Lucas 4:32 - Nuevo Testamento Toba Sur

³² Nachi ÿataqta huo'o da n'aalaxa da 'eetec da lapaxaguenataxanaxac somayi, cha'ayi da detaqa, qalaq ÿataqta huo'o naq 'enec naua l'aqtaqa.

Nuevo Testamento Toba Sombrero Negro

³² Jogaa'me jalcote da'me yoqochetem da'me eeta da'me lapaĝaguenataĝanaĝac, qa'a 'uo da'me lañoqotaĝanaĝac da'me dapaĝaguenataĝan.

La'aqtaqa Ñim Lo'onatac 'Enauacna 2013

³² Nache na shiỹaxauapi ỹataqta huo'o da la'aalaxa da lapaxaguenataxanaxac Somaye, cha'aye da detaqa, qalaq ỹataqta huo'o da 'ene'c naua la'aqtaqa.

Lucas 4:32 Referans Kwoze

Lucas 4:36

Nachi 'enauac so shiÿaxauapi ÿataqta huo'o da lcolanaxa, nachi detaqtega't, 'eeta': –¿Négue't dam da' n'aqtac? ¡Yi dam da' shiÿaxaua ÿataqta huo'o naq 'enec, qataq huo'o da l'añaxac da l'aqtac da ÿamaq so n'ec leguemaxaic, nachi somayi jec!

Juan 6:63

Som Espíritu, nachiso so chigoqo'ot da nca'alaxa; qaq dam yi'oqchigui n'oquiaxac, damayi sa ishit da huo'o ca chigaqaigui. Qaq dam shinapec, damayi ÿataqta 'eesa, qataq chigoqo'ot so Espíritu, qataq damayi chigaqaigui da nca'alaxa.

Tito 2:15

Qaq 'eda qome da 'auapaxaguenataxanec. Ÿataqta 'au'añaqtaxan, qataq 'anloqteneec ca shiÿaxaua. Ÿataqta sa 'aldetalec da 'au'axat de'eda, yaqto' sa ishit da 'am qanamattaña.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

Marcos 1:22

Nachi na shiÿaxauapi ÿataqta i'aalac na l'aqtacpi, cha'ayi somayi naua lapaxaguenataxanaxaco 'eeta'am cam damaxasoxonapec, qaq sa ishit da 'eeta'am nam dapaxaguenataxaatapeguec na nqataxacpi.

Lucas 2:47

Nachi 'enauac nam n'axaÿaxaatega somayi ÿataqta huo'o da l'aalaxa souaxat da ÿataqta ÿaÿaten da i'axategue nam qainataxaatapeguecpi.

Lucas 4:33

Nachi aso laponaxaqui nam judiopi ÿalectauo so shiÿaxaua mayi huo'o so l'ec leguemaxaic. Nachi somayi i'alaq, 'eeta':

Juan 7:46

Nachi so huataxanaqpi 'enapeco': –¡Ÿataqta sa ÿauango' da huo'o ca 'eeta'am da ltaxaÿaxac de'eda shiÿaxaua!