, nachi detaqtega't, 'eeta': –¿Négue't dam da' n'aqtac? ¡Yi dam da' shiÿaxaua ÿataqta huo'o naq 'enec, qataq huo'o da l'añaxac da l'aqtac da ÿamaq so n'ec leguemaxaic, nachi somayi jec!

Marcos 10:32

Qaq mashi qanayiitangui so nqa'aic mayi taÿa'ague da Jerusalén, qaq so Jesús hua'auta, qaq soua lapaxaguenataqa nca'attrauo, qaq soomayi ÿataqta i'elaqtapigui'salo qataq ñi'itapigui'salo. Nachi so Jesús qaltaq iÿaxanoiguilo soua doce lapaxaguenataqa da iÿotaugalo, nachi ÿataqta da'aqtaxaatema soomayi dam huaigui qome somayi.

Marcos 10:24

Nachi soua lapaxaguenataqa ÿataqta i'elaqchi't de'eda l'aqtac, qalaxayi so Jesús qaltaq ÿi'iguelaxalec da l'aqtac, 'eeta': –Qami' ÿalaqpi, qami' shinapegalo da ¡ÿataqta huo'o da lqalaic da inoxoneu'a da l'onataxanaxac ñi Dios nam pe'etega da nsallaxa!

Mateo 8:9

Cha'ayi aÿim nataq'en sootañot da lamaxasoxonaxac na nta'alpi, qataq nataq'en aÿim huo'o na ñallippi mayi samaqtac. Qaq da huo'otaq huo'o ca samaq, qalaq jec. Qataq da seÿaxana ca lÿa, qalaq anac. Qataq da huo'otaq samaq ca ÿamaxashic da huo'o ca samaxalec, qalaq i'ot.

Marcos 1:26

Nachi se'eso n'ec leguemaxaic decopchi naq'en se'eso shiÿaxaua, nachi n'axannec da i'alaq, nachi ca'ai somayi.

Marcos 1:28

Nachi saqaÿaloq da qaÿaÿajna'a't so Jesús 'enauac yim 'alhua Galilea.

Marcos 16:5

Nachi qainoxonoigui aso huachiqui. Huaña, nachi qaila'a so nsoq nso'ootañi, hueta'ague na aloic, logodaiqa soua alogo lapagaxaiqa. Nachi soomayi ÿataqta ñi'i'.

Marcos 16:6

Qalaxayi somayi 'enapegalo' soomayi, 'eeta': –Sa ishit da qayi'ii; qami' qanmichiitaique so Jesús mayi Nazaret l'ec, som qaiuaxaneuo co'ollaxa. Qalaxayi somayi ÿoltaq nca'aleec qanqoÿin, qaq mashi sa ishit da hueta'a ne'ena. Ña qamijñi nam qaÿachaña co'ollaxa.

Hechos 17:19

Ime, nachi so Pablo qaÿauega ca naponqa' l'enaxat Areópago, cam nachi 'eetai' naxa da huaña da huo'o na qaitaxaÿapigui. Nachi qainattac, qoÿiita': –¿Peta'a ishit da qomi' huo'o ca saÿajnaq dam dalaxaic napaxaguenataxanaxac mayi 'au'axattac?