Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.
Lucas 6:24 - Nuevo Testamento Toba Sur24 Qalaxayi choxodaxasodo' qami' mayi qami' sallaxanecpi nagui, cha'ayi mashi huo'o da qadamaiqui. Gade chapit laNuevo Testamento Toba Sombrero Negro24 “Qalaĝaja, ¡degueja qomle da'me lachoĝode'j gaa'me neuoyaĝadi, qa'a joote yauata da'me lamai'j jo'ne yem qomle! Gade chapit laLa'aqtaqa Ñim Lo'onatac 'Enauacna 201324 Nache So Jesús ỹamataigui so laỹepi shiỹaxauapi, nache 'enapeco': «¡Ỹataqta qauem da qa'aita'ague qami', maye qami' sallaxanecpi, cha'aye nagui qoviitaigui da qavi'imaqaitac qataq qaica ca da! Gade chapit la |
Lucas 6:24
20 Referans Kwoze
Qaq ÿoqo'oyi da ivita da qautauañi cam huo'o da lhuenaxanaxa, qalaq sa ishit da ÿaÿajna'a't qanqashiñi 'enauac na shiÿaxauapi da qoñiita'am da 'eetec nam saq ÿataxalec da lataxac da nachaxaata da huetaigui ana laponaxaquipi na judiopi qataq na nqa'aicpi. Qaq 'eetec de'eda namayipi, cha'ayi chochi nshitaique da no'on da n'aqtaguec. Qalaxayi aÿim shinapec, da de'eda i'ot, damayi naigui da sogote da huo'o da nshiitenaguec.
Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.
Qaq da ivita da qanatamñi, qalaq sa ishit qome da qoñiita'am nam chochi nachaxanaxaicpi da natamen mayi nqopita da nachatchiguiñi da huaigui anam laponaxaquipi na judiopi huo'otaq acam lamaxa ca nqa'aic da 'enauac na shiÿaxauapi ÿataqta ilochigui. Qaq aÿim qami' shinapegalo da namayipi sogote huo'o da nshiitenaguec.
Piblisite