Marcos 1:22 - Nuevo Testamento Toba Sur

²² Nachi na shiÿaxauapi ÿataqta i'aalac na l'aqtacpi, cha'ayi somayi naua lapaxaguenataxanaxaco 'eeta'am cam damaxasoxonapec, qaq sa ishit da 'eeta'am nam dapaxaguenataxaatapeguec na nqataxacpi.

Nuevo Testamento Toba Sombrero Negro

²² Joga'me jiyaĝadipi jalcote da'me yoqochetem da'me eeta joca'li da'me lapaĝaguenataĝanaĝac, qa'a 'uo da'me lañoqotaĝanaĝac da'me dapaĝaguenataĝan, qama'le ja ena'ama joga'me judiopi napaĝaguenoqo'tpi.

La'aqtaqa Ñim Lo'onatac 'Enauacna 2013

²² Nache 'enauac na shiỹaxauapi ỹataqta ỹa'aalac naua lapaxaguenataxanaxaco, cha'aye Somaye da detaqtac qalaq ỹataqta huo'o da la'añaxa'c naua la'aqtaqa, qaq saishet da 'eeta'am nam dapaxaguenataxaatapeguec na namaxasoxonaxacpi maye chegoqo'ot so Moisés.

Marcos 1:22 Referans Kwoze

Mateo 13:54

nachi taÿa yi maichi lalamaxat lma'. Huaña, nachi dapaxaguenataxaatapoigui aso laponaxaqui na judiopi yi'iyi 'alhua. Nachi na shiÿaxauapi ÿataqta huo'o da l'aalaxa, nachi 'eeta': –¿Huá'ague ca ÿachigoxota'ague da laÿajnec dam da' shiÿaxaua? ¿Chaq huá'ago' ca 'eetec yi ishit da i'ot nam sa qaÿauanapega?

Juan 7:46

Nachi so huataxanaqpi 'enapeco': –¡Ÿataqta sa ÿauango' da huo'o ca 'eeta'am da ltaxaÿaxac de'eda shiÿaxaua!

Lucas 4:32

Nachi ÿataqta huo'o da n'aalaxa da 'eetec da lapaxaguenataxanaxac somayi, cha'ayi da detaqa, qalaq ÿataqta huo'o naq 'enec naua l'aqtaqa.

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

Hechos 6:10

Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Lucas 21:15

Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Marcos 1:23

Nachi huaigui asa'aso laponaxaqui nam lma' yi'iyi pueblo som shiÿaxaua mayi huo'o so l'ec leguemaxaic. Somayi i'alaq, 'eeta':

Lucas 2:47

Nachi 'enauac nam n'axaÿaxaatega somayi ÿataqta huo'o da l'aalaxa souaxat da ÿataqta ÿaÿaten da i'axategue nam qainataxaatapeguecpi.