Lucas 6:47 - Nuevo Testamento Toba Sur

⁴⁷ Nagui aÿim qami' sa'axatema ca 'eeta'am ca shiÿaxaua da huo'otaq aÿim nau'a da aÿim n'axaÿaxana qataq ÿataqta i'ot cam shiitega:

Nuevo Testamento Toba Sombrero Negro

⁴⁷ Uo'oe gaa'me jayem nec'adeta qama'le jayem naquiaĝata nataq'aen yauote ga'me jo'ne jenaac. Qama'le ami ja'aĝatema

La'aqtaqa Ñim Lo'onatac 'Enauacna 2013

⁴⁷ Da huo'o ca nquigueua'a Aỹem qataq na'axaỹaxana da ỹapaxaguenataxanaxac qataq Aỹem ỹalaxaguet,

Lucas 6:47 Referans Kwoze

Lucas 11:28

Qalaxayi somayi 'enapeco': –¡Qalaxayi ÿataqta ÿacteec da machiguiñi cam n'axaÿaxana dam l'aqtac ñi Dios qataq ÿalaxaguet!

Juan 14:15

Qaq da qami' aÿim qauauochiic, qaq qaualaqailguete naua ÿamaxasoxonaxaco.

Santiago 4:17

Cha'ayi ca shiÿaxaua da ÿaÿaten ca ÿaÿamaqchiguiñi, qalaxayi sa ishit da i'ot, qanachi huo'o da lasouaxashit.

Mateo 12:50

Cha'ayi camachaqcague't shiÿaxaua, da huo'otaq i'ot cam 'eetapeguec ñi ita'a mayi neta'ague da piguem, qaq nachica cam ÿaqaÿa, qataq aca ÿaqaÿa, qataq aca ÿate'e.

Juan 13:17

Qaq qami' da qauaÿajñiita de'eda, qataq ishit da qau'ochi, nachi ÿataqta qami' machiyiñi qome.

1 Pedro 2:4

Qaq ÿoqo'oyi qanquiquiu'a qome so qadataxala' Jesús som 'eeta'am ca coma' mayi ÿataqta nca'altauec. Se'eso coma' l'otanec co'olloxochiyi na shiÿaxauapi, qalaxayi ñi Dios lca'aguishic qataq ÿataqta lauotaxat.

Hebreos 5:9

Qaq cha'ayi somayi ÿataqta qanaloqchiichiguiñi da lataxac, qaq ÿoqo'oyi ishit da nachiso so chigoqchigui dam chochaq tateec nca'alaxa mayi taÿot 'enauac nam ÿalaxaguet somayi.

Apocalipsis 22:14

Qaq ÿataqta machiguiñi qome ca iÿoi' naua alogo, yaqto' ishit da nhuaatau'a aca qo'ipaq mayi chigaqaigui da nca'alaxa, qataq da yaqto' ishit da inoxoneu'a ñi lasom yi'iyi la ciudad.

Lucas 14:26

–Sa ishit da ÿapaxaguenatac ca aÿim nau'a, da huo'otaq ÿapagaqnauec da ÿauotec ca lta'a, huo'otaq aca late'e, lhua, qataq ca llalaqpi, lqaÿañicpi ÿallippi qataq 'alpi, qataq ivida'a da maichi nachaalataxac.

1 Juan 3:7

Qami' ÿalqolqa, sa ishit qome da huo'o ca qami' ÿatenachi't. Cam i'ot ca ÿaÿamaqchiguiñi, camayi ÿataqta no'on shiÿaxaua, qaq 'eeta'am so Cristo da ÿataqta no'on shiÿaxaua.

1 Juan 2:29

Qaq cha'ayi qami' mashi sogote da qauaÿajñi da so Jesucristo ishit da i'ot ca ÿaÿamaqchiguiñi, qataq mashi qauaÿajñiita nataq'en da 'enauac nam ishit da i'ot ca ÿaÿamaqchiguiñi, namayipi llalaqpi ñi Dios.

Juan 10:27

Cha'ayi anam qagueta mayi selotague', anamayi ÿauatton da ivilÿaxac, qataq aÿim sauatton anamayipi, qaq anamayi aÿim ca'attague'.

2 Pedro 1:10

Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

Juan 6:37

Qaq 'enauac nam aÿim ÿami' ñi ita'a, namayi aÿim nau'a; qaq nam aÿim nau'a, qalaq sa ishit da semaqa'aguet.

Juan 6:35

Nachi so Jesús 'enapeco': –Nachaÿim mayi aÿim pan mayi chigaqaigui da nca'alaxa. Ca aÿim nau'a, nachi sa nauane' qome na lqouaxa; qataq ca aÿim i'amaqten, nachi sa nauane' qome na laquip.

Juan 5:40

Qalaxayi qami' sa ishit da aÿim qauanaiua'a, da yaqto' qami' taÿoto de'eda nca'alaxa.

Lucas 8:13

Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Lucas 8:8

Qaq aso lÿa nanguishi tajlec so ÿataqta no'on 'alhua. Qaq co'ollaq ñaxat, nachi ÿataqta qalota ana ala. Huo'o ana ivi' ana cien ana ala co'ollaq qanqat. Qaq co'ollaq ime da l'aqtac, nachi ÿataqta nlamaxaden, 'eeta': –Qami' qom qauaÿajñi da qan'axaÿaxanaxaqui, qaq no'on da qan'axaÿaxañiichiguiñi.

Mateo 17:5

Qaq co'ollaq ña detaqtac so Pedro, nachi anac so l'oc mayi ÿataqta 'edoigui. Somayi ipelteelguete soomayi. Nachi se'eso l'oc chimaqtoigui so n'aqtac, 'eeta': –'Eda dam ÿalec mayi ÿataqta ÿauotaxat, damayi ÿataqta ñitootapeguec. Qaq damayi qan'axaÿaxañiÿa qome.

Juan 8:52

Nachi na judiopi 'enapego' somayi, 'eeta': –Qomi' nagui saÿajnaqta da 'am huo'o ñi 'ad'ec leguemaxaic. Cha'ayi so Abraham qataq 'enauac so l'aqtaxanaxanecpi ñi Dios, somayipi co'ollaxa ileu, qalaq 'am qonapec: “Da ca ÿalaxaguet cam shinapec, nachi camayi sa ishit da nauane' da ileu.”

Lucas 6:48

Camayi 'eeta'am ca shiÿaxaua mayi i'ot ca lma', qaq i'auaxaañi da deshidaxan, ÿataqta qaÿoqchiguingui naq'en ca lshidec. Ime, qaq lapaxañi ca coma' mayi l'oxonaxala' naq'en ca noÿic. Qaq chaxan 'eesa da ivita da i'auat so tala, nachi anac na 'etaxat ÿataqta sa nsatteguet ana lapaxa da iuaxanot que'eca noÿic. Qalaxayi sa ishit da ÿañoxot da ÿayigot, cha'ayi so noÿic n'oxootalec qanqoÿin so coma'.