Lucas 3:16 - Nuevo Testamento Toba Sur

¹⁶ Qalaxayi so Juan 'enapega 'enauac so shiÿaxauapi, 'eeta': –Aÿim 'eesa da qami' ñachilaxanguilo nagui na 'etaxat, qalaxayi huo'o na aÿim nca'attalec, namayi qami' nachilaxanguilo qome ca Espíritu Santo qataq ca nodec. Qaq namayi ÿataqta ÿacteec da l'añaxac, qaq sa ishit da shin'am, qataq aÿim sa ishit da yalou'a da ñaqat naua lapela'te lque'te.

Nuevo Testamento Toba Sombrero Negro

¹⁶ Qalaĝaja Juan ena'uaque enapegalo jogaa'me: —Jayem, eja da'me male ami ñachilaĝañilo ga'me noĝop; qalaĝaja 'uo qom'te ñe'me jo'ne jayem napacalegue jo'ne yataqata p'ajaye nataq'aen ja jalo'oguet ta'le jejodegue gaa'me lapela'te leque'te. Nach'eñe ami nachilaĝaneque qom'te joñe'me Dios Lepaqal uotaĝa ga'me dole'.

La'aqtaqa Ñim Lo'onatac 'Enauacna 2013

¹⁶ Qalaxaye so Juan 'enapega 'enauac so shiỹaxauapi, 'eeta': –Aỹem 'eesa da qami' ñachelaxanguilo nagui na 'etaxat, qalaxaye huo'o na aỹem nca'attalec maye ỹataqta ỹactec da la'añaxac napacalec aỹem. Namaye qami' nachelaxanguilo So Saqcha'a Na'añaxac Qui'itta qataq norec. ¡Aỹem ỹataqta sa yaloua'a Namaye na'aictaxa da choche aỹem l-latac!

Lucas 3:16 Referans Kwoze

Hechos 1:5

Cha'ayi 'eesa da so Juan dachilaxanataxangui na 'etaxat, qalaxayi naua lÿa't na'axa'te nataq'en qami' qanachilaxanguilo ca Espíritu Santo.

Mateo 3:11

Qaq 'eesa da aÿim nagui qami' ñachilaxanguilo na 'etaxat, qaq damayi naigui da qami' qai'axañiideec naua qan'onataxacolli'. Qalaxayi nam aÿim nca'attalec, namayi dachilaxanataxana qome ca Espíritu Santo qataq ca nodec. Qaq namayi ÿataqta ÿacteec da l'añaxac, sa ishit da aÿim 'eeta'am. Qataq sa ishit da ñalau'a da chochi sachita'pe caua lapela'te.

Juan 1:33

Qaq aÿim ñaq saxanaxa da sauatton chaq negue'tca que'eca shiÿaxaua. Qalaxayi ñi aÿim namaq da yaqto' sachilaxanataxana na 'etaxat, ñimayi aÿim 'enapega co'ollaxa, 'eeta': “Qom 'am 'auauaachigui so Espíritu Santo da huo'otaq anac, nachi talec ca shiÿaxaua, qaq que'eca shiÿaxaua nachica qome ca dachilaxanataxana so Espíritu Santo.”

Juan 1:26

Nachi so Juan 'enapeco': –Aÿim sachilaxanataxana na 'etaxat. Qalaxayi da qoñiita huo'o dam qami' huetanguilo mayi sa ishit da qauauattoñi,

1 Corintios 12:13

Cha'ayi 'enauaque qomi' nai'ctaxa da qomi' judío lashi', huo'otaq sa qomi' judío lashi', huo'otaq qomi' nlataqa, huo'otaq sa qomi' nlataqa, co'ollaq qomi' qanachilaxa'n, nachi so Espíritu Santo qomi' ÿauaxaÿaxana't da 'eeta'am naq'en da 'oonolec n'oquiaxac. Qaq 'enauac da shinaqta qomi' qanÿomaxanguilo so 'oonolec Espíritu.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

Juan 7:38

Cha'ayi nachi 'ena'pe naua ñiyigui'shi n'aqtaqa da ca aÿim i'amaqten, nachi camayi añi lquiyaqte chigoqtoigui ca 'etaxat mayi 'eeta'am na l'auaxac da npaxaatashiguem.

Hechos 10:44

Qaq ña detaqtac so Pedro co'ollaq so Espíritu Santo anac, nachi tanguit 'enauac so n'axaÿaxaatega da l'aqtaxanaxac.

Mateo 3:12

Qaq camayi lasoqta'a ca lchigoxosoxonaxat, da yaqto' ichigoq na trigo da nqat na lvi. Ime, qaq ÿoxotoigui ca laÿi'. Qaq na lvi, qalaq ÿavigaxat, ÿasaxangui ca nodec mayi sa ishit da 'om.

Juan 1:27

damayi aÿim nca'attalec, qaq nai'ctaxa da damayi nal'ena da huo'o co'ollaq saxanaxa da aÿim huo'o. Qataq sa ishit da yalou'a da ñaqa't naua lapela'te lque'te.