Lucas 7:28 - Nuevo Testamento Toba Sur

²⁸ Qami' sa'aqtaxanema da 'enauac na shiÿaxauapi qaica da huo'o ca l'aqtaxanaxanec ñi Dios da napacalec da l'amaqchic so Juan mayi nachilaxanataxanaq. Qalaxayi nam ÿapacteec da qaica ca l'amaqchic da huetaigui da l'onataxanaxac ñi Dios, nachina na ÿataqta napactelec somayi.

Nuevo Testamento Toba Sombrero Negro

²⁸ “Ami ja'aĝatema queda'me Juan nach'eñe napacalo'te ena'uaque joga'me jiyaĝadipi; qalaĝaja ga'me jo'ne ja di'yaĝa da'me uetaye da'me dojo' Dios lejaliaĝa, nach'ega jo'ne napacalegue joñe'me Juan.

La'aqtaqa Ñim Lo'onatac 'Enauacna 2013

²⁸ Ỹataqta 'eesa da ana'ana 'alhua qaica ca nañiguiñi ỹale da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui da lo'onataxanaxac Ñim Lo'onatac 'Enauacna, nachena na ỹataqta napacalec so Juan.»

Lucas 7:28 Referans Kwoze

Mateo 11:11

Qaq ÿataqta 'eesa de'eda shinapec da 'enauac nam shiÿaxauapi co'ollaxa da chigoqta'ague, chochi ivitta'a nagui, da qaica ca ishit da napacalec da l'amaqchic so Juan mayi nachilaxanataxanaq. Qalaxayi nam ÿapacteec da qaica ca l'amaqchic da huetaigui dam l'onataxanaxac ñi Dios mayi neta'ague da piguem, namayipi napacalec somayi.

Lucas 9:48

Nachi 'enapeco': –Ca ÿaconguet ne'ena nogotolec souaxat da aÿim i'amaqteetac, qaq nachaÿim mayi aÿim ÿaconguet. Qaq ca aÿim ÿaconguet, qaq nataq'en ÿaconguet ñim aÿim namaq. Cha'ayi ca ÿapacteec qaica ca l'amaqchic 'enauac da qoñiita, qaq nachica ca ÿacteec da l'amaqchic.

Lucas 3:16

Qalaxayi so Juan 'enapega 'enauac so shiÿaxauapi, 'eeta': –Aÿim 'eesa da qami' ñachilaxanguilo nagui na 'etaxat, qalaxayi huo'o na aÿim nca'attalec, namayi qami' nachilaxanguilo qome ca Espíritu Santo qataq ca nodec. Qaq namayi ÿataqta ÿacteec da l'añaxac, qaq sa ishit da shin'am, qataq aÿim sa ishit da yalou'a da ñaqat naua lapela'te lque'te.

Mateo 3:1

Qaq co'ollaq mashi qaÿoqteguelo soua vi'iyi, nachi so nachilaxanataxanaq l'enaxat Juan anac da da'aqtaxaatapeguelec yi tojlec 'alhua mayi huaña yi Judea.

Lucas 7:27

So Juan nachiso so i'axa't naua ñiyigui'shi l'aqtaqa ñi Dios co'ollaq 'eeta': Samaq qome ca i'aqtaxanaxanec da sa'auaxangue na 'ic, da yaqto' ÿaqataxanai' ca 'anqa'aic.

Lucas 7:29

Nachi 'enauac na shiÿaxauapi, qataq nam ÿacootapeeguet ana nshiitenaqte ca nta'a mayi lachilaxanatacpi so Juan, namayipi co'ollaq hua'axaÿa de'eda, nachi ÿataqta sa ishit da qaÿoqolguet ñi Dios da ÿataqta 'eesa.