Lucas 4:42 - Nuevo Testamento Toba Sur

⁴² Qaq co'ollaq mashi yaqta'a da yi'oxoñi, nachi so Jesús tauga ca pa'auec so la ciudad da nqo'oneuga som tojlec 'alhua. Qalaxayi na shiÿaxauapi nmittaique, nachi qaivittauga ca hueta'a somayi. Nachi qaÿauotaique da qanllañi, da yaqto' sa ishit da jec.

Nuevo Testamento Toba Sombrero Negro

⁴² Mane'e ca'li nete', Jesús yenoĝonegue ca'e ga'me noic, yec'ata ga'me aleua jo'ne totapega't. Qalaĝaja gaa'me jiyaĝadipi yelotedaque, qama'le yauata ga'me ue'ta joñe'me; jetaque qonauaneguet qaedi ja ca'ae jogaa'me.

La'aqtaqa Ñim Lo'onatac 'Enauacna 2013

⁴² Qaq co'ollaq mashe yaqta'a da yo'oxoñi, nache So Jesús tauga ca pa'auec so nỹecpi da nqo'oneuga som toolec 'alhua. Qalaxaye na shiỹaxauapi nmittaique, choche ivittauga ca hueta'a Somaye. Nache qaỹauotaique da qanllañi, da yaqto' saishet da jec.

Lucas 4:42 Referans Kwoze

Lucas 6:12

Qaq huo'o so na'a'q nachi so Jesús tashiguemec aso saqaÿoqotchiguemec 'alhua da natamen, nachi imatteec se'eso pe da natameetacot ñi Dios.

Juan 4:34

Qalaxayi so Jesús 'enapeco': –Dam anoq, nachida da 'eetapeguec ñi ita'a mayi aÿim namaq, da yaqto' semat da l'onataxanaxac.

Juan 6:24

Nachi se'eso shiÿaxauapi, co'ollaq ila'a da sa ishit da hueta'a yi'iyi so Jesús qataq soua lapaxaguenataqa, nachi somayipi huenojñiguilo se'esoua barcos da qanqo'oota yi Capernaum da qanmitaique somayi.

Juan 4:40

Nachi som lma' yi Samaria mayi nauga so Jesús, somayipi nachoxodeetacot somayi da ñaq hua'aguet somayipi. Nachi so Jesús ivi' naua dos na'axa'te da hueta'aguet somayipi.

Lucas 24:29

Qalaxayi ÿataqta qaipactega somayi da n'onañi. Nachi qoÿiitega, qoÿiita': –Ña qomi' 'an'onaisopactaxa. Ten, yi mashi avit, qataq yaqta'a da pe. Nachi so Jesús ca'ateu'oguelo soomayi da n'onaisopa.

Marcos 1:45

Qalaxayi se'eso shiÿaxaua co'ollaq jec, nachi quetot da da'aqtaxanem 'enauac na shiÿaxauapi dam huaigui co'ollaxa. Qaq ÿoqo'oyi so Jesús nachi sa ishit da nachaxaneu'a na pueblopi. Chaqdata da huetaugalo naua tojleguete 'ale'u. Qalaxayi nachi 'en'am chigoqteguelo na anac da anaÿa somayi.