Lucas 4:2 - Nuevo Testamento Toba Sur

² Huaña yimayi, nachi hueta'a cuarenta na'axa'te, nachi anac so shiÿaxaua lma'na da ÿi'iguen. Qaq ÿataqta qaica ca chic somayi se'esoua na'axa'te. Qaq co'ollaq ime, nachi nomteguet na lqouaxa.

Nuevo Testamento Toba Sombrero Negro

² Cuarenta gaa'me noloqo'ote da'me ue'ta, qama'le jaajo' noloqo'ote ñe'me payac yepitaqatenac da'me yapiyen. Qaya'te yalic jaajo' noloqo'ote, chane'eja yataqachiñe yoqouat.

La'aqtaqa Ñim Lo'onatac 'Enauacna 2013

² Huaña yemaye, nache hueta'a cuarenta na'axa'te, nache anac so pa'aguenataxanaxaic da ỹe'eguen. Qaq ỹataqta qaica ca chec Somaye se'esoua na'axa'te. Qaq co'ollaq, ime, nache nomteguet na lqouaxa.

Lucas 4:2 Referans Kwoze

Hebreos 4:15

Cha'ayi som qadtaxaÿaxanaxanec, somayi ÿataqta huo'o da lchoxonnataxanaxa da shinaqta souaxat da qaica ca qad'añaxac. Cha'ayi somayi co'ollaxa ÿataqta nque'etaxangui 'enauac na ÿotta'a't ñi'iguenataguec, 'eeta'am da shinaqta. Qalaxayi somayi sa ishit da huo'o ca lasouaxashit.

Hebreos 2:18

Qaq ÿoqo'oyi nagui somayi ishit da itauan cam huo'o da ñi'iguenataguec, cha'ayi somayi nataq'en huo'o co'ollaxa da nque'ejnaxac qataq ñi'iguenataguec.

Juan 4:6

Nachi naña somayi aso ñi'illoxoqui mayi qoÿinac lli'illoxoqui so Jacob. Qaq cha'ayi so Jesús mashi nasamñi, nachi somayi nso'ootalec co'ollaxa na alap asa'aso ñi'illoxoqui. Cha'ayi mashi yaqta'a da na'a'q.

Mateo 21:18

Qaq so nte'etom so lÿa na'a'q co'ollaq ÿi'iguelaxau'a yi la ciudad so Jesús, nachi huo'o na lqouaxa.

Mateo 4:2

Nachi somayi sa ishit da deque'e, chochi ividaxattrauec soua cuarenta na'axa'te qataq soua cuarenta pe'. Qaq co'ollaq inoxoodeec se'esoua na'axa'te, nachi huo'o na lqouaxa.

Lucas 4:3

Nachi so shiÿaxaua lma'na 'enapego' somayi, 'eeta': –Qom ÿataqta 'eesa da 'am llalec ñi Dios, qaq qonapega ne'ena coma' da nañigui aca pan.