Marcos 1:24 - Nuevo Testamento Toba Sur

²⁴ –¿Tá'ainco' yi qomi' 'atapegueu'alo, 'am Jesús, Nazaret l'ec? ¿Qomi' 'auanaÿalo peta'a da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Nuevo Testamento Toba Sombrero Negro

²⁴ —Jega: ¿toqoch'e qo'mi aueloiquiaĝa'n, am Jesús jo'ne at'achaqa' di'me Nazaret? ¿Qo'li auanaequena qaedi qo'mi auapalaĝa't? ¡Am jateton: yataqachiñe jayaten da'me am Dios Lec'oĝot jo'ne ja 'nalegue!

La'aqtaqa Ñim Lo'onatac 'Enauacna 2013

²⁴ Somaye ỹataqta ỹa'alaxalec So Jesús, 'eeta': –¡'Am Jesús maye 'am Nazaret le'ec! ¿Ta'ainco' da qomi' 'atapegueua'alo? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton, da 'am Llalec Ñim Lo'onatac 'Enauacna.

Marcos 1:24 Referans Kwoze

Mateo 8:29

Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Santiago 2:19

'Am nalotau'a da 'adpi'iÿaxac da 'au'amaqten da 'oonolec ñi Dios. Qaq damayi ÿataqta ÿaÿamaqchiguiñi. Qalaxayi nataq'en i'amaqten de'eda na lamaxashicpi so shiÿaxaua lma'na. Ÿoqo'oyi ÿataqta iviloxolaqchit da lcolanaxa.

Lucas 4:34

–Qomi' 'auaqta'alo. ¿Tá'ainco' yi qomi' sa 'aualemaxa't, 'am Jesús Nazaret l'ec? ¿Peta'a qomi' 'auanaÿalo da qomi' 'anlaxajyiñi? Aÿim 'am sauatton, qataq saÿaten da nachi'am lalamaxat ñi Dios.

Hechos 3:14

Nachi qami' sa qauÿaxañiu'a da qaisouec so shiÿaxaua mayi qui'itta qataq no'on da lataxac; nda'a't da qami' qauÿaxañiu'a da qaisouec som laataxanaxaic.

Apocalipsis 3:7

Nataq'en 'auamaxa aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Filadelfia. Qoneta': “'Eeta' da l'aqtac nam ÿataqta qui'itta qataq 'eesa, nam hueto'ot ana lvinaqte ca lma' so nta'a David, nam da ÿauatoigui ca lasom qalaq sa ishit da huo'o ca ishit da ÿapogui, qataq da ÿapogui ca lasom qalaq sa ishit da huo'o ca ishit da ÿauatoigui:

Hechos 2:27

Cha'ayi 'am sa ishit da 'aualataña so iqui'i cam laponqa' na leuaxaicpi, qataq sa ishit da 'auashiitem da nlaguiñi da l'oquiaxac nam 'adamaxashic mayi 'adauotaxat.

Lucas 8:28

Somayi co'ollaq ila'a so Jesús, nachi i'adoto naua l-llicte, nachi i'alaqtac, 'eeta': –¿Tá'ainco' yi aÿim 'atapegueu'a, 'am Jesús mayi 'am llalec ñim Dios mayi 'amaqtaqaic? 'Am ñachoxonnot nagui sa ishit qome da 'auauo'o da ñique'ejnaxac.

Marcos 5:7

Nachi ÿataqta nlamaxaden da 'enapega, 'eeta': –¿Tá'ainco' yi aÿim 'atapegueu'a, 'am Jesús, mayi 'am llalec ñi Dios mayi 'amaqtaqaic? Ñi Dios aÿim ÿauaachigui da 'am ñachoxodeetot da sa ishit qome da 'auauo'o ca ñique'ejnaxac.

Juan 6:69

Qomi' mashi sogote da sa'amqajnataxanaq, qataq saÿajnaq da nachi'am mayi 'am nta'a nca'alaxaqui mayi 'am llalec ñi Dios mayi nachi 'eetai' da nca'altauec.

