Lucas 6:42 - Nuevo Testamento Toba Sur

⁴² Qaq da huo'otaq sa ishit da 'auanoma ca qo'ipaq lta'adaic mayi huetangui ana 'ad'aite, qaq ¿tá'ainco' yi sa 'auadenalec da qonapega ca 'adqaÿa da qoneta': “'Am ÿaqaÿa, ñaq aÿim 'auashiitem qome da ñaqat yi 'auaqpi lsochi mayi huetangui ana 'ad'aite?” ¡'Am mayi qonetega da 'am 'eesa! 'Au'auaxaañi da 'anqat yi qo'ipaq lta'adaic mayi huetangui ana 'ad'aite, yaqto' ishit da ÿataqta 'anauaachiguiñi da 'anqat acam 'auaqpi lsochi mayi huetangui ana l'aite ca 'adqaÿa.

Nuevo Testamento Toba Sombrero Negro

⁴² Qom ja auetadenac na'me adetauoĝojet jo'ne t'adaic 'me netaye jana'me at'aete, ¿teua'atoqo' auojapegue' ga'me adaqaya: «Am yaqaya, cha'li jayem auaje'tem ta'le ñaqat na'me adetauoĝojet 'me netaye jana'me at'aete»? ¡Ja am 'te eja! Cha'li 'uaeñe anaqat na'me epaq 'me netaye jana'me mach'e at'aete, qama'le naq'aeta da'me male auauatalegue da'me anaqat ga'me letauoĝojet ga'me adaqaya jo'ne netaye jaga'me mach'e 'laete.

La'aqtaqa Ñim Lo'onatac 'Enauacna 2013

⁴² ¿Ta'ainco' da qonapega ca 'arqaỹa da qoneta': «Ỹaqaỹa, ña 'aua'aqta'a da ñeqat ye 'artagoxoshet 'auaqpi lte añi 'ara'aite», da 'am sa 'ananoma ye maiche 'artagoxoshet 'epaq laỹe? ¡'Am tenataxanaxaic! 'Aua'auaxaañi da 'anqat ye maiche 'artagoxoshet 'epaq laỹe maye huetaigui añi 'ara'aite, yaqto' ỹoqta 'anauaachiguiñi da 'anqat ca ltagoxoshet 'auaqpi lte ca 'arqaỹa.

Lucas 6:42 Referans Kwoze

2 Pedro 1:9

Qaq cam sa ishit da hueto'ot 'enauac ne'enapi, nachi camayi 'eeta'am ca sa nauaañi, huo'otaq ca sa qaÿa'ague da lmejnaxanaxac. Qaq icoua'ai da sogote da qaiÿouec som hua'au lasouaxashitpi.

2 Timoteo 2:21

Qaq da huo'o ca nshitaique da 'ico' nogoxoshit mayi taiguet da ñi'oxoyic, qataq nshitaique da qaiqui'itaxatta, qataq nshitaique da taiguet da l'onataxanaxanec so qadataxala', qaq camayi nal'en da iÿouec 'enauac na sa ÿaÿamaxañi, qanachi ÿataqta taiguet ca camachaqca n'onataxanaxac ÿaÿamaqchiguiñi.

2 Corintios 5:18

Qaq 'enauac de'eda chigoqchigui ñi Dios ñim chigoqchigui naq'en so Cristo da qaltaq ñimanaxai' naq'en ñimayi. Ime, qaq qomi' ÿanema da qad'onataxanaxac, da yaqto' nmane' ñaqashinaq 'enauac na shiÿaxauapi ñimayi.

Romanos 2:1

Qaq ÿoqo'oyi sa ishit da saqca ca 'adasouaxashit, 'am mayi 'ai'aatapigui ca lasouaxashit ca 'adÿa, nai'ctaxa da chaq negue't da qoneta. Cha'ayi da 'am 'ai'aatapigui ca lasouaxashit ca 'adÿa, nachi 'am maichi qoquetau'a da qaÿauo'o qome ca 'anhuaxanaguec, cha'ayi 'am nataq'en 'au'ottac nam 'anshitaique da 'anmit.

Hechos 13:10

Nachi 'enapego', 'eeta': –¡'Am tenataxanaxaic, qataq 'am 'itaxaloxoic, 'am llalec so shiÿaxaua mayi lma'na, qataq ÿataqta 'anpa'aguenaxaua 'enauac na ÿaÿamaqchiguiñisat! ¿Tá'ainco' yi sa i'atai' da 'auashaxaadeec naua ÿaÿamaqchiyiñi 'eetapegueco ñi Dios?

Hechos 8:21

'Am sa ishit da 'aÿapegueuo qataq saq 'am qoÿami' de'eda n'onataxanaxac, cha'ayi da 'adquiyaqteÿaxac sa ishit da ÿataqtelec da quegue ñi Dios.

Hechos 2:38

Nachi so Pedro 'enapego' somayipi, 'eeta': –Qomyi qaualachi' qome naua qan'onataxacolli' da qoquiigue ñi Dios, nachi qami' qanachilaxa'n, qaÿachilaxanataxana da l'enaxat so Jesucristo, yaqto' ñi Dios ÿapalaxat na qadasouaxashichi, qataq qami' ÿanema ca Espíritu Santo.

Lucas 22:32

Qalaxayi aÿim 'am ñoqouagaxaueetapeguelec, da yaqto' sa ishit da saqca da 'adpi'iÿaxac. Qaq 'am qom ivita da aÿim 'añi'iguelqot, nachi 'autauan qome na 'adqaÿañicpi da yaqto' nachi 'eetai' da lpi'iÿaxac.

Lucas 13:15

Nachi so qadataxala' ÿasat, 'eeta': –Qami' mayi qoñiÿapec qami' 'eesoda, ¿peta'a sa ishito' da huo'o ca 'oonolec da qoñiita da isouec ca lauegaxanaxala' huaca, huo'otaq ca lalo 'ashina, ca na'a'q mataxaqui da yaqto' ÿauegaxasom da nÿomaxan?

Mateo 26:75

Nachi so Pedro tachigui yi lauel da l'aqtac so Jesús co'ollaq 'eeta': “Qom yaqta'a da noÿin ca 'olgaxa, qaq 'am mashi sogote qome da tres 'avi'iguelaxalec da qonetega da aÿim sa 'auauatton.” Nachi so Pedro pa'auec, nachi ÿataqta noÿiitac.

Mateo 7:3

Qataq ¿tá'ainco' yi ishit da 'auamata'a cam 'auaqpi lsochi mayi huetangui ana l'aite ca 'adqaÿa, qaq sa ishito' da 'aula'a cam qo'ipaq lta'adaic mayi huetangui ana maichi 'ad'aite?

Mateo 7:4

Qaq da huo'otaq huetangui ana 'ad'aite ca qo'ipaq lta'adaic, qalaq ¿tá'ainco' da ishito' da qonapega ca 'adqaÿa da qoneta': “Ñaq aÿim 'auashiitem qome da ñaqat yi 'auaqpi lsochi mayi huetangui ana 'ad'aite?”

Lucas 6:41

Qalaq ¿tá'ainco' yi ishito' da 'auamata'a cam 'auaqpi lsochi mayi huetangui ana l'aite ca 'adqaÿa, qaq sa ishito' da 'aula'a cam qo'ipaq lta'adaic mayi huetangui ana 'ad'aite?

Lucas 6:43

Ana qo'ipaqpi qaca aca no'on qo'ipaq da huo'otaq ñaxateec aca ala nachi qauem, nataq'en qaca aca qauem qo'ipaq da huo'otaq ñaxateec nachi no'on aca ala.