Lucas 23:10 - Nuevo Testamento Toba Sur

¹⁰ Qaq nataq'en nachattauo nam lataxala'pi na ntaxaÿaxanaxanecpi qataq nam dapaxaguenataxaatapeguec na nqataxacpi, namayipi ÿataqta qalota na ÿasaqtapeguelec da 'eetega lasouaxashit somayi.

Nuevo Testamento Toba Sombrero Negro

¹⁰ Nach'e ena'am ueteda'a ga'me lejaliaĝanaqa jogaa'me tamenaĝaiqui lo'olpi nataq'aen joga'me judiopi napaĝaguenoqo'tpi jo'ne yepalatedapega da'me yechoĝo't ga'me e'n laviyaĝajet.

La'aqtaqa Ñim Lo'onatac 'Enauacna 2013

¹⁰ Qaq nataqa'en nachattauo nam lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi, namayepi ỹataqta qalota na ỹasaqteguelec da 'eetega lasouaxashet Somaye.

Lucas 23:10 Referans Kwoze

Hechos 24:5

Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.

Lucas 23:5

Qalaxayi somayipi ÿi'iguelaxalec da l'aqtac ÿataqta n'axannec, 'eeta': –Namayi ÿasouaxattega't na shiÿaxauapi mayi netaña yi Judea, souaxat da lapaxaguenataxanaxac. Chigoqchiguiña yi Galilea, qaq nagui qataq nvitta'a ne'ena souaqta'a.

Lucas 23:2

Huaña, nachi qaÿauo'o na qaÿasaxalecpi qoÿiitega lasouaxashit, qoÿiita': –Qomi' selaqalec de'eda shiÿaxaua da ÿataqta taÿa't naq'en na qadhuo' l'ecpi. Qataq 'eetega da sa ishit da seshiitenaq ñi lta'a na nta'alpi mayi netaña yi Roma, qataq 'eetega da nachida dam nta'a nca'alaxaqui.

Lucas 11:53

Nachi co'ollaq ime da nasaxauec de'eda so Jesús, nachi nam dapaxaguenataxaatapeguec nam nqataxacpi qataq nam ÿalectaigui na fariseopi, ÿataqta dalemataÿa somayi. Nachi qanayictot da sa qaÿalemaxat da qainattac. Qalota nam qainataxaatapeguec.

Mateo 27:12

Nachi nam lataxala'pi nam ntaxaÿaxanaxanecpi qataq nam nquedoxonecpi co'ollaq imettalec na lasouaxashitpi, qalaq somayi sa ishit da ÿasat.

Lucas 23:9

Nachi ÿataqta qalota na nnataxanaxacpi da inattac somayi, qalaxayi so Jesús sa ishit da ÿasateguet.

Lucas 23:11

Nachi so nta'a Herodes qataq so nallippi ÿataqta qaÿi'inai' so Jesús, nachi qalapaxalec so npo' ÿataqta qaica ca 'en'am da lyac, 'eeta'am qanqoÿin ca nta'a. Qaq co'ollaq ime, qaltaq qaÿi'iguelaxata so Pilato.