Lucas 24:36 - Nuevo Testamento Toba Sur

³⁶ Qaq ña qan'aqtaxaatapigui de'eda, co'ollaq so Jesús nachatchiguingui na laiñi somayipi. Nachi iquin, 'eeta': –Ÿataqta huo'o da qadlagaxayiqui qome.

Nuevo Testamento Toba Sombrero Negro

³⁶ Ca'li maliaĝa dajo'ta't dojetedapiye ga'me 'uo ca'li, ca'li Jesús uañe laeñi jogaa'me nataq'aen yep'iye'n, enaac: —¡'Nemaĝac ami uetauelo!

La'aqtaqa Ñim Lo'onatac 'Enauacna 2013

³⁶ Qaq ña qana'aqtaxaatapigui de'era, co'ollaq So Jesús nachaxan nachatchiguingui na laiñi se'esoua lapaxaguenataqa. Nache iqui'n soomaye, 'eeta': –La', qauacoñiiguet da l-lagaxayec Ñim Lo'onatac 'Enauacna.

Lucas 24:36 Referans Kwoze

2 Ts 3:16

Qaq so qadataxala' Jesús mayi chigoqo'ot da nlagaxayic, somayi qami' ÿanema qome da qadlagaxayiqui 'enauaque naua vi'iyi qataq 'enauac na sochaqna lataxaguesat. Qaq somayi hueta'agueta qome 'enauac da qoñiita.

Lucas 10:5

Qaq da huo'o ca qavichiu'a nma', qalaq qau'auaxañiiñi da qauquinaxañi, qoñiita': “Huo'o qome da l-lagaxayic ne'ena nma'.”

Marcos 16:14

Qaq co'ollaq qaÿata'ague de'eda, nachi so Jesús nachaxanalo soua once lapaxaguenataqa, co'ollaq soomayi nso'ootrañi, datatalguete ca nqui'axala'. Nachi somayi nlaxaiguilo soomayi, souaxat da qaica ca lpi'iÿaxa'c qataq da ÿataqta qadamchiguilo naua lquiyaqte, cha'ayi sa ishit da i'amaqte'n nam nauane' somayi da mashi qaltaq qanca'alaxateec.

Apocalipsis 1:4

Aÿim Juan, samaxa ana ÿide naua siete 'ale'u mayi netalguete na 'amqajnataxanaxaicpi mayi netaigui yi 'alhua Asia. Qami' ÿaqaÿañicpi, ñishitaique da qami' qauacoñiiguet da nqouagaxanaqtaic qataq da nlagaxayic mayi chigoqo'ot ñi Dios, ñim nachi 'eetai' da huo'o, qataq ñim do'onataxaatac nagui, qataq naÿa'cna. Qataq nataq'en chigoqo'ot nam siete saq cha'api mayi datatau'a ca nso'onqa' ñimayi.

1 Corintios 15:5

Qaq ime, nachi somayi nachaxana so Pedro, ime qaltaq jec soua lÿa't lamaxa'shi.

Juan 20:26

Qaq co'ollaq mashi ivi' naua ocho na'axa'te, nachi soua napaxaguenataqa qaltaq lapoota'a't da huetra'a so noÿic, nachi ÿalectauo so Tomás da hueta'agueta soomayi. Qaq nai'ctaxa da ÿataqta ÿapochigui so lasom, qalaq so Jesús pa'auo, nachi vichiguinguilo soomayi. Nachi iqui'n, 'eeta': –Huo'o qome da qadlagaxayiqui.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

Juan 14:27

Nagui qami' shica'aisalo, qalaq nda'a't da nlagaxayic. Qaq de'eda ilagaxayic qami' sanema, qalaxayi sa ishit da qami' sanema da huo'otaq shiita'am da 'eetec nam huetalec ana 'alhua da huo'otaq ÿan da l-lagaxayic. Qaq sa ishit qome da huo'o ca tatapigui yi qadvilli, qataq sa ishit da qayi'iitac.

Mateo 10:13

Qaq cam lalamaxat que'eca nma', da huo'otaq ÿaconguet, nachi qan'onaxachiÿa'aguet de'eda qadquinaxanaxaqui mayi naigui da nlagaxayic. Qalaxayi da sa ishit da ÿaconguet, nachi qañi'iguelaxachiila't de'eda qadquinaxanaxaqui.

Hechos 1:3

Qaq co'ollaq ime da l-leuaxa, nachi so Jesús qaltaq nachaxanalo soua lamaxa'shi. Qaq ivi' naua cuarenta na'axa'te da jec da nachaxanaxac, qaq de'eda nachaxanaxac i'axat da somayi ÿoqta 'eesa da nca'altauec. Nachi somayi i'axattapeguem somayipi da l'onataxanaxac ñi Dios da ilo'ogue 'enauacna.

1 Corintios 15:7

Ime, qanachi qaltaq nachaxana so Santiago, ime qaltaq jec 'enauac so laÿipi lamaxashicpi.