Lucas 5:17 - Nuevo Testamento Toba Sur

¹⁷ Qaq huo'o so na'a'q so Jesús dapaxaguenataxaatac, nachi huo'o na ÿalectauo, nso'ootañi, nam ÿalectaigui na fariseopi qataq nam dapaxaguenataxaatapeguec na nqataxacpi mayi anac, chigaqa'alo naua 'ale'u yim Galilea qataq yi Judea qataq Jerusalén. Nachi da l'añaxac ñi Dios yi'oq da hueta'aguet somayi co'ollaq natadeetac na sa no'onpi.

Nuevo Testamento Toba Sombrero Negro

¹⁷ 'Uo jo'me nolo' da'me Jesús dapaĝaguenataĝatac qama'le uo'oe gaa'me fariseopi choqogaa'me paĝaguenataĝanaĝayaqa daa'me Dios lamaĝajoĝonaĝaco jo'ne yovidedauo, ñichidiñe, jo'ne chiyoqoda'aguelo gaa'me noyaqolqa di'me Galilea, nataq'aen Judea choqodi'me Jerusalén. Qama'le da'me 'lañaĝac joñe'me Jaliaĝanec ue'tajop ñe'me Jesús qaedi e'n yemedegue ga'me leuaĝaiquipi.

La'aqtaqa Ñim Lo'onatac 'Enauacna 2013

¹⁷ Qaq huo'o so na'a'q So Jesús dapaxaguenataxaatac hueta'a so nỹec. Qaq huo'o na ỹalectauo nso'ootañi nam ỹalectaigui na fariseopi qataq nam dapaxaguenataxaatapeguec na namaxasoxonaxacpi. Somayepi chegaqa'alo naua 'aleu' yem 'alhua ye Galilea, qataq ye 'alhua Judea qataq ye nỹecpi ye Jerusalén, da yaqto' na'axaỹaxana So Jesús. –Qaq souaxat da So Jesús hueto'ot da la'añaxac Ñim Lo'onatac 'Enauacna da yaqto' nataren na sa no'onpi,

Lucas 5:17 Referans Kwoze

Lucas 6:19

Nachi 'enauac na shiÿaxauapi ÿauotaique da ipoteu'a so Jesús souaxat somayi da natadeetac 'enauac na shiÿaxauapi, qalaq idolec da l'añaxac.

Lucas 8:46

Qalaxayi so Jesús 'enapeco': –'A'i, huo'o ca aÿim ipoteu'a, cha'ayi aÿim ñanomteguet da huo'o ca ñataden da sedolec da i'añaxac.

Hechos 19:11

Nachi ñi Dios i'ot nam lta'adaicpi mayi sa qaÿauanapigui da chigoqchigui naq'en so Pablo,

Mateo 11:5

Qau'axachiim camayi da na qaicaua naua l'ai'te, qalaq nlouec, qataq nam ñi'iidauo naua lchil, qalaq queuoÿapigui', qataq nam nchiga na l'oc, qalaq qaiÿouec da lalolaxa, qataq nam sa hua'aqa, qalaq ishit da hua'aqa, qataq na mashi ileu, qalaq nca'aleec qanqoÿin, qataq nam choxodaqpi, qalaq qai'axatem da n'aqtac mayi chigaqaigui da nca'alaxa.

Hechos 4:30

Qataq qomi' 'ai'anema cam 'ad'añaxac, da yaqto' qomi' ñatadenaq na sa no'onpi, qataq da so'otaq na n'anecpi qataq na sa qaÿauanapigui, da so'onataxanaxa da l'enaxat som qui'itta 'ai'alec Jesús.

Marcos 7:1

Nachi nqochineu'a so Jesús na fariseopi, qataq huo'o na dapaxaguenataxaatapeguec na nqataxacpi mayi chigaqa'a yi Jerusalén.

Marcos 5:30

Nachi so Jesús nomteueegue da l'añaxac da huo'o ca nataden, nachi somayi nqoilec da ÿamataigui so shiÿaxauapi. Nachi denataxan, 'eeta': –¿Négue't ca ipoteu'a na ipo'?

