Lucas 5:24 - Nuevo Testamento Toba Sur

²⁴ Qalaxayi moxochaqa, nagui qami' nachaxanalo ne'ena shiÿaxaua llalec da namayi ÿataqta huo'o naq 'enec ana 'alhua da ishit da ÿapalaxat na nasouaxashitpi. Huaña, nachi 'enapega som ÿale mayi sa da'añiigue, 'eeta': –Nagui 'am shinapega, qoñishiguem, 'aunana't na 'admala'. Ime, qaq qojec, 'anqo'ona ca 'adma'.

Nuevo Testamento Toba Sombrero Negro

²⁴ Qalaĝaja ami jaloĝonalo nayi queda'me jayem jo'ne mach'e jayem Jiyaĝaua Lec'oĝot, 'uo da'me yañoqotaĝanaĝac qaedi japalaĝa't jogaa'me loeco ga'me jiyaĝadipi. Chane'eja eetojo' da'me dajoyalegue ga'me leuaĝaic, enaac: —Am jenapega: oñijeguem, auacona na'me adela' qama'le oc, auec'ata ga'me at'achaqa'.

La'aqtaqa Ñim Lo'onatac 'Enauacna 2013

²⁴ Qalaxaye nagui qami' sachaxanalo da Aỹem, maye Aỹem Shiỹaxaua Llalec huo'o da ỹa'añaxac ana'ana 'alhua da sapalaxat na nasouaxashetpi.» Huaña, nache 'enapega som ỹale maye sa da'añiigue, 'eeta': «Qoñisheguem, 'auacona na 'armala'. Ime, qaq qojec, 'anqo'ona ca 'arma'.»

Lucas 5:24 Referans Kwoze

Apocalipsis 1:13

Qaq na laiñi se'esoua siete ncoÿadaxanaxaqui' sela'a so 'oonolec 'eeta'am na shiÿaxaua llalec. Qaq soua alogo ÿataqta ivildañi, qataq so lasot alaxa naguelec ana ltogue, somayi chigaqaigui na oro.

Hechos 14:10

Nachi ÿataqta ncosaxadeelec da 'enapega, 'eeta': –'Anachajñi qome, 'auapiaxaayiñi naua 'adchil. Nachi se'eso shiÿaxaua npadenaxaashiguem da nachajñi, nachi iqueuoÿapigui'.

Hechos 9:40

Qaq co'ollaq ime, nachi so Pedro ipa'axaneec 'enauac somayipi, nachi i'alyiñi naua l-llicte da nqouagaxauen. Qaq co'ollaq ime, nachi ÿamatalec asom leuaxai, nachi 'enapega, 'eeta': –Tabitá, qoñishiguem. Nachi asomayi ÿauachiguilo naua l'ai'te. Qaq co'ollaq ila'a so Pedro, nachi ñishiguem, nachi nso'ooñi.

Hechos 9:34

Nachi so Pedro 'enapego' somayi, 'eeta': –Eneas, 'am nataden so Jesucristo, qoñishiguem qome, nachi 'aunana't na 'adacanec. Nachi so Eneas ñishiguem.

Hechos 5:31

Qalaxayi ñi Dios ÿaueegue somayi da piguem, nachi ÿana'ague naq'en da aloic, qataq ÿanagui da nta'a qataq nca'alaxaqui. Cha'ayi ñimayi nshitaique da na Israel llalaqpi da ñaq ca'aisalo naua n'onataxaco, nachi qaÿapalaxat na lasouaxashitpi.

Juan 17:2

Cha'ayi 'am 'ai'anem co'ollaxa da l'añaxac na 'ai'alec, da yaqto' ilo'ogue 'enauac na shiÿaxauapi, qataq da yaqto' ÿanem da lca'alaxa mayi chochaq tateec 'enauac nam 'ai'anempi namayi.

Juan 11:43

Qaq co'ollaq ime da nasaxauec de'eda, nachi deÿaxan, 'eeta': –¡Lázaro, 'anpa'auec!

Juan 5:27

Qataq ÿanem da l'añaxac, da yaqto' ÿauo'o ca nhuaxanaguec ca shiÿaxaua, cha'ayi nachina nam shiÿaxaua llalec.

Juan 3:13

Cha'ayi sa ishit da huo'o ca taigue da piguem, chaqcata cam chigaqa'ague da piguem, mayi nachina nam shiÿaxaua llalec, mayi nachi 'eetai' da neta'ague da piguem.

Lucas 8:54

Nachi so Jesús ÿacona na lhuaq, nachi 'enapega asomayi, ÿataqta n'axannec da l'aqtac, 'eeta': –'Am nogotole, 'am shinapega qoñishiguem.

Lucas 7:14

Nachi so Jesús nquigueu'a somayi, nachi ipoteu'a aso laÿi', nachi som ÿachita'pe som leuaxaic, nachi vi'iigueta. Nachi so Jesús 'enapega so leuaxaic, 'eeta': –'Am nsoqolec, 'am shinapega: ¡Qoñishiguem!

Lucas 5:13

Nachi so Jesús ipoteu'a somayi, nachi 'enapega, 'eeta': –Aja', seshit. Nagui 'am qui'itta. Qaq co'ollaq nasaxauec de'eda l'aqtac, nachi so nalolaxa ca'ai na l'oc som sa no'on.

Mateo 28:18

Nachi so Jesús nquiga somayipi, nachi 'enapega, 'eeta': –Aÿim mashi aÿim qaipataxalec da samaqpec 'enauac na hueto'ot na piguem qataq na huetalec ana 'alhua.

Mateo 26:64

Nachi so Jesús 'enapeco': –Aja', nachaÿim, nachida dam qonapec. Nataq'en qami' shinapegalo da qami' qauloÿa'a qome na shiÿaxaua llalec da nso'oota'ague na aloic ñim Dios mayi qaica ca ÿaqalanapec, qataq qom anactaigui ca l'oc da ñi'iguelaq.

Mateo 25:31

Qaq qom ivita da ñi'iguelaq na shiÿaxaua llalec da nta'a, nactaigui 'enauac na lamaxashic piguem l'ecpi, nachi nso'oongui aca nso'onaxaqui mayi ÿi'oxodaq da nta'a.

Mateo 16:13

Qaq so Jesús co'ollaq ivita yi 'alhua Cesarea mayi ilotague' so Filipo, nachi inatta'pe soua lapaxaguenataqa, 'eeta': –Na shiÿaxauapi nagui ¿chaq négue't ca ipettega na shiÿaxaua llalec?

Mateo 9:6

Qalaxayi nachi 'en'am na shiÿaxaua llalec qami' nachaxanalo da ÿataqta huo'o naq 'enec da ishit da ÿapalaxat na nasouaxashitpi ana 'alhua. Ime, nachi 'enapega so sa da'añiigue, 'eeta': –Qoñishiguem qome, 'aunana't na 'admala'. Ime, qaq 'anqo'ona ca 'adma'.

Mateo 4:24

Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Lucas 5:18

Huaña, nachi nvildeuo soua shiÿaxa'u npeetragui so lmala' so lÿa't mayi sa da'añiigue, nachi qaÿauotaique da qaipa'axaneuo so noÿic da qaidou'a so Jesús.

Lucas 5:23

¿Chaq negue't ca ÿoqta saq alaq da qoÿinapec, peta'a da qoÿiita': “Na 'adasouaxashitpi 'enauac qaÿapalaxat,” huo'otaq da qoÿiita': “Qoñishiguem, ime, qaq 'auqueuoÿapigui'?”