Lucas 21:15 - Nuevo Testamento Toba Sur

¹⁵ Cha'ayi aÿim qome qami' sanema caua qad'aqtaqalli' qataq ca qadaÿajñiqui, da yaqto' sa ishit da huo'o ca qami' dataÿa'agueta da qami' ncotaÿapegueto.

Nuevo Testamento Toba Sombrero Negro

¹⁵ qa'a naqayem jo'ne ami janema qomle ga'me at'aqataqadi' jo'ne ami najaqachiguilo da'me adayatenaĝanaĝaqui, qama'le qaya'te gamachaqaega gaa'me ami nautenalo yaqanatet ta'le napogaĝadeneguet uotaĝa yaqanatet ta'le nautenaĝaneguet ga'me 'laqatac.

La'aqtaqa Ñim Lo'onatac 'Enauacna 2013

¹⁵ Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Lucas 21:15 Referans Kwoze

Efesios 6:19

Nataq'en aÿim qanqouagaxauñiitalec, yaqto' ñi Dios aÿim ÿanema naua i'aqtaqa da ivita da setaqa, qataq yaqto' aÿim qadamchigui da sa'axat dam saq cha'a co'ollaxa n'aqtaguec da nca'alaxa, da yaqto' qaÿaÿaten.

Lucas 12:12

Cha'ayi qom ivita ca laloqo' da qautaqai, nachi som Espíritu Santo qami' ÿapaxaguenque cam lataxac cam qad'aqtaqui.

Hechos 6:10

Qalaxayi sa ishit da qanalo'oguet somayi, cha'ayi da detaqa, qalaq na laÿajnec chigoqo'ot so Espíritu Santo.

Lucas 24:45

Huaña, nachi ÿanem somayipi da ÿaÿate'n naq'en naua ñiyigui'shi l'aqtaqa ñi Dios.

Santiago 1:5

Da huo'o ca 'oonolec da qoñiita iuen ca laÿajnec, no'on da iÿaxanot ñi Dios. Qaq ñimayi ÿami', ÿataqta sa naloqnañi. Cha'ayi ñimayi sa ishit da shimataqaic, qataq sa ÿauota'a l'aloxo ca shiÿaxaua.

Hechos 26:28

Nachi so Agripa 'enapeco': –Mashi huac da aÿim 'auañoxot da yaqto' sa'amaqten so Cristo.

Hechos 24:25

Qalaxayi co'ollaq so Pablo i'axat da llic ca shiÿaxaua da no'on da lataxac, qataq da 'eetec da maichi ntel-la't, qataq cam pa'ateec na'a'q qom qanmit 'enauacna, nachi so Félix ÿataqta ñi'i. Nachi 'enapeco': –'Asoma qome, maichiyo' qom qaltaq huo'o ca idaqa', nachi qaltaq 'am seÿaxaneuga.

Hechos 2:4

Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

Lucas 21:16

Qalaxayi qami' qoÿadeuo qome, ivida'a ca qadalamaxachi qadta'ai qami' ÿaadeuo, huo'otaq ca qadqaÿañiquipi, huo'otaq ca qadhuo'oi l'ecpi, huo'otaq ca chochi qanauochaxauaipi. Qataq qaÿalauat ca 'oonolec da qoñiita.