Lucas 3:11 - Nuevo Testamento Toba Sur

¹¹ Nachi so Juan 'enapeco': –Qomyi ca dos caua l-lomaxaqui', qalaq ÿanem ca 'oonolec cam qaica ca l-lomaxaqui, qataq cam huo'o ca aloq, qalaq ÿachit cam qaica ca aloq.

Nuevo Testamento Toba Sombrero Negro

¹¹ Juan 'yategueta jogaa'me: —Joñe'me jo'ne yauanalo dojolqa gaa'me nejomaĝaiqui', qama'le 'noota ta'le yiyota'a ga'me laqaya qaedi yanem ga'me jo'ne qaya'te nejomaĝaiqui; nataq'aen ñe'me jo'ne 'uo ga'me yalic, 'noota ta'le yachet ga'me jo'ne qaya'te yalic.

La'aqtaqa Ñim Lo'onatac 'Enauacna 2013

¹¹ Nache so Juan 'enapeco': –Qomye ca dos caua l-lomaxaqui', qalaq ỹanem ca 'oonolec cam qaica ca l-lomaxaqui, qataq cam huo'o ca aloq, qalaq ỹachet cam qaica ca aloq.

Lucas 3:11 Referans Kwoze

1 Juan 3:17

Ÿoqo'oyi da huo'o ca 'oonolec da shinaqta da huo'o 'enauac nam lhueneguesat da nachaalataxac, qaq da huo'otaq ilota'a ca lqaÿa da huo'otaq huo'o da lhuenaxanaxa, qalaq sa ishit da nqouaguec camayi, nachi ¿huá'ago' ca 'eetec camayi da ÿauotec ñi Dios?

1 Timoteo 6:18

Qonapega nataq'en da i'ot ca no'on, yaqto' 'ico' lsallaxa da l'onataxanaxac ÿaÿamaqchiguiñi. Qataq qaica ca ÿictega da huo'o ca ÿan da detaunaxanot.

Lucas 18:22

Nachi co'ollaq hua'aqchigui de'eda so Jesús, nachi 'eeta': –Huo'o da 'oonolec ña daqaptauec, 'eeta': 'Aumen qome 'enauac na 'am hueto'ot, ime, qaq 'ai'anoigui nam choxodaqpi, yaqto' huo'o ca 'adsallaxa hua'ague da piguem. Qaq qom ime, nachi 'auanac, aÿim 'auca'ategue.

1 Juan 4:20

Qalaxayi da huo'o ca 'eeta': “Aÿim sauotec ñi Dios,” qalaxayi camayi da ña nquiÿata'ai' ca lqaÿa, nachi camayi chochi tenataxanaxaic. Cha'ayi ca 'oonolec shiÿaxaua da huo'otaq sa ishit da ÿauotec ca lqaÿa mayi ilota'a, nachi camayi ¿huá'aguectoxo' da ishit da ÿauotec ñi Dios mayi sa ishit da ila'a?

Santiago 1:27

Da n'amqajnataxanaxac mayi ÿataqta imeteeta ñi qadta'a Dios da ÿataqta qui'itta qataq saqca ca huetapoigui nasouaxashit, damayi 'eeta': ca shiÿaxaua itauan ca saqcaua caua lta'al qataq aca pa'ai mayi huetaigui da nque'ejnaxac, qataq ÿataqta ndenguet 'enauac na sa ÿaÿamaxañisat mayi huetalec ana 'alhua.

Lucas 11:41

Qaq ÿoqo'oyi qami' da qauachitaqtaxañi, qalaq qai'añi cam huetangui ca qadqui'axaquii, qaq yaqto' 'enauac da qui'itta camayi.

Mateo 25:40

Nachi ne'ena nta'a 'enapec qome: “Ÿataqta 'eesa de'eda qami' sa'axatema da 'enauac ne'ena qau'ochiic ca 'oonolec ne'ena ÿaqaÿañicpi, da nai'ctaxa da qaica ca l'amaqchic, qaq nachaÿim mayi aÿim qau'ochiic de'eda.”

Hebreos 6:10

Cha'ayi ñi Dios sa ishit da huo'otaq sa ipaguelec ca l'aqtac. Qataq ñimayi sa ishit da icoua'ai da qad'onataxanaxaqui qataq da qadauotaxanaqtaiqui nam qadqaÿanquiipi mayi qad'amqajnataxanaxauaipi, dam ña qoquiito'ot nagui da qau'ochiitac.

Hechos 10:31

Nachi somayi aÿim 'enapega, 'eeta': “Cornelio, ñi Dios mashi hua'aqtega da 'anqouagaxaunaxac, qataq iuennate dam 'adtaunaxanaxac da 'autauaatac nam huo'o da lhuenaxanaxa.

Hechos 10:4

Nachi somayi ÿamato'ot se'eso namaxashic piguem l'ec, qalaxayi ÿataqta ñi'i. Nachi inattac, 'eeta': –¿Négue't ca, 'am ÿataxala'? Nachi som namaxashic piguem l'ec 'enapego' somayi, 'eeta': –Ñi Dios ÿataqta ÿaÿamaxadeeta da 'anqouagaxaunaxac qataq dam 'adtaunaxanaxac da 'autauaatac nam huo'o da lhuenaxanaxa.

Hechos 10:2

Qaq se'eso shiÿaxaua qataq 'enauac so llalaqpi quetague' ñi Dios qataq ÿataqta ñi'iÿa ñimayi. Somayi nataq'en ÿataqta qalota añi ÿaneec alom da itauaatac na judiopi qataq nachi 'eetai' da nqouagaxaueetacot ñi Dios.

Juan 13:29

Cha'ayi so Judas, somayi nachiso so ilotague' aso laÿi' ana plata, qaq ÿoqo'oyi huo'o na ipi'itaxaatega da qoÿiitega somayi da huo'o ca queu'a nallic souaxat se'eso naponaxac, huo'otaq da huo'o aca ÿami' nam choxodaqpi.

Lucas 19:8

Nachi so Zaqueo nachajñi, nachi 'enapega so qadataxala', 'eeta': –'Am ÿataxala', aÿim qome secolaxatchiguingui na laiñi da isallaxa. Ime, qaq sanem nam choxodaqpi. Qaq da huo'otaq huo'o ca chochi sayin co'ollaxa da secachiÿa ca 'oonolec logoxot, nachi camayi shi'iguelaxatoto caua cuatro.

Efesios 4:28

Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

Santiago 2:14

Qami' ÿaqaÿadolqa, ¿négue'to' ca naigui da huo'o ca 'eetega da huo'o da lpi'iÿaxac, da huo'otaq sa ishit da i'ot ca ÿaÿamaqchiguiñi? ¿Peta'a ishit da nca'alaxateec de'eda lpi'iÿaxac?