Lucas 22:3 - Nuevo Testamento Toba Sur

³ Nachi so Satanás inoxonoigui so Judas, da l'enaxat lÿa Iscariote. Somayi nachiso so 'oonolec soua doce lamaxa'shi.

Nuevo Testamento Toba Sombrero Negro

³ Qama'le Satanás taue ñe'me Judas jo'ne qoyiyanaĝatapec Iscariote, nach'eñe chiyaqauelo gaa'me doce lapaĝaguenataqa ñe'me Jesús.

La'aqtaqa Ñim Lo'onatac 'Enauacna 2013

³ Nache so pa'aguenataxanaxaic taigui da lquiyaqteỹaxac so Judas, da le'enaxat lỹa Iscariote. Somaye maiche 'oonolec soua doce lapaxaguenataqa So Jesús.

Lucas 22:3 Referans Kwoze

Juan 13:2

Qaq so shiÿaxaua mayi lma'na, somayi mashi sogote da ÿachaigui da lquiyaqteÿaxac so Judas Iscariote, som llalec so Simón, da lhuennataxac da yaqto' ÿaneuo so Jesús. Qaq so Jesús, somayi ÿaÿateeta da chigoqtot ñi Dios, qataq ÿaÿateeta da ÿi'iguelaxa ñimayi, qataq da ñi lta'a ÿanem somayi 'enauac da l'añaxac. Nachi co'ollaq mashi deque'etacpi somayipi, nachi so Jesús nachajñi, nachi nqat so lapo', qataq nsaachigui so pilotaxat.

Juan 13:18

Qaq aÿim sa ishit da imauec da qoñiita da qami' setaqtapoiguilo, cha'ayi aÿim saÿateeta nam ÿataqta llica'aguishicpi. Qalaxayi ÿataqta ipacchigui qome da 'enapec naua ñiyigui'shi n'aqtaqa, mayi 'eeta': “Cam maichi iqui'axaua, qalaq camayi aÿim dataÿa'aguet da aÿim npa'aguene'.”

Hechos 5:3

Nachi so Pedro 'enapego' somayi, 'eeta': –Ananías, ¿tá'ainec yi 'aunoxonaqchitoigui añi 'adquiyaqte so Satanás da yaqto' 'auatenachit naq'en so Espíritu Santo, nachi 'an'onaxatañi aso laÿi aso lashiue so 'adma'?

Lucas 22:21

Qaq nagui ñi aÿim ÿaneuo qome, ñimayi nataq'en ñiso'onaqta'ai', datatalec ne'ena qadqui'axala'.

Juan 12:6

Qaq so Judas sa ishit da 'enapec de'eda, da souaxat da huo'otaq ichoxodeetac na choxodaqpi. Cha'ayi somayi chochi cachaxaic, qataq nachiso som hueto'ot aso laÿi' ana plata, nachi somayi decachitapega anam qaÿasaqtangui asomayi.

Lucas 6:16

Judas som lqaÿa so Santiago, qataq so Judas Iscariote mayi ÿaneuo co'olloxochiyi so Jesús.

Mateo 26:23

Nachi so Jesús 'enapeco': –Ñim ÿauoltenaxanaxaua ne'ena qadqui'axaqui, nachiñi qome ñim aÿim ÿaneuo.

Mateo 4:10

Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Mateo 10:4

Simón som chigaqaigui co'ollaxa ana l'enaxat cananista; qataq so Judas Iscariote som ÿaneuo co'ollaxa so Jesús.