Lucas 6:21 - Nuevo Testamento Toba Sur

²¹ Nataq'en ÿataqta qauamaichiguiñi qami' mayi qoviitaigui nagui da qauqouachi, cha'ayi ÿataqta huo'o qome da qadcomadaqai. Nataq'en ÿataqta qauamaichiguiñi qami' mayi qanoÿiñiitac nagui, cha'ayi ÿataqta huo'o qome da qadaÿalliguiyiqui.

Nuevo Testamento Toba Sombrero Negro

²¹ “Ami made'tapolqa, ami jo'ne adoqouachi nayi, qa'a ami chayaĝayaqa qomle. “Ami made'tapolqa, ami jo'ne 'uo da'me ademalaqataĝanaĝaqui nayi, qa'a male ami najaqachiguilo ga'me adamaiqui qomle.

La'aqtaqa Ñim Lo'onatac 'Enauacna 2013

²¹ Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Lucas 6:21 Referans Kwoze

Juan 6:35

Nachi so Jesús 'enapeco': –Nachaÿim mayi aÿim pan mayi chigaqaigui da nca'alaxa. Ca aÿim nau'a, nachi sa nauane' qome na lqouaxa; qataq ca aÿim i'amaqten, nachi sa nauane' qome na laquip.

Mateo 5:6

Qataq ÿataqta machiguiñi qome nam 'eeta'am da huo'o na lqouaxa qataq na laquip da nshitaique da i'ot cam 'eetapeguec ñi Dios, cha'ayi ñimayi itauanec qome namayipi, da yaqto' ishit da i'ot.

Santiago 1:12

Ÿataqta machiguiñi ca shiÿaxaua qom huelec da lhualaxavic da n'añaxateguet ca ñi'iguenataguec. Cha'ayi qom mashi inoxonaqchitteec de'eda ñi'iguenataguec, nachi ÿaconguet da nca'alaxa, 'ico' nshiitenaqte qanqoÿin. De'eda nca'alaxa nachida da Dios ÿachaxanapeguem ca shiÿaxaua mayi ÿauotec ñimayi.

Lucas 1:53

Qataq nam deuenaxaatac, qalaq ÿanem da qaica ca iuen naq'en, qaq nam sallaxanecpi, qalaq ÿataqta qui'itchiguilo naq'en naua lhua'q da ÿamaqhuec.

Mateo 5:4

Qataq ÿataqta machiguiñi qome nam huo'o da laquicoxo, cha'ayi ñi Dios ÿanem ca lamaiquiaxac.

Apocalipsis 7:16

Huaña, nachi sa ishit da nque'etaxangui na lqouaxa qataq na laquip. Qataq sa ishit da ÿavigaxat añi nala', qataq da nque'etaxangui na napaxaÿaxa.

Lucas 6:25

Nataq'en choxodaxasodo' qami' mayi sa ishit da qauqouachi nagui, cha'ayi huo'o qome na qadqouaqai. Qataq choxodaxasodo' qami' mayi qauaÿalliguiyiitac nagui, cha'ayi ÿataqta qanoÿiñiitapeguem qome da qadaquicoqoi.

1 Corintios 4:11

Nagui ñaq 'eetalec da huo'o ca qanque'etaxanaxac na qadqouaxa, qataq na qadaquip, qataq qaica ca ñapoxoña. Na shiÿaxauapi qomi' iuaxaatalguete, qataq qaica ca ÿoqta qadma'.

Juan 4:10

Nachi so Jesús 'enapeco': –Nashíctaxa da 'am 'auauatton cam ÿan ñi Dios, qataq nam 'am iÿaxaatacot ca laquip, nachi yi'oqtáctaxa da 'am ishit da aÿim 'auÿaxanot, nachi aÿímctaxa 'am sanem ca 'etaxat mayi npaxaatashiguem.

Apocalipsis 21:3

Nachi sa'axaÿa so n'aqtac ÿataqta alam, chimqot na piguem, 'eeta': –Ña 'aula'a, ñi Dios netangui nagui na shiÿaxauapi, ÿataqta lauodeuapi. Namayipi ÿataqta lauo' l'ecpi. Ñimayi ÿalecta'aguet na shiÿaxauapi, qaq nachiñi ñi lta'a Dios namayipi.

2 Corintios 12:10

Qaq ÿoqo'oyi samachiguiñi da huo'otaq qaica ca i'añaxac, huo'otaq da aÿim qaishiueetac, huo'otaq da huo'o da iuenaxanaxa, huo'otaq da aÿim qaicaatac, huo'otaq da souaigui ca lqalaic, sasoilec so Cristo. Cha'ayi da huo'otaq ÿapacteec da qaica ca i'añaxac, qalaq ÿacteec da aÿim 'añaxaic.

2 Corintios 11:27

Qataq ñique'etaxangui da i'onataxanaxac qataq da ñaqalaatapigui'. Qalota da sa ishit da so'ochi, qataq ñique'etaxangui na ÿoqouaxa qataq na ÿaquip, qataq qalota da ñoqouaqchijla't. Qataq ñauane' da ñique'etaxangui na latomaxa, qataq da qaica ca ñapogoña.

2 Corintios 6:10

Qaq nai'ctaxa da saquicoqta, qalaxayi nachi 'eetai' da samaqchiguiñi. Qataq qomi' choxoda'q, qalaxayi qalota na sesallaqchitaq. Nai'ctaxa da qaica ca yi da shinaqta, qalaxayi qaica 'enauac ca seuenaqtac.

Juan 11:35

Nachi so Jesús noÿiitac.

Lucas 6:20

Nachi so Jesús ÿamataigui so lapaxaguenatacpi, nachi 'enapeco': –Ÿataqta qauamaichiguiñi qami' mayi qami' choxoda'q, cha'ayi qadalamaxachi da l'onataxanaxac ñi Dios.

Lucas 6:22

Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.