Biblia Todo Logo
Bib sou entènèt

- Piblisite -




Lucas 3:14 - Nuevo Testamento Toba Sur

14 Nataq'en anac so nallippi so nta'a, nachi qainattac somayi, qoÿiita': –Qaq qomi', ¿huá'ague ca shinaqtec? Nachi so Juan 'enapeco': –Sa ishit qome da huo'o ca qanhuoyi, qataq sa ishit da huo'o ca qauayiñiitalec, nataq'en sa ishit da huo'o ca chochi qauasaqaitapeguelec ca lasouaxashit. Añim qadashivii, nachañita qauaÿamaxayiñiita.

Gade chapit la Kopi

Nuevo Testamento Toba Sombrero Negro

14 Nataq'aen uo'oe gaa'me coico laje' jo'ne yena't joñe'me: —Qama'le da'me qo'mi, ¿jach'e ga'me jauoqo? 'Yategueta: —Ena'te 'uo gamachaqaega ta'le aneuodi, uotaĝa ta'le auauoyi lachoĝodec da'me auauoyi ga'me laviyaĝajet qama'le auepoliquilegue ga'me jo'ne ja ya'uo; dite da'me aueñi mach'eñe da'me 'uo da'me anejetenaguequi.

Gade chapit la Kopi

La'aqtaqa Ñim Lo'onatac 'Enauacna 2013

14 Nataqa'en anac so huataxanaqpi, da inattaco' so Juan, 'eeta': –Qaq qomi', ¿hua'ague ca shenaqtec? Nache so Juan 'enapeco': –Qami' maye qauayiñiitalec na shiỹaxauapi qataq qoñiỹapega da qami' ỹanema aca alom da yaqto' ishet da qauachaxañiỹapecot da lactapiguiñi. ¡Saishet da qavi'iguelaqailec da nache qoñiitec de'era, nachaqrata da qantoñiiteguec añi qansheetenaqchi!

Gade chapit la Kopi




Lucas 3:14
15 Referans Kwoze  

Qaq sa ishit da shinapec de'eda souaxat da aÿim huo'o da iuenaxanaxa, cha'ayi aÿim saÿaten da ñitootapeguec cam huo'o.


Nachi so Zaqueo nachajñi, nachi 'enapega so qadataxala', 'eeta': –'Am ÿataxala', aÿim qome secolaxatchiguingui na laiñi da isallaxa. Ime, qaq sanem nam choxodaqpi. Qaq da huo'otaq huo'o ca chochi sayin co'ollaxa da secachiÿa ca 'oonolec logoxot, nachi camayi shi'iguelaxatoto caua cuatro.


Nachi sa'axaÿa so n'aqtac ÿataqta alam, chimqot na piguem, 'eeta': –Mashi nvi' da nca'alaxa, qataq da n'añaxac, qataq da l'onataxanaxac da ilo'ogue 'enauacna ñi qadta'a Dios, qataq da lamaxasoxonaxac som namaq nta'a nca'alaxaqui. Cha'ayi mashi qaÿamaqhuec som ÿasaqtapeguelec na lasouaxashit na qadqaÿañicpi som na'axa'tesa'chi qataq pesa'chi da ÿi'iguelaqtau'a ca netaña ñi qadta'a Dios.


Nachi 'en'am qonapega na ÿi'axaina'pi da ÿataqta quetelec da lataxac aca quetague' ñi Dios, qataq sa ishit da n'aqtaqa l'o', qataq sa ishit da taxai. Chaqdata da dachaxanataxana ca no'on,


yaqto' sa ishit da huo'o ca ilalec da qoñiita ca qadasouaxashichi, huo'otaq ca qadsomaxaqui. Chaqdata da qami' llalqa ñi Dios, qami' qui'itte' da qoviitangui na qauemaicpi qataq 'itaxaloxoicpi. Nachi qami' 'edoiguilo da qaucoÿayiilec namayipi, qoñiita'am aca huaqajñi da icoÿadelec na napalaxa,


Qaq co'ollaq jec so namaxashic piguem l'ec mayi da'aqtaxaatac, nachi so Cornelio iÿaxaneugalo soua dos soua lamaxa'shi qataq so 'oonolec huataxanaq l'ec mayi nataq'en quetague' ñi Dios qataq ÿataqta lpe'et.


Qaq co'ollaq taÿau'a so Jesús yi pueblo Capernaum, nachi anac so huataxanaq lta'a mayi l'ec yi Roma da nachoxodeetot somayi,


Nachi na shiÿaxauapi denataxan, 'eeta': –Qaq, ¿huá'ago' ca shinaqtec?


Nachi so Juan 'enapeco': –Qom qanqachi aca lshiitenaxanaqte na shiÿaxauapi, qalaq sa ishit da napacalec qanqashiñi añi iÿaxanaique ca nta'a.


Swiv nou:

Piblisite


Piblisite