Lucas 21:34 - Nuevo Testamento Toba Sur

³⁴ Qalaxayi maxatchaxa, sa ishit qome da qadamchiguilo naua qadquiyaqchilli' souaxat ca qanamañi, qataq da qadomiilec na lataxa qataq nam laÿi nhuenecpi yi na'a'q, yaqto' que'eca na'a'q sa ishit da qami' ique'elaxa't,

Nuevo Testamento Toba Sombrero Negro

³⁴ “Achiya'aguet: ena'te ademiya'alo gaa'me namanaĝanaĝaco uotaĝa ta'le ami taĝayaqa uotaĝa ta'le diyachitapiyelo naa'me adai'lidi' queda'me cha'li 'uo da'me at'oyaĝaqui nayi, qaedi ga'me nolo' qomle ja ami 'te yepelaĝa't da'me ami ualo'te

La'aqtaqa Ñim Lo'onatac 'Enauacna 2013

³⁴ Qalaxaye maxatchaxa, saishet da qaumiiguet da qauennacheetega da qauo'oche ca qarquia'axaqui qataq da qaumiiguet da qartaqai, qataq saishet da qaumachiỹalec nam chochaqna, yaqto' que'eca na'a'q saishet da qami' ique'elaxa't,

Lucas 21:34 Referans Kwoze

Marcos 4:19

Qalaxayi ÿapacteec da ime'eguet na chochina huetalec ana 'alhua, qataq anac da nsallaxa ÿatenachit, ivitta'a da nqopita 'enauac na chochinasat. Nachi 'enauac ne'enapi ÿapolec da n'aqtac, nachi sa ishit da ÿauo'o ca alaÿaxac naq'en que'eca shiÿaxaua.

Lucas 12:40

Qaq qami' nataq'en ÿataqta qanaÿamaxachiitai' qome, cha'ayi qom huo'otaq sa ishit da huo'o ca taÿapigui qadvilli, nachi nvi' ne'ena shiÿaxaua llalec.

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

2 Pedro 3:14

Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.

Gálatas 5:20

qataq da qanatameetacot na nqolacpi, qataq da qaÿi'en ca nÿa, qataq da nquiÿaxanaqtaic, loquiaxac, qataq da nca'alaxanaxac, saq ÿoxonguit da nalemataic, qataq da chochi huo'o ca qanaquittaique da huo'o ca qai'ot, qataq da ÿotaxac da qoÿida't na shiÿaxauapi.

1 Corintios 5:11

Da shiitega 'eeta': sa ishit da qaualliquiitapeeguet da huo'o ca 'eetega da qad'amqajnataxanaxauai, qalaq quetaigui da lquishiguetaxac, huo'otaq mataxalaic, huo'otaq natameetacot na nqolacpi, huo'otaq n'aqtaqa l'o', huo'otaq taxaic, huo'otaq cachaxaic. Qataq ivida'a da sa ishit da chochi qadqui'axauai ca nachi 'eeta'ac de'eda.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Lucas 21:8

Nachi so Jesús 'enapeco': –Maxatchaxa qome, qadvichiÿai'. Qataq sa ishit qome da huo'o ca chochi qami' ÿatenachi't. Cha'ayi qalota qome na anac da anactaigui da i'enaxat, nachi 'eeta': “Aÿim mayi nachaÿim nta'a nca'alaxaqui;” huo'otaq 'eeta': “Nagui mashi ivita yi naloqnec.” Qalaxayi sa ishit qome da qauca'achiigue.

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

Lucas 17:3

Qaq maxatchaxa qome. Ca 'adqaÿa qom huo'o ca 'am i'otec sa ÿaÿamaxañi, qaq no'on da 'avidaxato'ot camayi. Qaq da huo'otaq ÿaxaneec ca n'onataxac, qaq 'auchoxoden.

Lucas 10:41

Qalaxayi so Jesús, 'enapeco': –Marta, Marta, ÿataqta 'admela't, qataq 'am ÿaquicoqchit nam qalota 'addaxacpi.

Lucas 8:14

Qaq asom nanguishi mayi tajlec som 'alhua mayi huo'o ana ÿaxat, qalaq naigui ca shiÿaxaua mayi n'axaÿaxaatega da n'aqtac. Ime, qaq jec, qaÿata'ague nachi qaÿapolec da n'aqtac souaxat da lqochoxo nam huetalec ana 'alhua, qataq dam nsallaxa, qataq dam lqopitaxanaqtaic 'enauac na chochina qauem. Qanachi sa ishit da huo'o ca alaÿaxac naq'en da n'aqtac.

Marcos 13:9

Qalaxayi qami' ÿataqta qanloiteec qome. Cha'ayi qami' qoÿaneu'alo qome na nta'alpi, qataq qami' qaiuaxaata'pe da huaigui ana laponaxaquipi na judiopi. Huaña, nachi qami' qanachaalataxaneu'alo na nta'alpi mayi ilotagueto naua 'ale'u qataq na lta'alpi namayipi, souaxat da aÿim qoquiitague'. Huaña qome, nachi ishit da aÿim qau'axachiim namayipi.

Hebreos 12:15

Qataq maxatchaxa qome da qoñiita da sa ishit da huo'o ca ÿaxaneec da ltaunaxanaxac ñi Dios mayi ÿaatac, yaqto' sa ishit da huo'o ca 'oonolec da qoñiita da 'eeta'am aca huoue shinataxanaxai mayi ishit da n'aqchit ana laÿipi.

2 Pedro 3:10

Qalaxayi que'eca lli'iguelaxasoxoc so qadataxala' ivita qom sa qalligueme da taÿapigui yi nhuel, 'eeta'am ca cachaxaic da quetagui yi pe. Huaña, nachi na piguem nlaguiñi, ÿataqta qaica ca 'en'am ca l-lamaxa. Nachi nam hueto'ot na piguem ÿavigaxat que'eca nodec, nataq'en ana 'alhua, qataq 'enauac nam huetalec.

Lucas 21:35

nachi qoñiita'am cam nqoiñiguishic. Qaq 'eda qome da 'eetec da nvidaxac qom qanvita 'enauac na huetalec ana 'alhua.