Lucas 24:39 - Nuevo Testamento Toba Sur

³⁹ Ña qaumijñi naua iua'q qataq naua ichil. Ñaq aÿim qaupochiu'a qataq aÿim qaumijñi, cha'ayi cam nqui'i qaica cam lapat qataq cam lpi'inec, qaq sa ishit da 'eetec nagui da aÿim qauloito'ot.

Nuevo Testamento Toba Sombrero Negro

³⁹ Auec'achiñe' naa'me youa' nataq'aen naa'me yapia'te. ¡Naqayem! Jayem auepochi nataq'aen jayem auec'achiñe. Ga'me nepaqal qamqa'me qaya'te lapat uotaĝa ta'le uo'oe gaa'me p'inaqa; qalaĝaja, da'me jayem auec'achiñetac, yitaĝa jepaque'tegue da'me ñejiyaĝauayaĝac.

La'aqtaqa Ñim Lo'onatac 'Enauacna 2013

³⁹ Ña qaumichiñi' naua ihua'q qataq naua ichel. Qataq ñaq Aỹem qaupocheeua'a qataq Aỹem qauloitot, nache qauauattoñi da Nachaỹem ¡'Eesa da Aỹem! ¡Nachaỹem! Cam nqui'i qaica cam lapat qataq ca lpi'inec, qaq saishet da 'eetec nagui da Aỹem qauloito'ot.

Lucas 24:39 Referans Kwoze

Juan 20:27

Ime, nachi 'enapego' so Tomás, 'eeta': –Ña ipoteu'alo 'anqa'en naua 'axaata naua iua'q, qataq nataq'en 'aupoteu'a na ÿaÿi. Nachi sa ishit qome da 'auqolguetaxaatac, chaqdata da 'au'amqajnataxan.

1 Juan 1:1

Qaq sedaxañi da yaqto' qami' samaxasaxalo se'eso nal'ena da huo'o co'ollaq saxanaxa da huo'o ana 'alhua, som qomi' sa'axasoqchigui qataq ñimaqa'ai' da sauanaqchigui. Somayi sauanaqchigui qataq naua qadhua'q ipottau'alo, qaq somayi nachiso so l'enaxat n'aqtac mayi chigaqaigui da nca'alaxa.

Juan 20:20

Qaq co'ollaq ime da 'enapec de'eda somayi, nachi ÿachaxa'n naua lhua'q qataq na laÿi. Nachi soomayi ÿataqta huo'o da ntonaxa'c da ilodo'ot so qadataxala'.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

Hebreos 12:9

Qataq da lÿa 'eeta': Co'ollaq saxanaxa da qomi' ÿi't, qalaq ÿataqta salaxasoxolguete soua yi'oqchiguilo qadta'al mayi qomi' ÿapaxagueeta'pe. Qaq ¿táloxochiyictoxo' da saq ÿacteec ñaqshinaq da qadalaxayic ñi qadta'a mayi saq cha'a, yaqto' sovidaqa'a da nca'alaxa?

Juan 20:25

Qaq co'ollaq imeueegue de'eda, nachi soua lÿa't napaxaguenataqa da'aqtaxaatapeguema somayi, qoÿiita': –Qomi' ñauanaxai' so qadataxala'. Qalaxayi so Tomás 'enapegalo' soomayi, 'eeta': –Aÿim da sa ishit da semete'n naua lhua'q ca lliguiyiñi ana clavo, huo'otaq da sepoteu'a ca lliguiyiñi ana clavo naua lhua'q qataq na laÿi, nachi aÿim sa ishit da sa'amaqten de'eda.

Hechos 1:3

Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.

Lucas 23:46

Nachi so Jesús i'alaq, 'eeta': –'Am ita'a, 'am sepataxalec nagui da maichi 'aulo'ogue na iqui'i. Qaq co'ollaq mashi nasaxauec de'eda l'aqtac, nachi ileu.

Lucas 24:38

Qalaxayi so Jesús 'enapeco': –¿Tá'ainco' yi qayi'ii? qataq ¿tá'ainco' yi huo'o da lqolguetaxanaxa'c naua qadquiyaqchilli'?

Lucas 24:40

Qaq co'ollaq 'enapec de'eda, nachi ÿachaxa'n naua lhua'q qataq naua lapia'te.