Marcos 1:14 - Nuevo Testamento Toba Sur

¹⁴ Qaq co'ollaq mashi qoÿanaigui aso ncoñitaxanaxaqui so Juan, nachi so Jesús taÿa yi Galilea. Huaña, nachi i'axattac dam no'on qad'axaÿaxac mayi i'axat da l'onataxanaxac ñi Dios da ilo'ogue 'enauacna.

Nuevo Testamento Toba Sombrero Negro

¹⁴ Joca'li joote qoyanetaue jaga'me coñetaĝanaĝaiqui ñe'me Juan, qama'le ñe'me Jesús yec'ata di'me Galilea qaedi 'yaĝatetac joda'me onaĝaic 'naqataĝanaĝac jo'ne chiyaqayi ñe'me Dios.

La'aqtaqa Ñim Lo'onatac 'Enauacna 2013

¹⁴ Qaq co'ollaq mashe qoỹanaigui aso ncoñetaxanaxaqui so Juan, nache So Jesús taỹa ye 'alhua Galilea. Huaña, nache ỹa'axattac dam no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, 'eeta':

Marcos 1:14 Referans Kwoze

Mateo 4:23

Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Mateo 4:12

Qaq so Jesús co'ollaq l'axaÿaxac da so Juan qoÿanaigui aca ncoñitaxanaxaqui, nachi somayi taÿa yi 'alhua Galilea.

Efesios 2:17

So Cristo anac da i'axatem 'enauac na shiÿaxauapi da no'on qad'axaÿaxac mayi i'ot da nlagaxa, qaq ividauga da qoñiita mayi sa ishit da qami' judío lashi' qataq nam judío l'ecpi.

Lucas 8:1

Qaq co'ollaq mashi qaÿoqtegue de'eda, nachi so Jesús quetagui na pueblopi qataq nam naña nam saq 'amaqtaq shiÿaxauapiolec da da'aqtaxaatac, i'axattapeguem da no'on l'axaÿaxac mayi i'axat da ñi Dios ilo'ogue 'enauacna. Qaq nnaictagueto soua doce lapaxaguenataqa.

Hechos 28:23

Qaq ÿoqo'oyi qaÿauo'o so naloqnec na'a'q. Qaq co'ollaq ivita se'eso na'a'q, nachi ÿataqta qalota na shiÿaxauapi na nvita ca netaña so Pablo. Nachi ÿachigoxottot se'eso nte'eta, chochi ivitta'a so avit, da i'axattapeguem somayipi da l'onataxanaxac ñi Dios da ilo'ogue 'enauacna. Ÿataqta quetapegueu'a somayipi da i'amaqten naq'en so Jesús, nachi i'axattac nam nqataxacpi mayi chigoqo'ot so Moisés qataq nam l'aqtaxanaxac som l'aqtaxanaxanecpi ñi Dios.

Mateo 9:35

So Jesús coleetapigui 'enauac nam pueblopi qataq nam nañalo nam saq 'amaqtaq shiÿaxauapi da dapaxaguenataxaatapoigui ana laponaxaqui na judiopi, i'axattac dam no'on qad'axaÿaxac mayi naigui da ilo'ogue 'enauacna ñim Dios, qataq natadeetac 'enauac nam ÿotta'a't lalolaxa qataq da nqui'ic na shiÿaxauapi.

Hechos 20:25

Qaq nagui yi'oqta da 'enauac da qoñiita nam sa'aqtaxaatapeguem co'ollaxa da l'onataxanaxac ñi Dios da ilo'ogue 'enauacna, da nachi tachiguiña nagui da aÿim sa nauane'.

Mateo 14:2

Nachi 'enapego' nam hueta'aguetpi, 'eeta': –Se'eso ÿoqta da nachiso som Juan mayi nachilaxanataxanaq da qaltaq nca'aleeguesop da nleuaxa. Ÿoqo'oyi huo'o da l'añaxac da i'ot nam sa qaÿauanapega.

Lucas 3:20

qalaxayi so Herodes sa ishit da ÿalaq. Chaqdata da nquigaxatteec da i'ot sa ÿaÿamaxañi co'ollaq icoñi' so Juan, ÿanaigui aso ncoñitaxanaxaqui.

Mateo 11:2

Qaq so Juan mayi netaigui aso ncoñitaxanaxaqui, somayi ividau'a da ÿaÿaten 'enauac nam i'otpi so Cristo. Huaña, nachi huo'oi soua ÿama'q som quetague'pi somayi, da yaqto' nqo'ooda so Jesús,

Mateo 4:17

Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.