Lucas 1:35

Nachi so namaxashic 'enapeco': –Qomyi ca Espíritu Santo qome 'am tanguit, nachi da l'añaxac ñi Dios mayi 'amaqtaqaic 'am ipelteelec, 'eeta'am ca l'oc. Qaq ÿoqo'oyi que'eca nogotolec mayi ñiguiñi, camayi ÿataqta qoÿanot da hueto'ot ñi Dios, nachi qaÿamata'ac da llalec ñimayi.

Hechos 24:5

Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.

Hechos 4:27

Cha'ayi ÿataqta 'eesa da ñi nta'a Herodes qataq ñi Poncio Pilato, naamayi co'ollaxa lapona't, huetra'a ne'ena la ciudad, qaÿauaxaiguet nam chigaqhuec qataq nam maichi llalaqpi so Israel, da 'enauac qanpa'aguena som qui'itta 'ai'alec Jesús mayi 'ai'anagui da nta'a mayi qadca'alaxaqui.

Lucas 24:19

Nachi somayi 'enapeco': –¿Négue'to' camaxa? Nachi soomayi 'ena'po': –Qomyi dam huaigui so Jesús mayi l'ec yi Nazaret som l'aqtaxanaxanec ñi Dios. Se'eso shiÿaxaua qaica ca ÿaqalanapec cam l'aqtac qataq cam i'ot, qaq ÿataqta ÿaÿamaxadeeta somayi ñi Dios qataq 'enauac na shiÿaxauapi.

Mateo 2:23

Qaq co'ollaq mashi ivita yimayi, nachi nqo'ona da naña yi pueblo Nazaret. Qaq 'eetec de'eda, da yaqto' ÿataqta ipacchiguilo naua l'aqtaxanaxaco so l'aqtaxanaxanecpi ñi Dios co'ollaq i'axat da so Jesús qoÿiitega da Nazaret l'ec.

Lucas 8:37

Nachi 'enauac na shiÿaxauapi mayi lma' yi Gadara, nachi nachoxodeetacot so Jesús da ca'ai yimayi souaxat da ÿataqta qalota da lcolanaxa. Nachi so Jesús qaltaq huenojñigui aso barco, nachi jec.

Marcos 1:23

Nachi huaigui asa'aso laponaxaqui nam lma' yi'iyi pueblo som shiÿaxaua mayi huo'o so l'ec leguemaxaic. Somayi i'alaq, 'eeta':

Marcos 1:25

Nachi so Jesús nlaxa so n'ec leguemaxaic, 'eeta': –¡'Au'enaxanai', qoca'ai ne'ena shiÿaxaua!

Marcos 10:47

Qaq somayi co'ollaq hua'axaÿa'aguet so Jesús mayi Nazaret l'ec, nachi somayi i'alaq, 'eeta': –¡'Am Jesús, mayi 'am llalec so David, aÿim 'auchoxoden qome!

Marcos 14:67

Qaq asomayi co'ollaq ila'a somayi da ntootapigui so nodec, nachi iloto'ot, nachi inato', 'eeta': –'Am peta'a nataq'en 'annaictague' de'eda Jesús mayi Nazaret l'ec.

Marcos 16:6

Qalaxayi somayi 'enapegalo' soomayi, 'eeta': –Sa ishit da qayi'ii; qami' qanmichiitaique so Jesús mayi Nazaret l'ec, som qaiuaxaneuo co'ollaxa. Qalaxayi somayi ÿoltaq nca'aleec qanqoÿin, qaq mashi sa ishit da hueta'a ne'ena. Ña qamijñi nam qaÿachaña co'ollaxa.

1 Juan 2:20

Qalaxayi so Cristo mashi qami' ÿanema so Espíritu Santo, nachi 'enauac da qoñiita huo'o da qadauattonaxanaxaqui.