Lucas 6:45 - Nuevo Testamento Toba Sur

⁴⁵ Qaq nachi 'eetec ca no'on shiÿaxaua, da detaqa qalaq no'on cam 'enapec, cha'ayi dam ÿaÿamaqchiguiñi huetagui añi lquiyaqte. Qaq nachi 'en'am ca qauem shiÿaxaua, da detaqa qalaq qauema naua 'ena'pe, cha'ayi dam qauem huetagui añi lquiyaqte. Cha'ayi nam qodap ishit da nasaxauec cam ÿataqta da'aichigui añi qadquiyaqte.

Nuevo Testamento Toba Sombrero Negro

⁴⁵ Nach'e ena'am ñe'me jiyaĝaua jo'ne 'noota nenaĝatedegue gaa'me 'noote', qa'a ga'me 'noota uetaye ga'me lauel, nataq'aen ñe'me jiyaĝaua jo'ne qaleuaĝaic nenaĝatedegue gaa'me ja 'noe'n qa'a da'me ja no'en uetaye ga'me lauel. Qa'a da'me ja nejataĝaic jo'ne uetaye ga'me lauel na'ya ga'me nedegaĝat nale doje.

La'aqtaqa Ñim Lo'onatac 'Enauacna 2013

⁴⁵ Na no'on shiỹaxauapi, nache 'eetai' da ỹo'ottac ca ỹaỹamaqchiguiñi, cha'aye da no'on huetaigui da lquiyaqteỹaxac. Qaq nam qauem shiỹaxauapi, nache 'eetai' da ỹo'ottac da qauem, cha'aye da lquiyaqteỹaxac huetaigui da qauem. Naua 'ara'aqtaqa maye nauoiguilo na 'ap naamaye ỹachaxa'n naua huetanguilo añi 'arquiyaqte.»

Lucas 6:45 Referans Kwoze

Efesios 4:29

Qataq sa ishit da qauema naua qad'aqtaqalli'. Chaqdata da qan'onaxachi' naua qad'aqtaqalli', yaqto' ishit da nquiguishiguem, qataq huo'o da n'achiquiaxac cam qami' n'axaÿaxaategalo.

Juan 7:38

Cha'ayi nachi 'ena'pe naua ñiyigui'shi n'aqtaqa da ca aÿim i'amaqten, nachi camayi añi lquiyaqte chigoqtoigui ca 'etaxat mayi 'eeta'am na l'auaxac da npaxaatashiguem.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

Colosenses 4:6

Naua qadtaxaÿaxacolli' ÿataqta qaÿaÿamaxadeete' qome qataq ÿataqta qanqopitalo. Ñi 'oonolec da detaxaÿapegue' ca lÿa, qalaq ÿaÿaten da ÿaÿamaxatchiguiñi ca lataxac.

Hebreos 8:10

Qaq cam ñaÿamaxataxac qom ñaÿamaxate' na llalaqpi so Israel qom mashi inoxoodeec que'ecaua na'axa'te, camayi qome ipacchigui da 'enapec ñi qadataxala', 'eeta': Aÿim qome sachaigui da lhuennataxac namayipi da ÿamaxasoxonaxac, qataq sedelguete naua lquiyaqte. Nachi namayipi aÿim lta'a Dios, qataq namayi maichi ÿalamaxatpi.

Efesios 5:19

Qataq da ñi 'oonolec detaqtague' ca lÿa, qalaq huota'a naq'en na ÿotta'a't n'onecpi mayi chigoqo'ot so Espíritu. Qataq ÿataqta imauec da qadquiyaqteÿaxaqui da qau'onaxañiitac qataq da qavi'oxoyiñiitac so qadataxala'.

Hechos 5:3

Nachi so Pedro 'enapego' somayi, 'eeta': –Ananías, ¿tá'ainec yi 'aunoxonaqchitoigui añi 'adquiyaqte so Satanás da yaqto' 'auatenachit naq'en so Espíritu Santo, nachi 'an'onaxatañi aso laÿi aso lashiue so 'adma'?

Judas 1:15

da yaqto' nmit 'enauac na shiÿaxauapi, qataq da ÿauo'o da nhuaxanaguec nam qauemaicpi, souaxat 'enauac nam sa ÿaÿamaxañisat mayi chigoqchigui namayipi, qataq souaxat nam qauem l'aqtacpi ne'ena 'itaxaloxoicpi mayi sa iyacnapec da detaxaÿa ñimayi.”

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.