Mateo 15:1

Nachi huo'o na nquigueu'a so Jesús nam fariseopi qataq nam dapaxaguenataxaatapeguec na lqataxacpi so Moisés mayi chigoqta'ague da Jerusalén. Nachi qainattac somayi, qoÿiita':

Juan 3:21

Qalaxayi nam nateeteguet da lataxac de'eda 'eesa lataxac, nachi namayipi nqo'oneu'a de'eda yi'oqchiguiñi, yaqto' ishit da qaila'a da 'enauac nam i'ottacpi ÿataqta chigoqto'ot ñi Dios.

Lucas 2:46

Qaq co'ollaq mashi inoxoodeec soua tres na'axa'te, nachi qaÿanata somayi, huetaigui aso n'onaxanaxaqui late'edai, nso'ootañi, datataigui som dapaxaguenataxaatapeguec na nqataxacpi, n'axaÿaxaatega qataq huo'o na nnataxanaxacpi.

Lucas 15:2

Nachi nam ÿalectaigui na fariseopi qataq nam dapaxaguenataxaatapeguec na nqataxacpi nachi quetapeguelec somayi, 'eeta': –De'eda shiÿaxaua qachi ÿaconguet na 'itaxaloxoicpi qataq lqui'axaua namayipi.

Lucas 7:30

Qalaxayi nam ÿalectaigui na fariseopi, qataq nam dapaxaguenataxaatapeguec na nqataxacpi mayi sa ishit da lachilaxanatac so Juan, namayipi n'otane' dam Dios ÿauotaique da i'otec namayipi.

Lucas 5:30

Qalaxayi nam fariseopi qataq na laÿipi mayi dapaxaguenataxaatapeguec na nqataxacpi nachi quetapeguelguete soua nale't so Jesús. Nachi 'eetegalo, 'eeta': –¿Tá'ainco' qami' yi qadqui'axauai nam 'itaxaloxoicpi qataq nam ÿacootapeeguet ana nshiitenaqte ca nta'a?

Lucas 5:21

Nachi nam dapaxaguenataxaatapeguec na nqataxacpi qataq nam ÿalectaigui na fariseopi nachi deuennataxaatac, 'eeta': “¿Négue't dam da' shiÿaxaua? Yi ÿi'inai' ñim Dios nam l'aqtaqa. Yi qaica ca ishit da ÿapalaxat na nasouaxashitpi, nachaqñita ñi Dios mayi ishit.”

Marcos 16:18

qataq da qaÿacongui ca n'adaxanaq, qataq da huo'otaq qanÿomgui ca deshinataxan, qalaq sa ishit da huo'o ca 'enec; qataq da qaÿashil-lec na sa no'onpi, nachi no'oita.

Marcos 3:22

Nataq'en huo'o na anac na dapaxaguenataxaatapeguec na nqataxacpi mayi chigaqa'a yi Jerusalén. Nachi namayipi 'eeta': –De'eda shiÿaxaua, da mayi netaigui ñi Beelzebú ñim lataxala' nam n'ecpi leguemaxaic, qaq nachiñi ñim do'otaxaatega da l'añaxac da i'odauec ne'ena n'ecpi.

Marcos 1:45

Qalaxayi se'eso shiÿaxaua co'ollaq jec, nachi quetot da da'aqtaxanem 'enauac na shiÿaxauapi dam huaigui co'ollaxa. Qaq ÿoqo'oyi so Jesús nachi sa ishit da nachaxaneu'a na pueblopi. Chaqdata da huetaugalo naua tojleguete 'ale'u. Qalaxayi nachi 'en'am chigoqteguelo na anac da anaÿa somayi.

Juan 3:10

Nachi so Jesús 'enapeco': –'Am mayi 'auapaxagueetac na llalaqpi so Israel, qalaq ¿tá'ainco' yi sa 'auaÿaten de'eda?

Hechos 5:34

Qalaxayi se'eso nta'alpi nachi ÿalectaigui som chigaqaigui na fariseopi, l'enaxat Gamaliel. Somayi nachi dapaxaguenataxaatapeguec na nqataxacpi, ÿoqo'oyi ÿataqta huo'o naq 'enec qanqoÿin. Nachi somayi nachajñi, nachi damaxasoxoolec da cada'ac da qanqatreec soua namaxa'shi.