Lucas 4:8 - Nuevo Testamento Toba Sur

⁸ Qalaxayi so Jesús 'enapeco': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita ñimayi 'au'onataxanot.”

Nuevo Testamento Toba Sombrero Negro

⁸ Qalaĝaja Jesús 'yateguet: —Da'me Dios 'laqatac enaac: «A'nonaĝachigui ñe'me Jaliaĝanec jo'ne Anedios, nataq'aen nach'eñeta a'uonataĝaneuo'o joñe'me.»

La'aqtaqa Ñim Lo'onatac 'Enauacna 2013

⁸ Qalaxaye So Jesús 'enapeco': Ana nere maye huetalec na la'aqtacpi Ñim Lo'onatac 'Enauacna, 'eeta': «'Avio'oxoren Ñim Nataxala' maye Lo'onatac 'Enauacna, qataq nachaqñita Ñimaye 'aualaxaguet.»

Lucas 4:8 Referans Kwoze

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Apocalipsis 19:10

Nachi aÿim sa'adoto naua illicte, da yaqto' shi'oxoden som namaxashic. Qalaxayi somayi aÿim 'enapega, 'eeta': –Sa ishit da nachi qonetec de'eda. Cha'ayi aÿim chochi aÿim lamaxashic ñi Dios. Nachi 'am shiita'am, qataq 'enauac nam 'adqaÿañicpi mayi ÿataqta quetelguete nam l'aqtaxanaxaco mayi 'eesoda so Jesús. Qaq ñim Dios mayi 'avi'oxoden. Cha'ayi de'eda l'aqtaxanaxac so Jesús, damayi nachida da i'añaqchit nam i'axatta'pe naua l'aqtaqa ñi Dios.

Apocalipsis 22:9

Qalaxayi somayi aÿim 'enapega, 'eeta': –Sa ishit da nachi qonetec de'eda, cha'ayi chochi aÿim lamaxashic ñi Dios. Shiita'am 'am qataq nam 'adqaÿañicpi mayi l'aqtaxanaxanecpi ñi Dios, qataq 'enauac nam ÿataqta ÿalaxalguete naua nanettalguete ana'ana nede. Qaq nachiñita ñi Dios 'anatamnot.

Santiago 4:7

Qaq ÿoqo'oyi ÿataqta qanañañiÿot da qauatailec ñi Dios. Qataq qanachaachiÿa'aguet so shiÿaxaua lma'na. Qaq somayi dataueguesopa qami'.

Lucas 4:4

Nachi so Jesús 'enapeco': –Yi l'aqtac ñi Dios mayi nanettañi 'eeta': “Sa ishit da nachaqacata aca pan da i'añaqchit ca shiÿaxaua, mayi nataq'en 'enauac na l'aqtacpi ñi Dios.”

1 Pedro 5:9

Qalaxayi ÿataqta qanachaachiÿa'aguet, qataq sa ishit da qai'axañiiuec da qadpi'iÿaxaqui, cha'ayi qami' qauaÿajñiitac da 'enauac na qad'amqajnataxanaxauaipi mayi neta'alo naua lÿa't 'ale'u nachi nque'etaxanaxac de'eda.

Mateo 16:23

Qalaxayi so Jesús nachi nchimaxañi, nachi 'enapega so Pedro, 'eeta': –¡'Am Satanás, aÿim qoca'ai! Cha'ayi 'am ÿataqta aÿim sa 'aualemaxat. 'Am sa ishit da qoneta'am da lhuennataxac ñi Dios, chaqnata nam shiÿaxauapi mayi qoneta'am.

Lucas 4:7

Qaq qom 'am ishit da aÿim 'au'adoto naua 'adllicte da aÿim 'anatamnot, qaq 'adalamaxat qome 'enauac namayi.