Lucas 3:8 - Nuevo Testamento Toba Sur

⁸ Ÿataqta qanachaxañiita qome, yaqto' ishit da qaila'a da ÿoqta 'eesa da mashi qaualachi' naua qan'onataxacolli', qaq sa ishit da tatapigui qadvilli da qoñiita': “Qomi', maichi qomi' llalqa so Abraham,” cha'ayi aÿim qami' shinapegalo da ñi Dios ishit da ÿachigoxotaigui ne'ena coma' ca llalaqpi so Abraham.

Nuevo Testamento Toba Sombrero Negro

⁸ 'Noota qom qoyauana da'me at'oyaĝaqui queda'me yataqata eja da'me a'viyelaqaiyot joñe'me Jaliaĝanec. Nataq'aen ena'te aueñetapela't: «¡Qo'mi qonec'alaĝatedegue qomle qa'a yataqachiñe qo'mi lec'oqo'tepi di'me Abraham!»; qa'a eja da'me ami jenapegalo queda'me chayovida'alo naajo' qadipi Dios yaqanatet ta'le neleguemaĝatalo daa'me Abraham c'oqo'tepi.

La'aqtaqa Ñim Lo'onatac 'Enauacna 2013

⁸ Qauachaxañi ca qarataxaqui maye ỹachaxan da qaỹa'axañiiuec da qauo'ocheetac naua qarasouaxashe'echilli'. Saishet da qaupicheetega da qami' llalqa so Abraham nache qanca'alliiuec. Cha'aye ỹataqta 'eesa de'era qami' sa'axatema da ivira'a ne'ena coma' Ñim Lo'onatac 'Enauacna ishet da nqochenaxata da ỹauo'o llalaqpi so Abraham.

Lucas 3:8 Referans Kwoze

Hechos 26:20

Ÿoqo'oyi aÿim sa'auaxaachiguiñi da sa'axatem da n'aqtac nam netaña yi Damasco. Ime, qataq jec nam netaña yi Jerusalén, qataq 'enauac nam netaña yi 'alhua Judea, qataq nataq'en nam sa ishit da judiopi. Shinapega da yaqto' ca'aisalo naua n'onataxaco, qataq ÿi'iguelaxa ñi Dios, nachi i'ot cam no'on mayi chigaqaigui da dalaxaic lataxac.

Mateo 21:43

Qaq ÿoqo'oyi qami' shinapegalo da de'eda l'onataxanaxac ñi Dios da ilo'ogue 'enauacna, damayi qami' qanqateeguesopa qome. Nachi damayi qoÿami' ca shiÿaxauapi mayi ÿoqta ipacchigui cam alaÿaxac mayi taiguet de'eda l'onataxanaxac.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

Romanos 9:7

Cha'ayi na llalaqpi so Abraham sa ishit da 'enauac namayipi da llalaqpi ñi Dios. Chaqdata da ñi Dios 'eeta': “Chigoqchigui qome ñi Isaac ca 'ai'alaqpi.”

Romanos 4:16

Qaq ÿoqo'oyi de'eda qaÿachaxanapecot so Abraham, damayi chigoqchigui qanqoÿin da npi'iÿaxac, da yaqto' chochi qoÿaatem, qataq yaqto' nachi 'eetai' da hueto'ot 'enauac cam llalaqpi. Qaq damayi 'eeta': De'eda qaÿachaxanapec sa ishit da nachaqnata nam ÿalaxaguet nam nqataxacpi da ÿaconguet, cha'ayi nataq'en 'enauac nam da'amqajnataxan, 'eeta'am so Abraham. Huaña, nachi somayi qoÿanagui da 'enauac qadta'a,

Lucas 19:40

Qalaxayi so Jesús 'enapeco': –Qami' shinapegalo da nañaxaañi ne'enapi, nachi na coma'pi ishit da i'alaq.

Juan 8:33

Nachi somayipi 'enapeco': –Qomi' maichi qomi' llalaqpi so Abraham, qaq ÿataqta sa ÿauango' da huo'o ca qomi' l-lataqa. Qalaq ¿tá'ainco' da 'am qonapec da ishit qome da qomi' huesochiyiñi?

Juan 8:39

Nachi somayipi 'enapeco': –Qomi' qadta'a so Abraham. Nachi so Jesús 'enapega somayipi, 'eeta': –Qami' da ÿoqta 'eesáctaxa da qadta'ai so Abraham, nachi ishíttaxa da qau'ochi nam i'otpi somayi.

Mateo 3:8

Ÿataqta qanachaxañiita qome, yaqto' ishit da qaila'a da 'eesa da qami' qai'axañiideec naua qan'onataxacolli'.

Mateo 3:9

Qaq sa ishit qome da tatapigui qadvilli da qoñiita': “Qomi' maichi qomi' llalaqpi so Abraham.” Cha'ayi qami' shinapegalo da ñi Dios ishit da ivida'a da ÿachigoxotaigui ne'ena coma'pi ca ÿataqta llalaqpi so Abraham.

Lucas 5:21

Nachi nam dapaxaguenataxaatapeguec na nqataxacpi qataq nam ÿalectaigui na fariseopi nachi deuennataxaatac, 'eeta': “¿Négue't dam da' shiÿaxaua? Yi ÿi'inai' ñim Dios nam l'aqtaqa. Yi qaica ca ishit da ÿapalaxat na nasouaxashitpi, nachaqñita ñi Dios mayi ishit.”

Lucas 13:25

Cha'ayi que'eca lma' ca noÿic, da ime da ñishiguem, nachi ÿapogui ca lasom ca lma', nachi qami' mayi qaupa'aitauec nachi qauÿaxañiitapegueu'a que'eca lasom. Qaq qoñiita': “'Am qadataxala', qomi' 'anauategueta.” Qalaxayi camayi ÿasat, 'eeta': “Aque', sa saÿaten ca qauachigoqoita'ague qami'.”

Lucas 13:26

Huaña, nachi qami' qome qoñiita': “Qomi' 'am qadqui'axaua qataq 'am qanÿomaxaua caillayi, qataq 'auapaxaguenataxaatac can huaña yi sonaqtaña qadma'.”

Lucas 14:9

Nachi cam qami' icoyigue'n ishit da anac, nachi 'am 'enapega, 'eeta': “Ña 'ai'anem ana 'anso'onaxaqui de'eda 'adÿa.” Huaña, nachi 'am huo'o da 'ad'aloxo da 'anso'oongui aca pa'ateec so'onaxaqui.

Lucas 19:9

Nachi so Jesús 'enapeco': –Nagui na na'a'q nvita da nca'alaxa ne'ena nma', cha'ayi de'eda shiÿaxaua, damayi maichi llalec so Abraham.