Lucas 5:20 - Nuevo Testamento Toba Sur

²⁰ Nachi so Jesús co'ollaq ila'a da lpi'iÿaxa'c soomayi, nachi 'enapega so sa no'on, 'eeta': –'Am ÿaqaÿa, na 'adasouaxashitpi nagui 'enauac qaÿapalaxat.

Nuevo Testamento Toba Sombrero Negro

²⁰ Ca'li Jesús yauana da'me 'uo da'me lepe'e' jogaa'me, qama'le dojapegue' ñe'me leuaĝaic, enaac: —Am yaqaya, ¡jodaa'me adoeco joote qoyapalaĝa't!

La'aqtaqa Ñim Lo'onatac 'Enauacna 2013

²⁰ Nache So Jesús co'ollaq ila'a da lta'araic lpi'iỹaxa'c soomaye, nache 'enapega so sa no'on, 'eeta': «¡'Am ñauochaxaua, nagui sapalaxat na 'arasouaxashetpi!»

Lucas 5:20 Referans Kwoze

Hechos 14:9

Qaq se'eso shiÿaxaua co'ollaq n'axaÿaxaatega da l'aqtaxanaxac so Pablo. Nachi so Pablo co'ollaq ÿamato'ot somayi, nachi ila'a da ÿataqta huo'o da lpi'iÿaxac da qanataden.

Mateo 9:2

Qaq huaña yimayi, co'ollaq qaidou'a so shiÿaxaua mayi sa da'añiigue, qaÿachitalec so lmala'. Qaq so Jesús co'ollaq ila'a da lpi'iÿaxa'c soomayi, nachi 'enapega som sa no'on, 'eeta': –Ÿataqta 'an'añaxat qome, 'am ÿalec. Na 'adasouaxashitpi mashi 'enauac da qaÿapalaxat.

Lucas 7:48

Ime, nachi 'enapega aso 'alo, 'eeta': –Na 'adasouaxashitpi nagui 'enauac mashi qaÿapalaxat.

Colosenses 3:13

Ñi 'oonolec da qoñiita ÿataqta nhualaxaune' ca lÿa qataq ichoxoden da huo'otaq huo'o ca ÿasouaxat. Da 'eetec so Cristo da qami' ichoxode'n, qaq nachida qau'ochi.

Juan 2:25

Qaq sa ishit da iuen da huo'otaq huo'o ca da'aqtaxanem somayi da lataxac na shiÿaxauapi, cha'ayi somayi maichi ÿaÿateetac na lhuennataxacpi na shiÿaxauapi.

Marcos 2:5

Nachi so Jesús co'ollaq ila'a da lpi'iÿaxa'c soomayi, nachi 'enapego' so sa no'on, 'eeta': –'Am ÿalcolec, nam 'adasouaxashitpi nagui 'enauac qaÿapalaxat.

Santiago 2:18

Qaq da huo'o ca 'enapec da l'aqtac: “'Am huo'o da 'adpi'iÿaxac; aÿim, qalaxayi, huo'o da ÿaÿamaqchiguiñi i'onataxanaxac.” Qalaxayi aÿim shinapec: “Ñaq aÿim 'auachaxanem da 'adpi'iÿaxac 'andoxotteec, sa 'aualecneuo ca ÿaÿamaqchiguiñi 'ad'onataxanaxac. Ime, qaq aÿim 'am sachaxana da ÿaÿamaqchiguiñi l'onataxanaxac da ipi'iÿaxac.”

2 Corintios 2:10

Qaq ÿoqo'oyi nagui cam qami' mashi qauchoxoyiñi souaxat da huo'o ca ÿasouaxat, qaq nataq'en aÿim sechoxoden camayi. Cha'ayi cam aÿim sechoxoden, da huo'otaq huo'o ca ÿasouaxat, qalaq camayi sechoxoden souaxat da qoñiita. Qaq damayi ÿauaachigui ñaq'en so Cristo,

Hechos 11:23

Qaq co'ollaq iviyi' so Bernabé, nachi ilalec da lqouagaxanaqtaic ñi Dios. Nachi somayi ÿataqta machiguiñi. Huaña, nachi ÿataqta huaqattega 'enauac somayipi da yaqto' da lquiyaqteÿaxac sa dashiuec, chaqdata da ÿataqta quetegue so qadataxala'.

Juan 5:14

Qaq so Jesús co'ollaq ilalec somayi huaigui aso n'onaxanaxaqui, nachi 'enapego', 'eeta': –Nagui mashi 'am no'oita, qalaxayi sa ishit qome da qaltaq huo'o 'anqa'en ca 'adasouaxashit, ten qom qaltaq ÿapagueec ca 'adalolaxa.

Mateo 9:5

Cha'ayi ¿chaq négue't ca ÿoqta saq alaq da qoÿinapec? ¿Peta'a da qoÿiita': “Na 'adasouaxashitpi mashi qaÿapalaxat,” huo'otaq da qoÿiita': “Qoñishiguem, ime, qaq 'auqueuoÿapigui'?”