Lucas 9:1 - Nuevo Testamento Toba Sur

¹ Qaq huo'o so na'a'q nachi so Jesús lapona't so doce lapaxaguenatacpi, nachi ÿanem da n'añaxac qataq da namaxasoxonaxac, da yaqto' ishit da i'odauec na n'ec leguemaxaicpi, qataq yaqto' ishit da nataden na ÿotta'a't nalolaxacpi.

Nuevo Testamento Toba Sombrero Negro

¹ Jesús yemata'a't jogaa'me lapaĝaguenataqa qama'le yanema da'me 'lañaĝa'j nataq'aen da'me lañoqotaĝanaĝa'j qaedi yamaĝadegue ena'uaque jogaa'me yodapecache 'me payagodipi nataq'aen qaedi e'n yemedegue jogaa'me uo'oe da'me lapite'nadi.

La'aqtaqa Ñim Lo'onatac 'Enauacna 2013

¹ Qaq huo'o so na'a'q, nache So Jesús ỹataxana't soua doce lapaxaguenataqa, nache ỹanema da la'añaxac soomaye da yaqto' natare'n na ỹotta'a't nalolaxapi qataq ỹanema da 'ene'c da ishet da ỹo'orauec nam ỹotta'a't saqcha'a na'añaxac leguemaxaicpi.

Lucas 9:1 Referans Kwoze

Juan 14:12

Qaq ÿataqta 'eesa de'eda qami' sa'axatema, da ca aÿim i'amaqten, nachi camayi ishit nataq'en da i'ot nam so'otpi, qataq ishit da ÿataqta ÿacteec da lta'adaic cam i'ot. Cha'ayi aÿim nagui saÿa yi netaña ñi ita'a.

Lucas 10:19

Aÿim qami' sanema da n'añaxac, da yaqto' qauapiigui na n'adaxanaqpi qataq na pelaqtoitpi, qataq yaqto' ishit da qanaloÿa'aguet 'enauac da l'añaxac ca depa'aguenataxaatac, qaq sa ishit da qami' qaique'emaqchi't.

Hechos 4:30

Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.

Mateo 16:19

Qaq aÿim qome 'am sami' aca lvinaqte da l'onataxanaxac ñi Dios mayi neta'ague da piguem. Qaq ca 'am 'auashiita ana 'alhua, qaq camayi nataq'en qaÿashiita da piguem. Qaq ca 'am sa ishit da 'auashin, qaq camayi nataq'en sa ishit da qaÿashin da piguem.

Hechos 1:8

Qalaxayi qom qami' nvitalo ca Espíritu Santo, nachi qami' taÿoto qome ca n'añaxac, nachi qoquii da aÿim qau'axachi, da qau'aqtaxañiim nam netaña na Jerusalén, qataq nam netaña yi 'alhua Judea qataq yi Samaria, qataq chochi qaviyiita'a ca ÿapacteec qaÿoqta ana 'alhua.

Hechos 9:34

Nachi so Pedro 'enapego' somayi, 'eeta': –Eneas, 'am nataden so Jesucristo, qoñishiguem qome, nachi 'aunana't na 'adacanec. Nachi so Eneas ñishiguem.

Hechos 3:16

Qaq nachida dam l'enaxat se'eso Jesús, huo'otaq da qaipi'iÿa'a da l'enaxat somayi, dam chigoqchigui da l'añaxac de'eda shiÿaxaua mayi qauauañiichigui qataq qadauattonataqui. Qaq de'eda 'eetec da qaipi'iÿa'a so Jesús, nachida dam ÿataqta imauec da no'oita naq'en de'eda shiÿaxaua mayi 'enauac da qoñiita qauloito'ot.

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Mateo 8:9

Cha'ayi aÿim nataq'en sootañot da lamaxasoxonaxac na nta'alpi, qataq nataq'en aÿim huo'o na ñallippi mayi samaqtac. Qaq da huo'otaq huo'o ca samaq, qalaq jec. Qataq da seÿaxana ca lÿa, qalaq anac. Qataq da huo'otaq samaq ca ÿamaxashic da huo'o ca samaxalec, qalaq i'ot.

Lucas 10:1

Qaq co'ollaq ime de'eda, nachi so qadataxala' nataq'en lca'au'a so laÿipi setenta, nachi ÿamaq, qalaxayi dostega't naq'en, da i'auaxana 'enauac na pueblopi qataq naua 'ale'u mayi tata'alo somayi.